ਜਲਦ ਲਾਂਚ ਹੋਣ ਵਾਲੀ ਹੈ TATA ਦੀ ਨਵੀਂ ਕਾਰ, ਕੀ ਇਹ Turbo-Racer ਹੈ ਜਾਂ Flex Fuel ਵੇਰੀਐਂਟ

ਆਟੋ ਡੈਸਕ, ਨਵੀਂ ਦਿੱਲੀ : TATA Altroz ਨੂੰ ਸਾਲ 2020 'ਚ ਪੇਸ਼ ਕੀਤਾ ਗਿਆ ਸੀ ਅਤੇ ਉਦੋਂ ਤੋਂ ਇਹ ਦੇਸ਼ ਵਿਚ ਇਸ ਬ੍ਰਾਂਡ ਦੁਆਰਾ ਵੇਚੇ ਜਾਣ ਵਾਲੇ ਸਭ ਤੋਂ ਪ੍ਰਸਿੱਧ ਮਾਡਲਾਂ 'ਚੋਂ ਇੱਕ ਰਹੀ ਹੈ। ਕੰਪਨੀ ਨੇ ਹਾਲ ਹੀ 'ਚ ਸਾਲ 2025 ਵਿਚ Altroz ਨੂੰ ਇਕ ਫੇਸਲਿਫਟ ਮਾਡਲ ਦੇ ਨਾਲ ਅਪਡੇਟ ਕੀਤਾ ਹੈ। ਅਜਿਹਾ ਲੱਗਦਾ ਹੈ ਕਿ ਕੰਪਨੀ Altroz ਨਾਂ ਦੇ ਨਾਲ ਕੁਝ ਨਵਾਂ ਕਰਨ ਦੀ ਯੋਜਨਾ ਬਣਾ ਰਹੀ ਹੈ ਕਿਉਂਕਿ ਹਾਲ ਹੀ 'ਚ ਭਾਰਤੀ ਸੜਕਾਂ 'ਤੇ ਇਸ ਦੇ ਇਕ ਟੈਸਟ ਮਾਡਲ ਨੂੰ ਦੇਖਿਆ ਗਿਆ ਹੈ।

ਕੀ ਇਹ ਟਰਬੋ ਰੇਸਰ ਹੈ?

ਟੈਸਟਿੰਗ ਦੌਰਾਨ ਨਵੀਂ TATA Altroz ਦਾ ਮਾਡਲ ਪੂਰੀ ਤਰ੍ਹਾਂ ਢਕਿਆ ਹੋਇਆ ਸੀ। ਹਾਲਾਂਕਿ, ਤਸਵੀਰਾਂ 'ਚ ਇਕ ਸਾਈਲੈਂਸਰ ਸਾਫ਼ ਦਿਖਾਈ ਦੇ ਰਿਹਾ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਪੈਟਰੋਲ/ਡੀਜ਼ਲ (ICE) ਗੱਡੀ ਹੋਵੇਗੀ ਨਾ ਕਿ ਇਲੈਕਟ੍ਰਿਕ ਕਾਰ। ਕੰਪਨੀ ਨੇ ਸਾਲ 2025 'ਚ ਨਵੀਂ ਜਨਰੇਸ਼ਨ ਵਾਲੀ Altroz ਨੂੰ ਤਾਂ ਲਾਂਚ ਕੀਤਾ ਸੀ ਪਰ ਇਸ ਪ੍ਰੀਮੀਅਮ ਹੈਚਬੈਕ ਦਾ Turbo Racer ਵੇਰੀਐਂਟ ਲਾਂਚ ਨਹੀਂ ਕੀਤਾ ਸੀ। ਅਜਿਹਾ ਹੋ ਸਕਦਾ ਹੈ ਕਿ ਕੰਪਨੀ ਹੁਣ Turbo Petrol ਵਾਲੀ ਅਪਡੇਟਿਡ Altroz ਦੀ ਟੈਸਟਿੰਗ ਕਰ ਰਹੀ ਹੈ।

ਕੀ ਮਿਲਦੇ ਹਨ ਫੀਚਰਜ਼?

ਇਸ ਪ੍ਰੀਮੀਅਮ ਹੈਚਬੈਕ ਦੇ ਟਰਬੋ ਵੇਰੀਐਂਟ 'ਚ ਕੁਝ ਖ਼ਾਸ ਫੀਚਰਜ਼ ਮਿਲਦੇ ਹਨ ਜਿਵੇਂ ਕਿ ਵੈਂਟੀਲੇਟਿਡ ਸੀਟਾਂ, ਪੂਰੀ ਤਰ੍ਹਾਂ ਬਲੈਕ ਇੰਟੀਰੀਅਰ ਥੀਮ ਤੇ ਟਰਬੋ ਪੈਟਰੋਲ ਇੰਜਣ। ਨਵੀਂ ਜਨਰੇਸ਼ਨ ਵਾਲੀ Altroz 'ਚ ਇਹ ਫੀਚਰਜ਼ ਨਹੀਂ ਦਿੱਤੇ ਗਏ ਹਨ ਤੇ ਉਮੀਦ ਹੈ ਕਿ ਕੰਪਨੀ ਇਹਨਾਂ ਨੂੰ TATA Altroz ਦੀ ਆਉਣ ਵਾਲੀ ਨਵੀਂ ਜਨਰੇਸ਼ਨ 'ਚ ਪੇਸ਼ ਕਰੇਗੀ।

ਕੀ ਇਹ E85 ਹੈ?

ਭਾਰਤ ਰਵਾਇਤੀ ਫਿਊਲ ਨੂੰ ਛੱਡ ਕੇ ਹੁਣ ਤੇਜ਼ੀ ਨਾਲ Flex-Fuel ਵੱਲ ਵਧ ਰਿਹਾ ਹੈ ਅਤੇ ਦੇਸ਼ ਵਿਚ ਹਾਲ ਹੀ 'ਚ E85 ਫਿਊਲ ਨੂੰ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਨੇ ਭਾਰਤ ਮੋਬਿਲਿਟੀ ਗਲੋਬਲ ਐਕਸਪੋ 2025 'ਚ TATA Punch ਦਾ ਫਲੈਕਸ ਫਿਊਲ ਵੇਰੀਐਂਟ ਦਿਖਾਇਆ ਸੀ। ਅਜਿਹਾ ਹੋ ਸਕਦਾ ਹੈ ਕਿ ਕੰਪਨੀ ਇਕ ਹਾਇਰ ਫਿਊਲ ਬਲੈਂਡ ਦੀ ਅਨੁਕੂਲਤਾ ਲਈ ਬਾਕੀ ਗੱਡੀਆਂ ਦੀ ਟੈਸਟਿੰਗ ਕਰ ਰਹੀ ਹੋਵੇ।

ਇਸ ਲਈ, ਹਾਲ ਹੀ 'ਚ ਟੈਸਟਿੰਗ ਦੌਰਾਨ ਦੇਖਿਆ ਗਿਆ Altroz ਦਾ ਮਾਡਲ ਇਕ ਪ੍ਰੋਟੋਟਾਈਪ ਹੋ ਸਕਦਾ ਹੈ ਜਿਸ ਨੂੰ E85 ਈਧਨ ਦੀ ਅਨੁਕੂਲਤਾ ਲਈ ਟੈਸਟ ਕੀਤਾ ਜਾ ਰਿਹਾ ਹੈ।