iOS ਤੇ Android ਫ਼ੋਨ ਦੇ ਹਿਡਨ ਫੀਚਰਜ਼ ਨਾਲ ਮਿਲੇਗਾ ਸਪੈਮ ਮੈਸੇਜ ਤੋਂ ਛੁਟਕਾਰਾ, ਚੈੱਕ ਕਰੋ ਕੀ ਹੈ ਤਰੀਕਾ?

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਰੋਜ਼ਾਨਾ ਪਰਸਨਲ ਲੋਨ, ਕ੍ਰੈਡਿਟ ਕਾਰਡ, ਇੰਸ਼ੋਰੈਂਸ, ਪ੍ਰਾਪਰਟੀ, ਮੈਡੀਕਲ ਅਸਿਸਟੈਂਸ ਵਰਗੇ ਤਮਾਮ ਮੈਸੇਜ ਫ਼ੋਨ 'ਚ ਭਰੇ ਰਹਿੰਦੇ ਹਨ। ਕਈ ਵਾਰ ਤਾਂ ਪਰੇਸ਼ਾਨ ਹੋ ਕੇ ਨੋਟੀਫਿਕੇਸ਼ਨ ਨੂੰ ਬੰਦ ਕਰਨਾ ਪੈਂਦਾ ਹੈ। ਇਨ੍ਹਾਂ ਮੈਸੇਜਾਂ ਦੇ ਵਿਚਕਾਰ ਟੈਕਸਟ ਸਕੈਮ ਦਾ ਵੀ ਖ਼ਤਰਾ ਰਹਿੰਦਾ ਹੈ। ਜੇਕਰ ਮੈਸੇਜ 'ਤੇ ਗੌਰ ਨਹੀਂ ਕੀਤਾ ਤਾਂ ਧੋਖਾਧੜੀ ਹੋਣ ਦੀ ਸ਼ੰਕਾ ਰਹਿੰਦੀ ਹੈ।

ਅਕਸਰ ਇਸ ਨਾਲ ਜੁੜੀਆਂ ਖ਼ਬਰਾਂ ਵੀ ਚਰਚਾ ਵਿਚ ਰਹਿੰਦੀਆਂ ਹਨ। ਹਾਲਾਂਕਿ, ਸਭ ਤੋਂ ਖਾਸ ਗੱਲ ਹੈ ਕਿ ਫ਼ੋਨ 'ਚ ਛਿਪੇ ਹੋਏ ਫੀਚਰਜ਼ ਨਾਲ ਅਣਚਾਹੇ ਮੈਸੇਜਾਂ ਨੂੰ ਤੁਸੀਂ ਆਸਾਨੀ ਨਾਲ ਫਿਲਟਰ ਕਰ ਸਕਦੇ ਹੋ। ਕਈ ਵਾਰ ਤਾਂ ਮੈਸੇਜ ਵੈਲਿਡ (genuine) ਹਨ ਜਾਂ ਨਹੀਂ, ਇਹ ਪਤਾ ਕਰ ਪਾਉਣਾ ਮੁਸ਼ਕਲ ਹੁੰਦਾ ਹੈ। ਇਸਦੇ ਲਈ ਇੱਕ ਸੁਰੱਖਿਆ ਉਪਾਅ ਦੇ ਤੌਰ 'ਤੇ ਇਸ ਫੀਚਰ ਦੀ ਵਰਤੋਂ ਕਰ ਸਕਦੇ ਹੋ, ਇਹ ਆਈਓਐਸ (iOS) ਅਤੇ ਐਂਡਰਾਇਡ (Android) ਫ਼ੋਨ 'ਚ ਹੁੰਦਾ ਹੈ।

ਆਈਓਐਸ (iOS) ਦੇ ਲਈ

• ਫ਼ੋਨ ਦੀ ਸੈਟਿੰਗ 'ਚ ਜਾ ਕੇ 'ਐਪਸ' 'ਤੇ ਕਲਿੱਕ ਕਰੋ।
• ਇਸ ਤੋਂ ਬਾਅਦ ਮੈਸੇਜੇਜ 'ਤੇ ਟੈਪ ਕਰ ਕੇ ਸਕ੍ਰੋਲ ਡਾਊਨ ਕਰੋ।
• ਇੱਥੇ ਮੈਸੇਜ ਫਿਲਟਰਿੰਗ ਸੈਕਸ਼ਨ ਨੂੰ ਇਨੇਬਲ ਕਰ ਦਿਓ।
• ਇਸ ਨਾਲ ਅਣਜਾਣ ਨੰਬਰ ਤੋਂ ਆਉਣ ਵਾਲੇ ਮੈਸੇਜ ਫਿਲਟਰ ਹੋ ਕੇ ਵੱਖਰੇ ਫਿਲਟਰ ਵਿੱਚ ਚਲੇ ਜਾਂਦੇ ਹਨ।

ਐਂਡਰਾਇਡ (Android) ਫ਼ੋਨ ਦੇ ਲਈ

ਐਂਡਰਾਇਡ ਡਿਵਾਈਸਿਜ਼ 'ਚ ਗੂਗਲ ਅਣਜਾਣ ਨੰਬਰ ਤੋਂ ਆਉਣ ਵਾਲੇ ਮੈਸੇਜਾਂ ਨੂੰ ਆਪਣੇ ਆਪ 'ਸਪੈਮ' ਜਾਂ 'ਅਨਨੌਨ' ਲੇਬਲ ਵਾਲੇ ਫੋਲਡਰ 'ਚ ਪਾ ਦਿੰਦਾ ਹੈ। ਹਾਲਾਂਕਿ, ਤੁਸੀਂ ਸਪੈਮ ਪ੍ਰੋਟੈਕਸ਼ਨ ਨੂੰ ਇਨੇਬਲ ਕਰ ਸਕਦੇ ਹੋ।

• ਇਸਦੇ ਲਈ ਫ਼ੋਨ ਦੀ ਸੈਟਿੰਗ 'ਚ ਜਾਓ।
• ਇੱਥੇ ਐਪਸ ਦੇ ਆਪਸ਼ਨ 'ਤੇ ਕਲਿੱਕ ਕਰੋ।
• ਮੈਸੇਜਿਜ਼ ਐਪ 'ਤੇ ਜਾ ਕੇ ਨੋਟੀਫਿਕੇਸ਼ਨਸ 'ਤੇ ਕਲਿੱਕ ਕਰੋ।
• ਇੱਥੇ ਸਪੈਮ ਪ੍ਰੋਟੈਕਸ਼ਨ ਨੂੰ ਇਨੇਬਲ ਕਰ ਦਿਓ।

ਆਈਫੋਨ ਅਤੇ ਐਂਡਰਾਇਡ ਸਮਾਰਟਫ਼ੋਨ ਵਿੱਚ ਮਿਲਣ ਵਾਲੇ ਇਨ੍ਹਾਂ ਫੀਚਰਜ਼ ਨਾਲ ਤੁਸੀਂ ਖੁਦ ਨੂੰ ਸਪੈਮ ਤੋਂ ਸੁਰੱਖਿਅਤ ਰੱਖ ਸਕਦੇ ਹੋ। ਇਸਦੇ ਨਾਲ ਆਪਣਾ ਡੇਟਾ ਵੀ ਸੇਫ਼ ਰੱਖ ਸਕਦੇ ਹੋ।