ਮਾਰੂਤੀ ਨੇ ਵਧਾ ਦਿੱਤੀਆਂ ਆਪਣੀ ਇਕਲੌਤੀ 4x4 SUV Jimny ਦੀਆਂ ਕੀਮਤਾਂ, ਕਿਸ ਵੇਰੀਐਂਟ ਦੀ ਕੀਮਤ 'ਚ ਹੋਇਆ ਕਿੰਨਾ ਵਾਧਾ

ਆਟੋ ਡੈਸਕ, ਨਵੀਂ ਦਿੱਲੀ: ਵਾਹਨ ਨਿਰਮਾਤਾ ਮਾਰੂਤੀ ਵੱਲੋਂ ਭਾਰਤੀ ਬਾਜ਼ਾਰ ਵਿੱਚ ਆਫ-ਰੋਡ ਸਮਰੱਥਾ ਦੇ ਨਾਲ Maruti Jimny ਨੂੰ ਪੇਸ਼ ਕੀਤਾ ਜਾਂਦਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ SUV ਦੀਆਂ ਕੀਮਤਾਂ ਨੂੰ ਵਧਾ ਦਿੱਤਾ ਗਿਆ ਹੈ। Jimny ਦੀ ਕੀਮਤ ਵਿੱਚ ਕਿੰਨਾ ਵਾਧਾ ਕੀਤਾ ਗਿਆ ਹੈ। ਕਿਸ ਵੇਰੀਐਂਟ ਨੂੰ ਹੁਣ ਕਿਸ ਕੀਮਤ 'ਤੇ ਪੇਸ਼ ਕੀਤਾ ਜਾ ਰਿਹਾ ਹੈ। ਅਸੀਂ ਤੁਹਾਨੂੰ ਇਸ ਖ਼ਬਰ ਵਿੱਚ ਦੱਸ ਰਹੇ ਹਾਂ-

ਵਧ ਗਈ ਕੀਮਤ

ਮਾਰੂਤੀ ਵੱਲੋਂ ਪੇਸ਼ ਕੀਤੀ ਜਾਣ ਵਾਲੀ ਐਸਯੂਵੀ ਜਿਮਨੀ ਦੀਆਂ ਕੀਮਤਾਂ ਨੂੰ ਵਧਾ ਦਿੱਤਾ ਗਿਆ ਹੈ। ਨਿਰਮਾਤਾ ਵੱਲੋਂ ਪਹਿਲਾਂ ਹੀ ਜਾਣਕਾਰੀ ਦਿੱਤੀ ਗਈ ਸੀ ਕਿ ਉਹ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਧਾ ਰਹੀ ਹੈ।

ਕਿੰਨੀ ਵਧੀ ਕੀਮਤ

ਰਿਪੋਰਟਾਂ ਮੁਤਾਬਕ ਜਿਮਨੀ ਦੀ ਕੀਮਤ ਵਿੱਚ 7500 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਇਹ ਵਾਧਾ ਤੁਰੰਤ ਪ੍ਰਭਾਵ ਨਾਲ ਲਾਗੂ ਵੀ ਕਰ ਦਿੱਤਾ ਗਿਆ ਹੈ। ਨਿਰਮਾਤਾ ਵੱਲੋਂ ਇਸ ਐਸਯੂਵੀ ਦੇ ਦੋਵੇਂ ਵੇਰੀਐਂਟਸ, ਜ਼ੇਟਾ ਅਤੇ ਐਲਫਾ ਦੀਆਂ ਕੀਮਤਾਂ ਵਿੱਚ ਇਹ ਵਾਧਾ ਕੀਤਾ ਗਿਆ ਹੈ।

ਕਿੰਨਾ ਦਮਦਾਰ ਹੈ ਇੰਜਣ

ਮਾਰੂਤੀ ਵੱਲੋਂ ਜਿਮਨੀ ਵਿੱਚ 1.5 ਲੀਟਰ ਦੀ ਸਮਰੱਥਾ ਦਾ ਇੰਜਣ ਦਿੱਤਾ ਜਾਂਦਾ ਹੈ। ਇਸ ਇੰਜਣ ਨਾਲ ਐਸਯੂਵੀ ਨੂੰ 77.1 ਕਿਲੋਵਾਟ ਦੀ ਪਾਵਰ ਅਤੇ 134.2 ਨਿਊਟਨ ਮੀਟਰ ਦਾ ਟਾਰਕ ਮਿਲਦਾ ਹੈ। ਇਸ ਦੇ ਨਾਲ ਹੀ ਇਸ ਐਸਯੂਵੀ ਵਿੱਚ ਪੰਜ-ਸਪੀਡ ਮੈਨੂਅਲ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦਾ ਬਦਲ ਦਿੱਤਾ ਜਾਂਦਾ ਹੈ।

ਕਿਹੋ ਜਿਹੇ ਹਨ ਫੀਚਰਜ਼

ਨਿਰਮਾਤਾ ਵੱਲੋਂ ਇਸ ਐਸਯੂਵੀ ਵਿੱਚ ਕਈ ਸ਼ਾਨਦਾਰ ਫੀਚਰਜ਼ ਪੇਸ਼ ਕੀਤੇ ਜਾਂਦੇ ਹਨ। ਇਸ ਵਿੱਚ ਐਲਈਡੀ ਲਾਈਟਾਂ, ਫੌਗ ਲੈਂਪ, ਰੀਅਰ ਵਾਈਪਰ ਅਤੇ ਵਾਸ਼ਰ, ਛੇ ਏਅਰਬੈਗ, ਏਬੀਐਸ , ਈਬੀਡੀ , ਹਿੱਲ ਹੋਲਡ ਅਸਿਸਟ, ਈਐਸਪੀ , ਬ੍ਰੇਕ ਅਸਿਸਟ, ਰੀਅਰ ਵਿਊ ਕੈਮਰਾ, ਪੁਸ਼ ਬਟਨ ਸਟਾਰਟ, ਕਰੂਜ਼ ਕੰਟਰੋਲ, ਸਮਾਰਟ ਪਲੇ ਪ੍ਰੋ, 17.78 ਸੈ.ਮੀ. ਇੰਫੋਟੇਨਮੈਂਟ ਸਿਸਟਮ, ਐਂਡਰਾਇਡ ਆਟੋ, ਐਪਲ ਕਾਰ ਪਲੇ, 4X4 ਵਰਗੇ ਕਈ ਬਿਹਤਰੀਨ ਫੀਚਰਜ਼ ਮਿਲਦੇ ਹਨ।

ਹੁਣ ਕਿੰਨੀ ਹੋਈ ਕੀਮਤ

ਵਾਧੇ ਤੋਂ ਬਾਅਦ ਹੁਣ ਜਿਮਨੀ ਦੀ ਐਕਸ-ਸ਼ੋਰੂਮ ਕੀਮਤ 12.39 ਲੱਖ ਰੁਪਏ ਹੈ। ਇਸ ਦੇ ਟਾਪ ਵੇਰੀਐਂਟ ਦੀ ਐਕਸ-ਸ਼ੋਰੂਮ ਕੀਮਤ 14.52 ਲੱਖ ਰੁਪਏ ਹੈ।