ਮਾਰੂਤੀ ਤੋਂ ਲੈ ਕੇ MG ਤੱਕ ਕਰ ਰਹੀਆਂ ਨੇ ਤਿਆਰੀ, ਇਸ ਮਹੀਨੇ ਲਾਂਚ ਹੋਣਗੀਆਂ ਕਿਹੜੀਆਂ ਕਾਰਾਂ

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤੀ ਬਾਜ਼ਾਰ ਵਿੱਚ ਕਈ ਨਿਰਮਾਤਾਵਾਂ ਵੱਲੋਂ ਕਈ ਸੈਗਮੈਂਟਾਂ ਵਿੱਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਹਰ ਮਹੀਨੇ ਕਈ ਨਿਰਮਾਤਾਵਾਂ ਵੱਲੋਂ ਨਵੇਂ ਵਾਹਨਾਂ ਨੂੰ ਪੇਸ਼ ਅਤੇ ਲਾਂਚ ਕੀਤਾ ਜਾਂਦਾ ਹੈ। ਇਸ ਮਹੀਨੇ ਕਿਸ ਨਿਰਮਾਤਾ ਵੱਲੋਂ ਕਿਸ ਗੱਡੀ ਨੂੰ ਪੇਸ਼ ਅਤੇ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ, ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ।

Renault Kwid ਦਾ Facelift ਆਵੇਗਾ

ਰੇਨੋ ਵੱਲੋਂ ਕਵਿਡ ਨੂੰ ਹੈਚਬੈਕ ਸੈਗਮੈਂਟ ਵਿੱਚ ਆਫਰ ਕੀਤਾ ਜਾਂਦਾ ਹੈ। ਨਿਰਮਾਤਾ ਵੱਲੋਂ ਇਸ ਕਾਰ ਦੇ ਫੇਸਲਿਫਟ ਵਰਜ਼ਨ ਨੂੰ ਤਿੰਨ ਜੁਲਾਈ ਨੂੰ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਜਿਸ ਵਿੱਚ ਨਵਾਂ ਫਰੰਟ, ਨਵੇਂ ਅਲੌਏ ਵ੍ਹੀਲਜ਼, ਅਪਡੇਟ ਕੀਤਾ ਗਿਆ ਇੰਫੋਟੇਨਮੈਂਟ ਸਿਸਟਮ ਅਤੇ ਡਿਜੀਟਲ ਇੰਸਟਰੂਮੈਂਟ ਕਲਸਟਰ ਦਿੱਤਾ ਜਾ ਸਕਦਾ ਹੈ।

Nissan Tekton ਹੋਵੇਗੀ ਲਾਂਚ

ਵਾਹਨ ਨਿਰਮਾਤਾ ਨਿਸਾਨ ਵੱਲੋਂ ਵੀ ਟੈਕਟੌਨ ਐਸਯੂਵੀ ਨੂੰ ਜੁਲਾਈ ਮਹੀਨੇ ਵਿੱਚ ਲਾਂਚ ਕੀਤਾ ਜਾਵੇਗਾ। ਇਸ ਐਸਯੂਵੀ ਨੂੰ ਰਸਮੀ ਤੌਰ 'ਤੇ ਨੌ ਜੁਲਾਈ ਨੂੰ ਲਾਂਚ ਕੀਤਾ ਜਾਵੇਗਾ। ਇਸ ਨੂੰ ਮਿਡ ਸਾਈਜ਼ ਐਸਯੂਵੀ ਸੈਗਮੈਂਟ ਵਿੱਚ ਆਫਰ ਕੀਤਾ ਜਾਵੇਗਾ, ਜਿਸ ਵਿੱਚ ਕਈ ਬਿਹਤਰੀਨ ਫੀਚਰਜ਼ ਦਿੱਤੇ ਜਾ ਸਕਦੇ ਹਨ।

MG ਕਰੇਗੀ ਨਵੀਂ ਐਸਯੂਵੀ ਲਾਂਚ

ਜਾਣਕਾਰੀ ਮੁਤਾਬਕ ਐਮਜੀ ਵੱਲੋਂ ਵੀ ਇਸ ਮਹੀਨੇ ਨਵੀਂ ਐਸਯੂਵੀ ਨੂੰ ਲਾਂਚ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਨਿਰਮਾਤਾ ਨੇ ਅਜੇ ਰਸਮੀ ਤੌਰ 'ਤੇ ਇਹ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਉਹ ਕਿਸ ਗੱਡੀ ਨੂੰ ਪੇਸ਼ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਪਰ ਉਮੀਦ ਹੈ ਕਿ ਨਿਰਮਾਤਾ ਵੱਲੋਂ Starlight 560 'ਤੇ ਆਧਾਰਿਤ PHEV ਜਾਂ EV ਸੈਗਮੈਂਟ ਵਿੱਚ ਨਵੀਂ ਗੱਡੀ ਨੂੰ 16 ਜੁਲਾਈ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ।

Maruti Brezza Facelift

ਮਾਰੂਤੀ ਵੱਲੋਂ ਬ੍ਰੇਜ਼ਾ ਨੂੰ ਵੀ ਕੰਪੈਕਟ ਐਸਯੂਵੀ ਸੈਗਮੈਂਟ ਵਿੱਚ ਆਫਰ ਕੀਤਾ ਜਾਂਦਾ ਹੈ। ਨਿਰਮਾਤਾ ਇਸ ਐਸਯੂਵੀ ਨੂੰ ਵੀ ਇਸ ਮਹੀਨੇ ਫੇਸਲਿਫਟ ਦੇ ਨਾਲ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਜਿਸ ਵਿੱਚ ਅਪਡੇਟ ਕੀਤਾ ਗਿਆ ਐਕਸਟੀਰੀਅਰ, ਨਵਾਂ ਇੱਕ ਲੀਟਰ ਦੀ ਸਮਰੱਥਾ ਦਾ ਟਰਬੋ ਪੈਟਰੋਲ ਇੰਜਣ ਅਤੇ ਅੰਡਰਬਾਡੀ ਸੀਐਨਜੀ ਨੂੰ ਦਿੱਤਾ ਜਾ ਸਕਦਾ ਹੈ। ਇਸ ਨੂੰ ਭਾਰਤ ਵਿੱਚ 23 ਜੁਲਾਈ ਨੂੰ ਪੇਸ਼ ਕੀਤਾ ਜਾ ਸਕਦਾ ਹੈ।