iPhone 18 'ਚ ਹੋ ਸਕਦਾ ਹੈ ਇਹ ਵੱਡਾ ਅੱਪਗ੍ਰੇਡ, ਲੇਟੈਸਟ AI ਫੀਚਰਜ਼ ਵੀ ਚੱਲਣਗੇ ਸਮੂਦ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਜੇਕਰ ਤੁਸੀਂ ਵੀ ਇਸ ਵਾਰ ਅਪਕਮਿੰਗ ਨਾਨ-ਪ੍ਰੋ iPhone 18 ਨੂੰ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਦੱਖਣੀ ਕੋਰੀਆ ਦੀ KB ਸਕਿਊਰਿਟੀਜ਼ ਦੀ ਇਕ ਨਵੀਂ ਸਪਲਾਈ-ਚੇਨ ਰਿਪੋਰਟ ਤੋਂ ਪਤਾ ਲੱਗਿਆ ਹੈ ਕਿ Apple ਆਪਣੇ ਅਗਲੀ ਪੀੜ੍ਹੀ ਦੇ iPhone 18 ਦੇ ਲਈ ਮੈਮੋਰੀ ਵਿੱਚ ਵੱਡਾ ਅੱਪਗ੍ਰੇਡ ਕਰਨ ਦੀ ਪਲਾਨਿੰਗ ਬਣਾ ਰਿਹਾ ਹੈ।

ਰਿਪੋਰਟਾਂ 'ਚ ਅਜਿਹਾ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਸਟੈਂਡਰਡ iPhone 18 'ਚ 12GB ਤਕ RAM ਮਿਲ ਸਕਦੀ ਹੈ ਜਿਸ ਦਾ ਮਕਸਦ Apple ਦੀ ਸਭ ਤੋਂ ਐਡਵਾਂਸਡ ਆਨ-ਡਿਵਾਈਸ Siri AI ਨੂੰ ਸਪੋਰਟ ਦੇਣਾ ਹੈ।

ਇਹ ਅੱਪਗ੍ਰੇਡ ਬੇਸ iPhone ਮਾਡਲ ਲਈ ਇੱਕ ਵੱਡਾ ਅੱਪਗ੍ਰੇਡ ਹੋਣ ਵਾਲਾ ਹੈ। ਖਾਸ ਕਰਕੇ ਇਸ ਲਈ ਕਿਉਂਕਿ Apple iOS 27 ਅਤੇ Apple Intelligence ਦੇ ਨਾਲ ਪੇਸ਼ ਕੀਤੇ ਗਏ ਫੀਚਰਸ ਦੇ ਲਈ ਲੋਕਲ AI ਪ੍ਰੋਸੈਸਿੰਗ 'ਤੇ ਜ਼ਿਆਦਾ ਡਿਪੈਂਡ ਹੋ ਰਿਹਾ ਹੈ।

Apple ਦੇ ਲੇਟੈਸਟ AI ਫੀਚਰਜ਼ ਚੱਲਣਗੇ ਸਮੂਦ

ਰਿਪੋਰਟਾਂ ਦੇ ਮੁਤਾਬਕ ਸਟੈਂਡਰਡ iPhone 18 'ਚ ਮੌਜੂਦਾ iPhone 17 ਦੀ 8GB RAM ਤੋਂ ਵਧ ਕੇ 12GB RAM ਮਿਲ ਸਕਦੀ ਹੈ। ਹਾਲਾਂਕਿ RAM ਅੱਪਗ੍ਰੇਡ ਨਾਲ ਆਮ ਤੌਰ 'ਤੇ ਮਲਟੀਟਾਸਕਿੰਗ ਅਤੇ ਪਰਫਾਰਮੈਂਸ ਬਿਹਤਰ ਹੋ ਜਾਂਦੀ ਹੈ ਪਰ ਇੱਥੇ ਇਸ ਵਾਧੇ ਨਾਲ Apple ਦੇ ਲੇਟੈਸਟ AI ਫੀਚਰਜ਼ ਨੂੰ ਵੀ ਕਾਫ਼ੀ ਮਦਦ ਮਿਲ ਸਕਦੀ ਹੈ ਅਤੇ ਇੱਕ ਸਮੂਥ ਐਕਸਪੀਰੀਅੰਸ ਮਿਲ ਸਕਦਾ ਹੈ।

12GB ਯੂਨੀਫਾਈਡ ਮੈਮਰੀ ਦੀ ਲੋੜ

ਹਾਲ ਹੀ 'ਚ ਹੋਏ WWDC 2026 'ਚ Apple ਨੇ ਇਕ ਜ਼ਿਆਦਾ ਐਡਵਾਂਸਡ ਆਨ-ਡਿਵਾਈਸ Siri ਮਾਡਲ ਪੇਸ਼ ਕੀਤਾ ਜੋ ਜ਼ਿਆਦਾ ਨੈਚੁਰਲ ਵੌਇਸ ਇੰਟਰੈਕਸ਼ਨ ਤੇ ਬਿਹਤਰ ਸਿਸਟਮ-ਵਾਈਡ ਡਿਕਟੇਸ਼ਨ ਦੇ ਸਕਦਾ ਹੈ। ਹਾਲਾਂਕਿ, ਇਨ੍ਹਾਂ ਕੈਪੇਬਿਲਿਟੀਜ਼ ਲਈ ਅਜੇ 12GB ਯੂਨੀਫਾਈਡ ਮੈਮਰੀ ਦੀ ਲੋੜ ਹੁੰਦੀ ਹੈ, ਜਿਸ ਨਾਲ ਇਹ ਸਿਰਫ਼ iPhone Air, iPhone 17 Pro ਤੇ iPhone 17 Pro Max ਤਕ ਹੀ ਸੀਮਤ ਹਨ।