ਸਿਰਫ਼ ਤਿੰਨ ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ 'ਤੇ ਵੀ ਪੁਲਿਸ ਕੱਟ ਦਿੰਦੀ ਸੀ ਚਲਾਨ; ਕਦੋਂ ਤੇ ਕਿੱਥੇ ਬਣਿਆ ਸੀ Speed Limit 'ਤੇ ਕਾਨੂੰਨ

ਆਟੋ ਡੈਸਕ, ਨਵੀਂ ਦਿੱਲੀ : ਭਾਰਤ ਸਮੇਤ ਦੁਨੀਆ ਭਰ ਵਿਚ ਲੋਕ ਵੱਡੀ ਗਿਣਤੀ 'ਚ ਵਾਹਨਾਂ ਦੀ ਵਰਤੋਂ ਕਰਦੇ ਹਨ। ਇਨ੍ਹਾਂ ਵਾਹਨਾਂ ਰਾਹੀਂ ਸਭ ਤੋਂ ਵੱਧ ਜਿਸ ਟ੍ਰੈਫਿਕ ਨਿਯਮ ਦੀ ਉਲੰਘਣਾ ਕੀਤੀ ਜਾਂਦੀ ਹੈ, ਉਹ Speed Limit ਹੈ। ਦੁਨੀਆ 'ਚ ਸਭ ਤੋਂ ਪਹਿਲਾਂ ਕਿਸ ਦੇਸ਼ ਨੇ ਇਸ 'ਤੇ ਕਾਨੂੰਨ ਬਣਾਇਆ ਸੀ? ਕਿੰਨੇ ਸਾਲ ਪਹਿਲਾਂ ਇਸ 'ਤੇ ਨਿਯਮ ਬਣਾਇਆ ਗਿਆ ਸੀ? ਅਸੀਂ ਤੁਹਾਨੂੰ ਇਸ ਖ਼ਬਰ 'ਚ ਦੱਸ ਰਹੇ ਹਾਂ।

Speed Limit ਦੀ ਹੁੰਦੀ ਸੀ ਉਲੰਘਣਾ

ਦੁਨੀਆ 'ਚ ਜਿਸ ਤਰ੍ਹਾਂ ਵਾਹਨਾਂ ਨੂੰ ਬਿਹਤਰ ਬਣਾਇਆ ਜਾ ਰਿਹਾ ਹੈ, ਉਸੇ ਤਰ੍ਹਾਂ ਇਹ ਵਾਹਨ ਨਿਯਮਾਂ ਦੀ ਵੀ ਉਲੰਘਣਾ ਕਰ ਰਹੇ ਹਨ। ਪਰ ਸਾਲਾਂ ਪਹਿਲਾਂ ਵੀ ਇਸ ਤਰ੍ਹਾਂ ਦੇ ਨਿਯਮ ਦੀ ਉਲੰਘਣਾ ਕੀਤੀ ਜਾਂਦੀ ਸੀ।

ਕਿਸ ਦੇਸ਼ ਨੇ ਬਣਾਇਆ ਸੀ ਕਾਨੂੰਨ

ਬ੍ਰਿਟੇਨ 'ਚ ਸਭ ਤੋਂ ਪਹਿਲੀ ਵਾਰ ਸਪੀਡ ਲਿਮਟ 'ਤੇ ਕਾਨੂੰਨ ਬਣਾਇਆ ਗਿਆ ਸੀ। ਬ੍ਰਿਟੇਨ ਦੀ ਸੰਸਦ ਨੇ ਪੰਜ ਜੁਲਾਈ 1865 ਨੂੰ ਦੁਨੀਆ 'ਚ ਪਹਿਲੀ ਵਾਰ ਆਟੋਮੋਬਾਈਲ ਸਪੀਡ ਲਿਮਟ 'ਤੇ ਕਾਨੂੰਨ ਪਾਸ ਕੀਤਾ ਸੀ। ਉਦੋਂ ਇਸ ਨੂੰ ਲੋਕੋਮੋਟਿਵ ਐਕਟ 1865 (Locomotive Act 1865) ਕਿਹਾ ਗਿਆ ਸੀ।

