Gmail ID ਬੰਦ ਕਰਵਾ ਦੇਵੇਗੀ ਤੁਹਾਡੀ ਇਹ ਇਕ ਗ਼ਲਤੀ, Jio ਤੇ Airtel ਯੂਜ਼ਰਜ਼ ਤਾਂ ਜ਼ਰੂਰ ਜਾਣ ਲੈਣ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਕੀ ਤੁਸੀਂ ਵੀ Jio ਜਾਂ Airtel ਦਾ ਕੋਈ ਅਜਿਹਾ ਰੀਚਾਰਜ ਪਲਾਨ ਲਿਆ ਹੋਇਆ ਹੈ ਜਿਸ ਵਿਚ Google One ਦੀ ਫ੍ਰੀ ਕਲਾਊਡ ਸਟੋਰੇਜ ਮਿਲ ਰਹੀ ਹੈ ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੈ। ਪਹਿਲੀ ਨਜ਼ਰ 'ਚ ਇਹ ਆਫ਼ਰ ਦੇਖਣ ਵਿਚ ਕਾਫ਼ੀ ਆਕਰਸ਼ਕ ਲੱਗ ਸਕਦਾ ਹੈ, ਕਿਉਂਕਿ ਇਸ ਵਿਚ ਕੰਪਨੀ 100GB ਤੋਂ ਲੈ ਕੇ 2TB ਤਕ ਦੀ ਕਲਾਊਡ ਸਟੋਰੇਜ ਆਫ਼ਰ ਕਰ ਰਹੀ ਹੈ ਅਤੇ ਇਸਦਾ ਕੋਈ ਐਕਸਟਰਾ ਚਾਰਜ ਵੀ ਨਹੀਂ ਲਿਆ ਜਾ ਰਿਹਾ, ਪਰ ਜੇਕਰ ਇਸ ਸਟੋਰੇਜ ਦੀ ਵਰਤੋਂ ਸੋਚ-ਸਮਝ ਕੇ ਨਹੀਂ ਕੀਤੀ ਤਾਂ ਭਵਿੱਖ ਵਿੱਚ ਤੁਹਾਨੂੰ ਹਰ ਮਹੀਨੇ ਐਕਸਟਰਾ ਪੈਸੇ ਖ਼ਰਚ ਕਰਨੇ ਪੈ ਸਕਦੇ ਹਨ।

ਫ੍ਰੀ ਸਟੋਰੇਜ ਖ਼ਤਮ ਹੁੰਦੇ ਹੀ ਵਧ ਸਕਦੀ ਹੈ ਪਰੇਸ਼ਾਨੀ

ਟੈਲੀਕਾਮ ਪਲਾਨਸ ਦੇ ਨਾਲ ਮਿਲਣ ਵਾਲੀ Google One ਦੀ ਫ੍ਰੀ ਸਟੋਰੇਜ ਸਿਰਫ਼ ਇਕ ਤੈਅ ਸਮੇਂ ਲਈ ਹੈ। ਅਜਿਹੇ 'ਚ ਇਹ ਸਮਾਂ ਖ਼ਤਮ ਹੋਣ ਤੋਂ ਬਾਅਦ ਜੇਕਰ ਤੁਹਾਡਾ ਡੇਟਾ ਉਸ ਸਟੋਰੇਜ 'ਚ ਰਹਿੰਦਾ ਹੈ ਤਾਂ ਸਟੋਰੇਜ ਫੁੱਲ ਹੋਣ ਕਰ ਕੇ ਤੁਹਾਡੀ Gmail ID ਬੰਦ ਹੋ ਸਕਦੀ ਹੈ।

ਉੱਥੇ ਹੀ, ਜੇਕਰ ਤੁਸੀਂ ਆਪਣੇ ਡੇਟਾ ਨੂੰ ਹਟਾਉਣਾ ਨਹੀਂ ਚਾਹੁੰਦੇ ਤਾਂ ਇਸਦੇ ਲਈ ਤੁਹਾਨੂੰ Google ਦਾ ਪੇਡ ਪਲਾਨ ਲੈਣਾ ਪੈ ਸਕਦਾ ਹੈ। ਇਸਦਾ ਮਤਲਬ ਹੈ ਕਿ ਜਿਹੜੀ ਸੁਵਿਧਾ ਅੱਜ ਫ੍ਰੀ ਮਿਲ ਰਹੀ ਹੈ, ਉਹੀ ਅੱਗੇ ਚੱਲ ਕੇ ਵੱਡੀ ਸਮੱਸਿਆ ਬਣ ਸਕਦੀ ਹੈ।

Gmail ਤੇ Google Photos 'ਤੇ ਵੀ ਅਸਰ

ਇੰਨਾ ਹੀ ਨਹੀਂ, Google ਅਕਾਊਂਟ ਦੀ ਸਟੋਰੇਜ Gmail, Google Photos ਅਤੇ Google Drive ਤਿੰਨਾਂ ਲਈ ਇਕ ਹੀ ਹੁੰਦੀ ਹੈ। ਅਜਿਹੇ ਵਿਚ ਜੇਕਰ ਉਪਲਬਧ ਸਟੋਰੇਜ ਫੁੱਲ ਹੋ ਜਾਵੇਗੀ ਤਾਂ ਨਵੇਂ ਈਮੇਲ ਮਿਲਣੇ ਬੰਦ ਹੋ ਜਾਣਗੇ। ਇੰਨਾ ਹੀ ਨਹੀਂ ਨਵੀਂ ਫੋਟੋ ਤੇ ਵੀਡੀਓ ਦਾ ਬੈਕਅੱਪ ਵੀ ਰੁਕ ਜਾਵੇਗਾ ਜਦੋਂਕਿ Google Drive 'ਤੇ ਕੋਈ ਨਵੀਂ ਫਾਈਲ ਅਪਲੋਡ ਕਰਨਾ ਵੀ ਸੰਭਵ ਨਹੀਂ ਹੋਵੇਗਾ। ਯਾਨੀ ਓਵਰਆਲ ਦੇਖੀਏ ਤਾਂ ਇਕ ਗ਼ਲਤੀ ਨਾਲ ਤੁਹਾਡੀ ਪੂਰੀ Gmail ID ਬੰਦ ਹੋ ਸਕਦੀ ਹੈ।

ਫਿਰ ਸਟੋਰੇਜ ਲਈ ਕਿੰਨਾ ਦੇਣਾ ਹੋਵੇਗਾ ਪੈਸਾ?

ਦਰਅਸਲ Google One ਕਈ ਪੇਡ ਪਲਾਨ ਆਫ਼ਰ ਕਰਦਾ ਹੈ ਜੋ ਅਲੱਗ-ਅਲੱਗ ਸਟੋਰੇਜ ਦੇ ਹਿਸਾਬ ਨਾਲ ਉਪਲਬਧ ਹਨ। ਇਨ੍ਹਾਂ ਪਲਾਨਜ਼ ਦੀ ਸ਼ੁਰੂਆਤੀ ਕੀਮਤ ਕਰੀਬ 130 ਰੁਪਏ ਪ੍ਰਤੀ ਮਹੀਨਾ ਹੈ, ਜਦੋਂ ਕਿ 2TB ਸਟੋਰੇਜ ਲਈ ਤੁਹਾਨੂੰ ਲਗਪਗ 650 ਰੁਪਏ ਪ੍ਰਤੀ ਮਹੀਨਾ ਤੱਕ ਦੇਣੇ ਪੈ ਸਕਦੇ ਹਨ।