BSNL ਦਾ ਮਾਸਟਰਸਟ੍ਰੋਕ: 'ਸਮਾਰਟ ਯੂਜ਼ਰਜ਼' ਲਈ ਲਿਆਂਦਾ ਆਲ-ਇਨ-ਵਨ ਪਲਾਨ, 210GB ਡੇਟਾ ਨਾਲ ਮਿਲੇਗੀ ਸੁਪਰ ਸਪੀਡ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਸਰਕਾਰੀ ਟੈਲੀਕੌਮ ਕੰਪਨੀ BSNL ਅੱਜ ਆਪਣੇ ਕਰੋੜਾਂ ਯੂਜ਼ਰਜ਼ ਨੂੰ ਸਸਤੇ ਪ੍ਰੀਪੇਡ ਪਲਾਨ ਆਫਰ ਕਰ ਰਹੀ ਹੈ। ਇਨ੍ਹਾਂ ਵਿੱਚੋਂ ਹੀ ਇਕ ਕੰਪਨੀ ਦਾ ₹599 ਦਾ ਆਲ-ਇਨ-ਵਨ ਪਲਾਨ ਵੀ ਹੈ ਜੋ ਨਾ ਸਿਰਫ਼ ਲੰਬੀ ਵੈਲੀਡਿਟੀ ਆਫਰ ਕਰ ਰਿਹਾ ਹੈ ਬਲਕਿ ਇਸ ਪਲਾਨ 'ਚ ਜ਼ਿਆਦਾ ਡੇਟਾ ਵੀ ਮਿਲ ਰਿਹਾ ਹੈ। ਜ਼ਿਆਦਾ ਡੇਟਾ ਯੂਜ਼ ਕਰਨ ਵਾਲਿਆਂ ਲਈ ਤਾਂ ਇਹ ਪਲਾਨ ਚੰਗਾ ਆਪਸ਼ਨ ਹੋ ਸਕਦਾ ਹੈ। ਕੰਪਨੀ ਇਸ ਨੂੰ Smart Choice for Smart Users ਦੇ ਤੌਰ 'ਤੇ ਪ੍ਰਮੋਟ ਕਰ ਰਹੀ ਹੈ। ਚਲੋ ਇਸ ਖ਼ਾਸ ਪਲਾਨ ਬਾਰੇ ਵਿਸਤਾਰ ਨਾਲ ਜਾਣਦੇ ਹਾਂ...

BSNL ਦੇ ₹599 ਵਾਲੇ ਪਲਾਨ ਦੇ ਲਾਭ

BSNL ਦੇ ₹599 ਵਾਲੇ ਪ੍ਰੀਪੇਡ ਪਲਾਨ 'ਚ ਤੁਹਾਨੂੰ ਕਈ ਸ਼ਾਨਦਾਰ ਬੈਨੀਫਿਟਸ ਮਿਲਣ ਵਾਲੇ ਹਨ। ਪਲਾਨ 'ਚ ਹਰ ਦਿਨ 3GB ਹਾਈ-ਸਪੀਡ ਡੇਟਾ ਮਿਲਣ ਵਾਲਾ ਹੈ। ਇਸ ਦਾ ਮਤਲਬ ਹੈ ਕਿ ਤੁਹਾਨੂੰ ਪੂਰੀ ਵੈਲੀਡਿਟੀ ਦੌਰਾਨ ਕੁੱਲ 210GB ਡੇਟਾ ਮਿਲਣ ਵਾਲਾ ਹੈ। ਹਾਲਾਂਕਿ ਡੇਲੀ ਡੇਟਾ ਲਿਮਟ ਖ਼ਤਮ ਹੋਣ ਤੋਂ ਬਾਅਦ ਇੰਟਰਨੈੱਟ ਪੂਰੀ ਤਰ੍ਹਾਂ ਬੰਦ ਨਹੀਂ ਹੋਵੇਗਾ, ਬਲਕਿ ਸਪੀਡ ਘਟ ਕੇ 40 kbps ਰਹਿ ਜਾਵੇਗੀ, ਜਿਸ ਨਾਲ ਬੇਸਿਕ ਕਨੈਕਟੀਵਿਟੀ ਬਣੀ ਰਹੇਗੀ।

ਅਨਲਿਮਟਿਡ ਕਾਲਿੰਗ ਤੇ SMS ਦਾ ਵੀ ਲਾਭ

ਇਸ ਜ਼ਬਰਦਸਤ ਪਲਾਨ ਵਿੱਚ ਨਾ ਸਿਰਫ਼ ਡੇਟਾ ਬਲਕਿ ਸਾਰੇ ਨੈੱਟਵਰਕਾਂ 'ਤੇ ਅਨਲਿਮਟਿਡ ਵੌਇਸ ਕਾਲਿੰਗ ਦੀ ਸੁਵਿਧਾ ਵੀ ਮਿਲ ਰਹੀ ਹੈ। ਇਸ ਦੇ ਨਾਲ ਹੀ ਗਾਹਕਾਂ ਨੂੰ ਹਰ ਦਿਨ 100 SMS ਭੇਜਣ ਦੀ ਸੁਵਿਧਾ ਵੀ ਮਿਲ ਰਹੀ ਹੈ। ਅਜਿਹੇ ਵਿੱਚ ਇਹ ਪਲਾਨ ਉਨ੍ਹਾਂ ਯੂਜ਼ਰਸ ਲਈ ਬਿਹਤਰੀਨ ਸਾਬਤ ਹੋ ਸਕਦਾ ਹੈ, ਜਿਨ੍ਹਾਂ ਨੂੰ ਜ਼ਿਆਦਾ ਡੇਟਾ ਦੇ ਨਾਲ ਕਾਲਿੰਗ ਅਤੇ ਮੈਸੇਜਿੰਗ ਦੀ ਸੁਵਿਧਾ ਵੀ ਚਾਹੀਦੀ ਹੈ।

ਵਾਰ-ਵਾਰ ਰੀਚਾਰਜ ਦੀ ਲੋੜ ਨਹੀਂ

ਹਾਲਾਂਕਿ ਇਸ ਪਲਾਨ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦੀ ਲੰਬੀ ਵੈਲੀਡਿਟੀ ਹੈ ਜਿੱਥੇ ਤੁਹਾਨੂੰ 70 ਦਿਨਾਂ ਦੀ ਮਿਆਦ ਮਿਲ ਰਹੀ ਹੈ। ਲੰਬੀ ਵੈਲੀਡਿਟੀ ਦੀ ਵਜ੍ਹਾ ਕਰਕੇ ਯੂਜ਼ਰਸ ਨੂੰ ਵਾਰ-ਵਾਰ ਰੀਚਾਰਜ ਕਰਵਾਉਣ ਦੀ ਟੈਨਸ਼ਨ ਨਹੀਂ ਰਹਿੰਦੀ। ਇਹੀ ਕਾਰਨ ਹੈ ਕਿ ਇਹ ਪਲਾਨ ਸਟੂਡੈਂਟਸ, ਵਰਕ ਫਰਾਮ ਹੋਮ (Work from Home) ਕਰਨ ਵਾਲੇ ਯੂਜ਼ਰਸ ਅਤੇ ਜ਼ਿਆਦਾ ਇੰਟਰਨੈੱਟ ਯੂਜ਼ ਕਰਨ ਵਾਲੇ ਲੋਕਾਂ ਵਿਚਕਾਰ ਕਾਫ਼ੀ ਸ਼ਾਨਦਾਰ ਆਪਸ਼ਨ ਹੋ ਸਕਦਾ ਹੈ।