Royal Enfield ਦੀ ਇਸ ਬਾਈਕ ਦੀ ਡਿਲੀਵਰੀ ਹੋਈ ਸ਼ੁਰੂ, ਜਾਣੋ ਕੀਮਤ, ਰੇਂਜ ਤੇ ਸ਼ਾਨਦਾਰ ਫੀਚਰਜ਼

ਆਟੋ ਡੈਸਕ, ਨਵੀਂ ਦਿੱਲੀ : Royal Enfield ਨੇ ਬੇਂਗਲੁਰੂ 'ਚ ਆਪਣੀ ਪਹਿਲੀ ਇਲੈਕਟ੍ਰਿਕ ਮੋਟਰਸਾਈਕਲ Flying Flea C6 ਦੀ ਡਿਲੀਵਰੀ ਸ਼ੁਰੂ ਕਰ ਦਿੱਤੀ ਹੈ। ਮੋਟਰਸਾਈਕਲ ਦੇ ਨਾਲ-ਨਾਲ ਕੰਪਨੀ ਨੇ ਬੇਂਗਲੁਰੂ ਸ਼ਹਿਰ ਵਿੱਚ ਇੱਕ ਖ਼ਾਸ ਸਰਵਿਸ ਅਤੇ ਸਪੋਰਟ ਨੈੱਟਵਰਕ ਵੀ ਤਿਆਰ ਕੀਤਾ ਹੈ। ਇਸ ਤਹਿਤ ਕਈ ਟਚਪੁਆਇੰਟਸ ਬਣਾਏ ਗਏ ਹਨ ਜਿਸ ਨਾਲ ਗਾਹਕਾਂ ਨੂੰ ਪੂਰੀ ਸਹੂਲਤ ਅਤੇ ਆਸਾਨ ਪਹੁੰਚ ਮਿਲ ਸਕੇ।

ਡਿਲੀਵਰੀ ਦੀ ਜਾਣਕਾਰੀ

ਬੇਂਗਲੁਰੂ ਦੇ BTM Layout ਵਿਚ ਇਕ ਮੁੱਖ ਸਰਵਿਸ ਸੈਂਟਰ ਬਣਾਇਆ ਗਿਆ ਹੈ ਜੋ ਖ਼ਾਸ ਸਰਵਿਸ ਨਾਲ ਜੁੜੇ ਕੰਮਾਂ ਨੂੰ ਸੰਭਾਲੇਗਾ। ਉੱਥੇ ਹੀ, ਪੂਰੇ ਬੇਂਗਲੁਰੂ ਵਿੱਚ ਫੈਲੇ ਛੋਟੇ ਸੈਂਟਰਾਂ ਦਾ ਨੈੱਟਵਰਕ ਨਿਯਮਿਤ ਸਰਵਿਸ ਤੇ ਸਾਂਭ-ਸੰਭਾਲ ਦਾ ਕੰਮ ਦੇਖੇਗਾ। Flying Flea, Royal Enfield ਦੇ ਮੌਜੂਦਾ ਡੀਲਰ ਨੈੱਟਵਰਕ ਦਾ ਇਸਤੇਮਾਲ ਕਰ ਰਹੀ ਹੈ।

ਸ਼ੋਅਰੂਮ ਤੇ ਸਰਵਿਸ ਸੈਂਟਰ

ਇਹ ਮੌਜੂਦਾ Royal Enfield ਸ਼ੋਅਰੂਮ ਤੇ ਸਰਵਿਸ ਸੈਂਟਰਾਂ ਦੇ ਅੰਦਰ ਹੀ ਸ਼ਾਪ-ਇਨ-ਸ਼ਾਪ ਫਾਰਮੈਟ 'ਚ ਕੰਮ ਕਰੇਗਾ ਜਿਸ ਨਾਲ ਵੱਖਰੇ ਤੌਰ 'ਤੇ ਨਵੀਂ ਥਾਂ ਬਣਾਏ ਬਿਨਾਂ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਤਕ ਪਹੁੰਚਿਆ ਜਾ ਸਕੇ। ਇਸ ਤੋਂ ਇਲਾਵਾ, C6 ਦੇ ਮਾਲਕਾਂ ਨੂੰ 24X7 ਰੋਡਸਾਈਡ ਅਸਿਸਟੈਂਸ ਦੀ ਸਹੂਲਤ ਵੀ ਮਿਲੇਗੀ।

