MG ਕਰ ਰਹੀ ਹੈ ਨਵੀਂ ਗੱਡੀ ਦੇ ਲਾਂਚ ਦੀ ਤਿਆਰੀ, ਕਿਸ ਸੈਗਮੈਂਟ 'ਚ ਕਦੋਂ ਆ ਸਕਦੀ ਹੈ ਭਾਰਤ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਵਾਹਨ ਨਿਰਮਾਤਾ MG ਮੋਟਰਜ਼ ਵੱਲੋਂ ਇਲੈਕਟ੍ਰਿਕ ਤੋਂ ਲੈ ਕੇ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਨੂੰ ਭਾਰਤੀ ਬਾਜ਼ਾਰ ਵਿੱਚ ਪੇਸ਼ ਕੀਤਾ ਜਾਂਦਾ ਹੈ। ਨਿਰਮਾਤਾ ਵੱਲੋਂ ਜਲਦ ਹੀ ਨਵੀਂ ਗੱਡੀ ਨੂੰ ਲਾਂਚ ਕੀਤਾ ਜਾ ਰਿਹਾ ਹੈ। ਇਸ ਨੂੰ ਕਿਸ ਕੀਮਤ 'ਤੇ, ਕਿਸ ਤਰ੍ਹਾਂ ਦੀਆਂ ਖੂਬੀਆਂ ਦੇ ਨਾਲ, ਕਿਸ ਸੈਗਮੈਂਟ ਵਿੱਚ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

MG ਲਿਆ ਰਹੀ ਹੈ ਨਵੀਂ ਗੱਡੀ

ਵਾਹਨ ਨਿਰਮਾਤਾ ਐਮਜੀ ਮੋਟਰਜ਼ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਜਲਦ ਹੀ ਨਵੀਂ ਗੱਡੀ ਦੇ ਲਾਂਚ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਨਿਰਮਾਤਾ ਵੱਲੋਂ ਇਸ ਦੀ ਜਾਣਕਾਰੀ ਰਸਮੀ ਤੌਰ 'ਤੇ ਦਿੱਤੀ ਗਈ ਹੈ।

ਕੀ ਮਿਲੀ ਜਾਣਕਾਰੀ

ਐਮਜੀ ਵੱਲੋਂ ਇਹ ਜਾਣਕਾਰੀ ਦਿੱਤੀ ਗਈ ਹੈ ਕਿ ਉਹ ਜਲਦ ਹੀ ਨਵੀਂ ਗੱਡੀ ਨੂੰ ਭਾਰਤ ਵਿੱਚ ਲਿਆਉਣ ਦੀ ਤਿਆਰੀ ਕਰ ਰਹੀ ਹੈ। ਪਰ ਕਿਸ ਗੱਡੀ ਨੂੰ ਕਿਸ ਤਰ੍ਹਾਂ ਦੀਆਂ ਖੂਬੀਆਂ ਦੇ ਨਾਲ ਲਿਆਂਦਾ ਜਾ ਸਕਦਾ ਹੈ, ਇਸ ਦੀ ਜਾਣਕਾਰੀ ਅਜੇ ਨਹੀਂ ਦਿੱਤੀ ਗਈ ਹੈ।

ਕਦੋਂ ਹੋਵੇਗੀ ਲਾਂਚ

ਐਮਜੀ ਵੱਲੋਂ ਭਾਰਤ ਵਿੱਚ ਰਸਮੀ ਤੌਰ 'ਤੇ ਨਵੀਂ ਗੱਡੀ ਨੂੰ 16 ਜੁਲਾਈ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਤਰੀਕ ਦੇ ਨਾਲ ਹੀ ਐਮਜੀ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਇੰਟਰਨੈੱਟ ਇਨਸਾਈਡ ਨੇ ਭਾਰਤ ਵਿੱਚ ਡ੍ਰਾਈਵਿੰਗ ਦੇ ਤਰੀਕੇ ਨੂੰ ਬਦਲ ਦਿੱਤਾ ਹੈ। ਹੁਣ ਅਗਲੀ ਕ੍ਰਾਂਤੀ ਦੇਸ਼ ਨੂੰ ਦੇਣ ਦਾ ਸਮਾਂ ਹੈ। ਅਸੀਂ ਭਾਰਤ ਵਿੱਚ NEV (ਨੇਬਰਹੁੱਡ ਇਲੈਕਟ੍ਰਿਕ ਵਹੀਕਲ / ਨਿਊ ਐਨਰਜੀ ਵਹੀਕਲ) ਦੇ ਬਾਰੇ ਸੋਚਣ ਦੇ ਤਰੀਕੇ ਨੂੰ ਮੁੜ ਪਰਿਭਾਸ਼ਿਤ ਕਰ ਰਹੇ ਹਾਂ।