ਆਲੋਚਨਾ ਵੀ ਹੋਈ ਸੀ

ਇਸ ਕਾਨੂੰਨ ਮੁਤਾਬਕ ਸ਼ਹਿਰਾਂ ਤੇ ਪੇਂਡੂ ਇਲਾਕਿਆਂ 'ਚ ਵਾਹਨਾਂ ਲਈ ਸਪੀਡ ਲਿਮਟ ਤੈਅ ਕਰ ਦਿੱਤੀ ਗਈ ਸੀ। ਇਸ ਕਾਨੂੰਨ ਦੇ ਨਾਲ ਹੀ ਇਕ ਨਿਯਮ ਵੀ ਬਣਾਇਆ ਗਿਆ ਸੀ ਜਿਸ ਦੀ ਬਾਅਦ 'ਚ ਕਾਫ਼ੀ ਆਲੋਚਨਾ ਵੀ ਹੋਈ ਸੀ।

ਕੀ ਸੀ ਨਿਯਮ

ਬ੍ਰਿਟੇਨ 'ਚ ਜਦੋਂ ਨਿਯਮ ਨੂੰ ਲਾਗੂ ਕੀਤਾ ਗਿਆ ਸੀ ਤਾਂ ਇਹ ਵੀ ਤੈਅ ਕੀਤਾ ਗਿਆ ਸੀ ਕਿ ਜਦੋਂ ਵੀ ਕੋਈ ਵਾਹਨ ਚਲਾਇਆ ਜਾਵੇਗਾ ਤਾਂ ਉਸ ਦੇ ਅੱਗੇ ਇਕ ਵਿਅਕਤੀ ਨੂੰ ਲਾਲ ਝੰਡਾ ਲੈ ਕੇ ਚੱਲਣਾ ਪਵੇਗਾ। ਜਿਸ ਨਾਲ ਪੈਦਲ ਚੱਲਣ ਵਾਲੇ ਰਾਹਗੀਰਾਂ ਦੇ ਨਾਲ-ਨਾਲ ਘੋੜਿਆਂ ਤੇ ਹੋਰ ਤਰ੍ਹਾਂ ਦੇ ਵਾਹਨਾਂ ਨੂੰ ਇਸ ਦੀ ਜਾਣਕਾਰੀ ਮਿਲ ਜਾਵੇ ਕਿ ਪਿੱਛੇ ਤੋਂ ਇਕ ਮਸ਼ੀਨ ਆ ਰਹੀ ਹੈ।

ਕਿੰਨੀ ਸੀ ਸਪੀਡ ਲਿਮਟ

1865 'ਚ ਜਦੋਂ ਇਸ ਕਾਨੂੰਨ ਨੂੰ ਬ੍ਰਿਟੇਨ 'ਚ ਲਾਗੂ ਕੀਤਾ ਗਿਆ ਸੀ, ਉਦੋਂ ਭਾਫ਼ ਨਾਲ ਚੱਲਣ ਵਾਲੇ ਵਾਹਨਾਂ ਦੀ ਸਪੀਡ ਲਿਮਟ ਸ਼ਹਿਰ 'ਚ ਦੋ ਮੀਲ ਪ੍ਰਤੀ ਘੰਟਾ ਸੀ ਜੋ ਕਰੀਬ 3.2 ਕਿਲੋਮੀਟਰ ਹੁੰਦੀ ਹੈ। ਉੱਥੇ ਹੀ ਪੇਂਡੂ ਇਲਾਕਿਆਂ 'ਚ ਸਪੀਡ ਲਿਮਟ ਚਾਰ ਮੀਲ ਪ੍ਰਤੀ ਘੰਟਾ ਸੀ ਜੋ ਕਰੀਬ 6.4 ਕਿਲੋਮੀਟਰ ਸੀ।