ਕੀਮਤ ਤੇ ਬੈਟਰੀ ਸਬਸਕ੍ਰਿਪਸ਼ਨ

C6 ਨੂੰ ਇਸ ਸਾਲ ਦੀ ਸ਼ੁਰੂਆਤ 'ਚ ਲਾਂਚ ਕੀਤਾ ਗਿਆ ਸੀ। ਜੇਕਰ ਇਸਨੂੰ ਪੂਰਾ ਭੁਗਤਾਨ ਕਰ ਕੇ ਖਰੀਦਿਆ ਜਾਵੇ ਤਾਂ ਇਸਦੀ ਕੀਮਤ 2.79 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਹੈ। ਉੱਥੇ ਹੀ, ਫਲਾਇੰਗ ਫਲੀ ਦੇ ਬੈਟਰੀ-ਐਜ਼-ਏ-ਸਰਵਿਸ (BaaS) ਪ੍ਰੋਗਰਾਮ ਤਹਿਤ ਇਸਦੀ ਕੀਮਤ 1.99 ਲੱਖ ਰੁਪਏ ਹੈ ਜੋ ਵਾਹਨ ਤੋਂ ਬੈਟਰੀ ਦੀ ਕੀਮਤ ਨੂੰ ਵੱਖ ਕਰਦਾ ਹੈ।

ਪਾਵਰ ਰੇਂਜ ਅਤੇ ਸਪੀਡ

ਇਸ ਮੋਟਰਸਾਈਕਲ 'ਚ 3.91kWh ਦਾ ਬੈਟਰੀ ਪੈਕ ਦਿੱਤਾ ਗਿਆ ਹੈ ਜੋ 154 ਕਿਲੋਮੀਟਰ ਦੀ IDC ਰੇਂਜ ਦਾ ਦਾਅਵਾ ਕਰਦਾ ਹੈ। ਇਸ ਵਿਚ ਪਰਮਾਨੈਂਟ ਮੈਗਨੇਟ ਸਿੰਕ੍ਰੋਨਸ ਮੋਟਰ ਲੱਗੀ ਹੈ ਜੋ 15.4kW ਦੀ ਪਾਵਰ ਅਤੇ 60nm ਦਾ ਟਾਰਕ ਜਨਰੇਟ ਕਰਦੀ ਹੈ। 124 ਕਿਲੋਗ੍ਰਾਮ ਵਜ਼ਨ ਦੇ ਨਾਲ ਇਹ ਬੇਹੱਦ ਹਲਕੀ ਅਤੇ ਪਤਲੀ ਮੋਟਰਸਾਈਕਲ ਹੈ। ਇਸਨੂੰ 19-ਇੰਚ ਦੇ ਵੱਡੇ ਪਹੀਆਂ ਅਤੇ 90-ਸੈਕਸ਼ਨ ਦੇ ਪਤਲੇ ਟਾਇਰਾਂ ਦੇ ਨਾਲ ਬਣਾਇਆ ਗਿਆ है।

ਇਸਦੇ ਫੀਚਰਜ਼ ਵਿਚ 3.5 ਇੰਚ ਦਾ ਗੋਲ ਕਲਰ TFT ਡਿਸਪਲੇਅ, ਐਡਜਸਟੇਬਲ ਰੀਜਨਰੇਟਿਵ ਬ੍ਰੇਕਿੰਗ, ਪੰਜ ਰਾਈਡਿੰਗ ਮੋਡਸ, ਲੀਨ-ਸੈਂਸਟਿਵ ਟ੍ਰੈਕਸ਼ਨ ਕੰਟਰੋਲ ਅਤੇ ਡਿਊਲ-ਚੈਨਲ ABS ਸ਼ਾਮਲ ਹਨ।