ਕਿਸ ਸੈਗਮੈਂਟ ਵਿੱਚ ਹੋਵੇਗੀ ਪੇਸ਼

ਜਾਣਕਾਰੀ ਮੁਤਾਬਕ ਨਿਰਮਾਤਾ ਵੱਲੋਂ ਮਿਡ ਸਾਈਜ਼ ਐਸਯੂਵੀ (SUV) ਸੈਗਮੈਂਟ ਵਿੱਚ ਇਲੈਕਟ੍ਰਿਕ ਜਾਂ PHEV (ਪਲੱਗ-ਇਨ ਹਾਈਬ੍ਰਿਡ ਇਲੈਕਟ੍ਰਿਕ ਵਹੀਕਲ) ਗੱਡੀ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਅਜਿਹੀ ਉਮੀਦ ਇਸ ਲਈ ਕੀਤੀ ਜਾ ਰਹੀ ਹੈ ਕਿਉਂਕਿ ਨਿਰਮਾਤਾ ਵੱਲੋਂ ਇੰਟਰਨੈੱਟ ਇਨਸਾਈਡ ਦੀ ਗੱਲ ਕਹੀ ਗਈ ਹੈ, ਜੋ ਐਮਜੀ ਵੱਲੋਂ ਮਿਡ ਸਾਈਜ਼ ਐਸਯੂਵੀ ਵਜੋਂ ਪੇਸ਼ ਕੀਤੀ ਗਈ ਹੈਕਟਰ ਲਈ ਕਹੀ ਗਈ ਸੀ। ਇਸ ਫੀਚਰ ਦੇ ਨਾਲ ਨਿਰਮਾਤਾ ਨੇ ਹੈਕਟਰ ਨੂੰ ਭਾਰਤ ਵਿੱਚ ਲਾਂਚ ਕੀਤਾ ਸੀ।

ਕਿਸ ਗੱਡੀ ਨੂੰ ਕੀਤਾ ਜਾ ਸਕਦਾ ਹੈ ਪੇਸ਼

ਇਹ ਗੱਡੀ MG Starlight 560 'ਤੇ ਆਧਾਰਿਤ ਹੋ ਸਕਦੀ ਹੈ, ਜਿਸ ਨੂੰ ਭਾਰਤ ਵਿੱਚ ਪਹਿਲਾਂ ਹੀ ਟੈਸਟਿੰਗ ਦੌਰਾਨ ਦੇਖਿਆ ਜਾ ਰਿਹਾ ਹੈ।

ਮਿਲਣਗੇ ਕਿਹੋ ਜਿਹੇ ਫੀਚਰਜ਼

ਨਿਰਮਾਤਾ ਵੱਲੋਂ ਇਸ ਗੱਡੀ ਵਿੱਚ ਕਈ ਬਿਹਤਰੀਨ ਫੀਚਰਜ਼ ਪੇਸ਼ ਕੀਤੇ ਜਾ ਸਕਦੇ ਹਨ। ਇਸ ਵਿੱਚ ਐਲਈਡੀ ਹੈੱਡਲਾਈਟ, ਐਲਈਡੀ ਡੀਆਰਐਲ , ਐਲਈਡੀ ਟੇਲ ਲਾਈਟ, ਫਲੈਟ ਬੋਨਟ, ਬੌਡੀ ਕਲੈਡਿੰਗ, 12.8 ਇੰਚ ਇੰਫੋਟੇਨਮੈਂਟ ਸਿਸਟਮ, ਪੈਨੋਰਮਿਕ ਸਨਰੂਫ, ਵਾਇਰਲੈੱਸ ਚਾਰਜਰ, ਲੈਵਲ-2 ADAS ਵਰਗੇ ਕਈ ਫੀਚਰਜ਼ ਦਿੱਤੇ ਜਾ ਸਕਦੇ ਹਨ।

