FIFA World Cup 2026: ਦੱਖਣੀ ਅਫਰੀਕਾ ਤੇ ਕੈਨੇਡਾ ਨੇ ਰਚਿਆ ਇਤਿਹਾਸ, ਮੋਰੱਕੋ ਵੱਡੀ ਜਿੱਤ ਨਾਲ ਆਖਰੀ 32 ’ਚ ਪੁੱਜਾ

ਜਾਗਰਣ ਨਿਊਜ਼ ਨੈੱਟਵਰਕ, ਨਵੀਂ ਦਿੱਲੀ: ਬੁੱਧਵਾਰ ਦੀ ਰਾਤ ਫੀਫਾ ਵਿਸ਼ਵ ਕੱਪ ’ਚ ਇਤਿਹਾਸਕ ਸੀ। ਦੱਖਣੀ ਅਫਰੀਕਾ ਤੇ ਕੈਨੇਡਾ ਵਰਗੇ ਦੇਸ਼ਾਂ ਨੇ ਆਪਣੇ ਪਹਿਲੇ ਵਿਸ਼ਵ ਕੱਪ ਨਾਕਆਊਟ ਸਥਾਨ ਹਾਸਲ ਕੀਤੇ। ਮੋਰੱਕੋ ਆਪਣੇ ਪਿਛਲੇ ਵਿਸ਼ਵ ਕੱਪ ਪ੍ਰਦਰਸ਼ਨ ਦੇ ਆਧਾਰ ’ਤੇ ਇਕ ਵਾਰ ਫਿਰ ਨਾਕਆਊਟ ਗੇੜ ’ਚ ਪ੍ਰਵੇਸ਼ ਕੀਤਾ। ਦੱਖਣੀ ਅਫਰੀਕਾ ਨੇ ਆਪਣੇ ਆਖਰੀ ਲੀਗ ਮੈਚ ’ਚ ਦੱਖਣੀ ਕੋਰੀਆ ਨੂੰ 1-0 ਨਾਲ ਹਰਾਇਆ, ਜਦ ਕਿ ਕੈਨੇਡਾ ਸਵਿਟਜ਼ਰਲੈਂਡ ਤੋਂ 2-1 ਨਾਲ ਹਾਰਨ ਦੇ ਬਾਵਜੂਦ ਪ੍ਰਵੇਸ਼ ਕੀਤਾ। ਮੋਰੱਕੋ ਸਕਾਟਲੈਂਡ ਵਿਰੁੱਧ ਬ੍ਰਾਜ਼ੀਲ ’ਤੇ ਜਿੱਤ ਨਾਲ ਆਖਰੀ 32 ’ਚ ਪ੍ਰਵੇਸ਼ ਕਰ ਸਕਦਾ ਸੀ, ਪਰ ਉਨ੍ਹਾਂ ਨੇ ਹੈਤੀ ਨੂੰ 4-2 ਨਾਲ ਹਰਾ ਕੇ ਅੱਗੇ ਵਧਣਾ ਨਹੀਂ ਛੱਡਿਆ।

ਅਫਰੀਕਾ ਦੀ ਇਤਿਹਾਸਕ ਜਿੱਤ:

ਦੱਖਣੀ ਅਫਰੀਕਾ ਵਿਸ਼ਵ ਕੱਪ ਦੇ ਇਤਿਹਾਸ ’ਚ ਪਹਿਲੀ ਵਾਰ ਨਾਕਆਊਟ ਗੇੜ ’ਚ ਖੇਡੇਗਾ। ਬੁੱਧਵਾਰ ਰਾਤ ਨੂੰ ਦੱਖਣੀ ਕੋਰੀਆ ’ਤੇ 1-0 ਦੀ ਜਿੱਤ ਨਾਲ, ਉਨ੍ਹਾਂ ਨੇ ਗਰੁੱਪ ਏ ’ਚ ਦੂਜਾ ਸਥਾਨ ਤੇ ਰਾਊਂਡ ਆਫ 32 ’ਚ ਜਗ੍ਹਾ ਪੱਕੀ ਕੀਤੀ। ਦੱਖਣੀ ਅਫਰੀਕਾ ਲਈ ਥਾਪੇਲੋ ਮਾਸੇਕਾ ਨੇ ਮੈਚ ਦਾ ਇੱਕੋ-ਇੱਕ ਗੋਲ 63ਵੇਂ ਮਿੰਟ ’ਚ ਕੀਤਾ। ਮੈਚ ’ਚ ਉਨ੍ਹਾਂ ਨੇ ