5000mAh ਬੈਟਰੀ ਅਤੇ ਡੁਅਲ ਕੈਮਰੇ ਨਾਲ ਆਇਆ Lava Smart 4 Plus, ਕੀਮਤ ਵੀ ਹੈ ਬੇਹੱਦ ਘੱਟ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Lava Smart 4 Plus ਅਫੋਰਡੇਬਲ ਕੀਮਤ 'ਚ ਲਾਂਚ ਹੋ ਗਿਆ ਹੈ। Lava Smart ਸੀਰੀਜ਼ ਦਾ ਇਹ ਫੋਨ ਦੋ ਕਲਰ ਆਪਸ਼ਨ 'ਚ ਪੇਸ਼ ਕੀਤਾ ਗਿਆ ਹੈ ਜਿਸ ਵਿਚ 6.75-ਇੰਚ ਦਾ ਡਿਸਪਲੇਅ ਦਿੱਤਾ ਗਿਆ ਹੈ। Lava Smart 4 Plus ਨੂੰ IP64-ਰੇਟਿੰਗ ਦੇ ਨਾਲ ਮਾਰਕੀਟ 'ਚ ਵਿਕਰੀ ਦੇ ਲਈ ਉਪਲਬਧ ਕਰਵਾਇਆ ਗਿਆ ਹੈ। ਇਸ ਫੋਨ ਵਿੱਚ 13 ਮੈਗਾਪਿਕਸਲ ਦਾ ਡੁਅਲ ਰੀਅਰ ਕੈਮਰਾ ਸੈੱਟਅੱਪ ਦਿੱਤਾ ਗਿਆ ਹੈ।

Lava Smart 4 Plus ਦੀ ਕੀਮਤ

Lava Smart 4 Plus ਸਮਾਰਟਫੋਨ ਨੂੰ 4 ਜੀਬੀ ਰੈਮ ਅਤੇ 64 ਜੀਬੀ ਸਟੋਰੇਜ ਦੇ ਨਾਲ 9,999 ਰੁਪਏ ਦੀ ਕੀਮਤ 'ਚ ਲਾਂਚ ਕੀਤਾ ਗਿਆ ਹੈ। ਲਾਵਾ ਦਾ ਇਹ ਫੋਨ ਨੀਲਗਿਰੀ ਬਲੂ ਅਤੇ ਹਿਮਾਲੀਅਨ ਸਿਲਵਰ ਕਲਰ ਆਪਸ਼ਨ 'ਚ ਪੇਸ਼ ਕੀਤਾ ਗਿਆ ਹੈ। ਇਸ ਫੋਨ ਨੂੰ ਆਨਲਾਈਨ ਅਤੇ ਆਫਲਾਈਨ ਰਿਟੇਲ ਆਊਟਲੈਟਸ ਤੋਂ ਖਰੀਦਿਆ ਜਾ ਸਕਦਾ ਹੈ।

Lava Smart 4 Plus ਸਪੈਸੀਫਿਕੇਸ਼ਨਜ਼

Lava Smart 4 Plus ਸਮਾਰਟਫੋਨ ਨੂੰ 6.75-ਇੰਚ HD+ ਡਿਸਪਲੇਅ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਡਿਸਪਲੇਅ ਦਾ ਰਿਫ੍ਰੈਸ਼ ਰੇਟ 90Hz ਹੈ। Lava ਦੇ ਇਸ ਫੋਨ ਨੂੰ Unisoc 9863a SoC ਦੇ ਨਾਲ ਮਾਰਕੀਟ 'ਚ ਲਿਆਂਦਾ ਗਿਆ ਹੈ। ਇਸਨੂੰ 4GB ਦੀ ਰੈਮ ਅਤੇ 64GB ਸਟੋਰੇਜ ਦੇ ਨਾਲ ਲਿਆਂਦਾ ਗਿਆ ਹੈ। ਇਸ ਫੋਨ 'ਚ ਵਰਚੁਅਲ ਰੈਮ ਫੀਚਰ ਵੀ ਦਿੱਤਾ ਗਿਆ ਹੈ, ਜਿਸਦੀ ਮਦਦ ਨਾਲ ਰੈਮ ਨੂੰ ਵਧਾ ਕੇ 8ਜੀਬੀ ਤੱਕ ਕੀਤਾ ਜਾ ਸਕਦਾ ਹੈ।

ਲਾਵਾ ਦਾ ਇਹ 4G ਫੋਨ Android 15 Go 'ਤੇ ਚੱਲਦਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਫੋਨ ਨੂੰ ਦੋ ਸਾਲ ਤਕ ਐਂਡਰਾਇਡ ਅਪਡੇਟ ਮਿਲਣਗੇ। ਕੈਮਰਾ ਸੈੱਟਅੱਪ ਦੀ ਗੱਲ ਕਰੀਏ ਤਾਂ Lava Smart 4 Plus ਵਿਚ AI-ਆਧਾਰਿਤ ਡੁਅਲ ਰੀਅਰ ਕੈਮਰਾ ਸਿਸਟਮ ਦਿੱਤਾ ਗਿਆ ਹੈ। ਇਸ ਵਿੱਚ 13 ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਹੈ। ਸੈਕੰਡਰੀ ਕੈਮਰੇ ਦੇ ਬਾਰੇ ਫਿਲਹਾਲ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਦੇ ਲਈ ਇਸ ਫੋਨ 'ਚ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ। ਇਹ ਫੋਨ IP64 ਰੇਟਿੰਗ ਦੇ ਨਾਲ ਆਉਂਦਾ ਹੈ।

ਕੁਨੈਕਟੀਵਿਟੀ ਦੀ ਗੱਲ ਕਰੀਏ ਤਾਂ Lava Smart 4 Plus ਵਿੱਚ ਡੁਅਲ 4G ਸਿਮ ਸਲਾਟ ਮਿਲਦੇ ਹਨ। ਇਸਦੇ ਨਾਲ ਹੀ ਇਸ ਵਿੱਚ Bluetooth ਅਤੇ Wi-Fi ਵੀ ਮਿਲਦਾ ਹੈ। ਫੋਨ ਵਿੱਚ 5,000mAh ਦੀ ਬੈਟਰੀ ਅਤੇ 10W ਫਾਸਟ ਚਾਰਜਿੰਗ ਅਤੇ USB Type-C ਪੋਰਟ ਦਿੱਤਾ ਗਿਆ ਹੈ।