ਕਿੰਨੀ ਹੋਵੇਗੀ ਰੇਂਜ

ਐਮਜੀ ਵੱਲੋਂ ਸਟਾਰਲਾਈਟ ਈਵੀ ਵਿੱਚ 60 KWh ਦੀ ਸਮਰੱਥਾ ਵਾਲੀ ਬੈਟਰੀ ਦਿੱਤੀ ਜਾ ਸਕਦੀ ਹੈ, ਜਿਸ ਨੂੰ ਫੁੱਲ ਚਾਰਜ ਕਰਨ ਤੋਂ ਬਾਅਦ ਕਰੀਬ 500 ਤੋਂ 550 ਕਿਲੋਮੀਟਰ ਤੱਕ ਦੀ ਰੇਂਜ ਮਿਲ ਸਕਦੀ ਹੈ। ਇਸ ਵਿੱਚ ਸਿੰਗਲ ਮੋਟਰ ਦਿੱਤੀ ਜਾ ਸਕਦੀ ਹੈ, ਜਿਸ ਨਾਲ ਇਸ ਨੂੰ 136 ਪੀਐਸ ਦੀ ਪਾਵਰ ਅਤੇ 200 ਨਿਊਟਨ ਮੀਟਰ ਦਾ ਟਾਰਕ ਮਿਲ ਸਕਦਾ ਹੈ।

PHEV ਵਿੱਚ ਕਿੰਨਾ ਦਮਦਾਰ ਇੰਜਣ

ਜੇਕਰ ਇਸ ਗੱਡੀ ਨੂੰ ਪਲੱਗ-ਇਨ ਹਾਈਬ੍ਰਿਡ ਵਿਕਲਪ ਦੇ ਨਾਲ ਲਾਂਚ ਕੀਤਾ ਜਾਵੇਗਾ ਤਾਂ ਇਸ ਵਿੱਚ 1.5 ਲੀਟਰ ਦੀ ਸਮਰੱਥਾ ਦਾ ਇੰਜਣ ਦਿੱਤਾ ਜਾ ਸਕਦਾ ਹੈ। ਜਿਸ ਦੇ ਨਾਲ ਇਸ ਵਿੱਚ 20.5 kWh ਦੀ ਸਮਰੱਥਾ ਵਾਲੀ ਬੈਟਰੀ ਦਿੱਤੀ ਜਾ ਸਕਦੀ ਹੈ। ਇਸ ਨਾਲ ਗੱਡੀ ਨੂੰ 194 ਬੀਐਚਪੀ ਦੀ ਪਾਵਰ ਅਤੇ 230 ਨਿਊਟਨ ਮੀਟਰ ਦਾ ਟਾਰਕ ਮਿਲ ਸਕਦਾ ਹੈ।

ਕਿਨ੍ਹਾਂ ਨਾਲ ਹੋਵੇਗਾ ਮੁਕਾਬਲਾ

ਐਮਜੀ ਵੱਲੋਂ ਸਟਾਰਲਾਈਟ ਈਵੀ ਨੂੰ ਸੱਤ ਸੀਟਾਂ ਦੇ ਵਿਕਲਪ ਨਾਲ ਲਾਂਚ ਕੀਤਾ ਜਾਵੇਗਾ। ਇਸ ਸੈਗਮੈਂਟ ਵਿੱਚ ਇਸ ਦਾ ਮੁਕਾਬਲਾ Mahindra XEV 9S, Kia Carens Clavis EV ਵਰਗੀਆਂ ਈਵੀਜ਼ ਨਾਲ ਹੋਵੇਗਾ। ਉੱਥੇ ਹੀ ਜੇਕਰ ਇਸ ਦੇ PHEV ਵਰਜ਼ਨ ਨੂੰ ਲਾਂਚ ਕੀਤਾ ਜਾਂਦਾ ਹੈ ਤਾਂ ਇਸ ਨੂੰ Maruti Grand Vitara, Toyota Hyryder ਦੇ ਆਉਣ ਵਾਲੇ ਸੱਤ ਸੀਟਾਂ ਵਾਲੇ ਵਰਜ਼ਨ ਤੋਂ ਚੁਣੌਤੀ ਮਿਲੇਗੀ।