- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
OnePlus ਦਾ 8,000 mAh ਬੈਟਰੀ ਵਾਲਾ ਨਵਾਂ 5G ਫ਼ੋਨ ਕੱਲ੍ਹ ਹੋਵੇਗਾ ਲਾਂਚ, MediaTek ਪ੍ਰੋਸੈਸਰ ਵੀ ਮਿਲੇਗਾ
ਕੰਪਨੀ ਨੇ OnePlus N6 ਦੀ ਕੀਮਤ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਹੈ, ਪਰ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਹੈਂਡਸੈੱਟ ਦੀ ਕੀਮਤ 18,000 ਰੁਪਏ ਤੋਂ 25,000 ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ। ਕੰਪਨੀ ਨੇ ਵੀ ਆਪਣੇ ਇਕ ਪ੍ਰੈਸ ਨੋਟ 'ਚ ਦੱਸਿਆ ਸੀ ਕਿ ਇਹ ਸਮਾਰਟਫੋਨ 18,000-25,000 ਰੁਪਏ ਦੇ ਸੈਗਮੈਂਟ 'ਚ ਨੌਜਵਾਨ ਆਬਾਦੀ ਨੂੰ ਟਾਰਗੇਟ ਕਰੇਗਾ।
Posted By Seema Anand
Publish Date: Mon, 29 Jun 2026 01:14 PM (IST)
Updated Date: Mon, 29 Jun 2026 01:17 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : OnePlus ਨੇ ਹਾਲ ਹੀ ਵਿੱਚ ਆਪਣੀ ਨਵੀਂ OnePlus N-ਸੀਰੀਜ਼ ਦਾ ਐਲਾਨ ਕੀਤਾ ਸੀ, ਜਿਸਦਾ ਪਹਿਲਾ ਡਿਵਾਈਸ OnePlus N6 ਕੱਲ੍ਹ ਯਾਨੀ 30 ਜੂਨ ਨੂੰ ਲਾਂਚ ਹੋਣ ਜਾ ਰਿਹਾ ਹੈ। ਕੰਪਨੀ ਇਸ ਡਿਵਾਈਸ ਨੂੰ ਕਿਫ਼ਾਇਤੀ (ਬਜਟ) ਸੈਗਮੈਂਟ ਵਿੱਚ ਪੇਸ਼ ਕਰਨ ਵਾਲੀ ਹੈ। ਆਉਣ ਵਾਲਾ ਇਹ ਹੈਂਡਸੈੱਟ ਉਨ੍ਹਾਂ ਯੂਜ਼ਰਸ ਲਈ ਹੈ ਜੋ ਜ਼ਿਆਦਾ ਪੈਸੇ ਖ਼ਰਚ ਕੀਤੇ ਬਿਨਾਂ ਰੋਜ਼ਾਨਾ ਵਧੀਆ ਪਰਫਾਰਮੈਂਸ ਵਾਲਾ ਫ਼ੋਨ ਚਾਹੁੰਦੇ ਹਨ।
ਇਸ ਅਪਕਮਿੰਗ (ਆਉਣ ਵਾਲੇ) ਵਨਪਲੱਸ ਡਿਵਾਈਸ ਵਿੱਚ ਕਈ ਖ਼ਾਸ ਫੀਚਰਸ ਵੀ ਦੇਖਣ ਨੂੰ ਮਿਲਣਗੇ। ਫ਼ੋਨ ਵਿੱਚ 8,000mAh ਦੀ ਬੈਟਰੀ, 45W ਫਾਸਟ ਚਾਰਜਿੰਗ ਅਤੇ 5G-ਸਪੋਰਟ ਵਾਲਾ ਮਿਡ-ਰੇਂਜ ਚਿੱਪਸੈੱਟ ਵੀ ਮਿਲ ਸਕਦਾ ਹੈ। ਚਲੋ ਪਹਿਲਾਂ OnePlus N6 ਦੇ ਭਾਰਤ ਵਿੱਚ ਲਾਂਚ ਦੀ ਡਿਟੇਲਸ, ਸੰਭਾਵਿਤ ਕੀਮਤ, ਸਪੈਸੀਫਿਕੇਸ਼ਨਸ ਅਤੇ ਹੋਰ ਜਾਣਕਾਰੀ ਬਾਰੇ ਵਿਸਤਾਰ ਨਾਲ ਜਾਣਦੇ ਹਾਂ...
OnePlus N6 ਦੀ ਲਾਂਚ ਡਿਟੇਲ
OnePlus N6 ਭਾਰਤ 'ਚ ਕੱਲ੍ਹ ਯਾਨੀ 30 ਜੂਨ ਨੂੰ ਲਾਂਚ ਹੋਵੇਗਾ। ਇਹ ਸਮਾਰਟਫੋਨ ਗਲੋਬਲ ਮਾਰਕੀਟ 'ਚ ਵੀ ਲਾਂਚ ਕੀਤਾ ਜਾਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਫ਼ੋਨ ਦੇ ਨਾਮ 'ਚ 'N' ਅੱਖਰ ਦਾ ਮਤਲਬ New (ਨਵਾਂ), Neo (ਨਿਓ) ਤੇ Never Off (ਨੇਵਰ ਔਫ) ਯਾਨੀ ਕਦੇ ਬੰਦ ਨਾ ਹੋਣ ਵਾਲਾ ਹੈ। ਕੱਲ੍ਹ ਪ੍ਰਸ਼ੰਸਕ ਕੰਪਨੀ ਦੇ ਸੋਸ਼ਲ ਮੀਡੀਆ ਚੈਨਲਾਂ ਤੇ YouTube ਅਕਾਊਂਟ ਰਾਹੀਂ OnePlus N6 ਦੇ ਲਾਂਚ ਦੀ ਲਾਈਵ ਸਟ੍ਰੀਮਿੰਗ ਦੇਖ ਸਕਣਗੇ।
OnePlus N6 ਦੀ ਸੰਭਾਵੀ ਕੀਮਤ
ਕੰਪਨੀ ਨੇ OnePlus N6 ਦੀ ਕੀਮਤ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਹੈ, ਪਰ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਹੈਂਡਸੈੱਟ ਦੀ ਕੀਮਤ 18,000 ਰੁਪਏ ਤੋਂ 25,000 ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ। ਕੰਪਨੀ ਨੇ ਵੀ ਆਪਣੇ ਇਕ ਪ੍ਰੈਸ ਨੋਟ 'ਚ ਦੱਸਿਆ ਸੀ ਕਿ ਇਹ ਸਮਾਰਟਫੋਨ 18,000-25,000 ਰੁਪਏ ਦੇ ਸੈਗਮੈਂਟ 'ਚ ਨੌਜਵਾਨ ਆਬਾਦੀ ਨੂੰ ਟਾਰਗੇਟ ਕਰੇਗਾ। ਇਸ ਫ਼ੋਨ ਨੂੰ ਬਲੈਕ (ਕਾਲਾ) ਅਤੇ ਗ੍ਰੀਨ (ਹਰਾ) ਕਲਰ ਆਪਸ਼ਨ ਵਿੱਚ ਪੇਸ਼ ਕੀਤਾ ਜਾਵੇਗਾ।
OnePlus N6 ਦੀਆਂ ਸਪੈਸੀਫਿਕੇਸ਼ਨਜ਼
ਵਨਪਲੱਸ ਦਾ ਇਹ ਨਵਾਂ ਡਿਵਾਈਸ OxygenOS 16 ਦੇ ਨਾਲ ਆ ਸਕਦਾ ਹੈ ਜਿਸ ਨੂੰ ਸਾਫਟਵੇਅਰ ਤੇ ਹਾਰਡਵੇਅਰ ਓਪਟੀਮਾਈਜ਼ੇਸ਼ਨ ਦੇ ਜ਼ਰੀਏ 60 ਮਹੀਨਿਆਂ (5 ਸਾਲ) ਤੱਕ ਸਮੂਥ ਪਰਫਾਰਮੈਂਸ ਦੇਣ ਲਈ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਸਮੇਂ ਦੇ ਨਾਲ ਫ਼ੋਨ ਦੀ ਪਰਫਾਰਮੈਂਸ ਹੌਲੀ ਨਾ ਹੋਵੇ।
ਫ਼ੋਨ ਦਾ ਡਿਜ਼ਾਈਨ ਹਾਲ ਹੀ 'ਚ ਲਾਂਚ ਹੋਏ ਹੋਰ OnePlus ਸਮਾਰਟਫੋਨਜ਼ ਵਰਗਾ ਹੀ ਹੋਣ ਵਾਲਾ ਹੈ। OnePlus N6 'ਚ ਫਲੈਟ ਕਿਨਾਰੇ ਅਤੇ ਪਿੱਛੇ ਵਾਲੇ ਪਾਸੇ ਸਕੁਏਅਰ ਕੈਮਰਾ ਮੋਡੀਊਲ ਮਿਲਣ ਵਾਲਾ ਹੈ। ਇੰਨਾ ਹੀ ਨਹੀਂ, ਇਸ ਸਮਾਰਟਫੋਨ 'ਚ 8,000mAh ਦੀ ਵੱਡੀ ਬੈਟਰੀ ਵੀ ਦੇਖਣ ਨੂੰ ਮਿਲੇਗੀ।
ਇਕ ਚਾਰਜ ਵਿਚ ਤਿੰਨ ਦਿਨ ਤਕ ਚੱਲ ਸਕਦੀ ਹੈ ਬੈਟਰੀ
ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਫ਼ੋਨ ਇਕ ਵਾਰ ਚਾਰਜ ਕਰਨ 'ਤੇ ਤਿੰਨ ਦਿਨ ਤਕ ਚੱਲ ਸਕਦਾ ਹੈ, ਜੋ ਇਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ। ਨਾਲ ਹੀ OnePlus N6 ਲੰਬੇ ਸਮੇਂ ਤਕ ਚੱਲਣ ਲਈ ਡਿਜ਼ਾਈਨ ਕੀਤਾ ਗਿਆ ਹੈ ਅਤੇ ਇਸਨੂੰ 7 ਸਾਲਾਂ ਤਕ ਰੈਗੂਲਰ ਚਾਰਜਿੰਗ ਦੇ ਬਾਅਦ ਵੀ ਇਸਦੀ ਬੈਟਰੀ ਹੈਲਥ 80 ਪ੍ਰਤੀਸ਼ਤ ਤੋਂ ਵੱਧ ਬਣੀ ਰਹੇਗੀ।
ਬੈਟਰੀ ਨੂੰ ਫਟਾਫਟ ਚਾਰਜ ਕਰਨ ਲਈ ਫ਼ੋਨ 'ਚ 45W SuperVooc ਚਾਰਜਿੰਗ ਸਪੋਰਟ ਵੀ ਮਿਲੇਗਾ। ਹਾਲਾਂਕਿ ਚਿੱਪਸੈੱਟ ਬਾਰੇ ਅਜੇ ਕੋਈ ਪੱਕੀ ਜਾਣਕਾਰੀ ਨਹੀਂ ਹੈ ਪਰ ਰਿਪੋਰਟਾਂ ਮੁਤਾਬਕ ਫ਼ੋਨ ਵਿੱਚ MediaTek Dimensity 6300-ਸੀਰੀਜ਼ ਚਿੱਪਸੈੱਟ ਅਤੇ 6GB RAM ਹੋ ਸਕਦੀ ਹੈ।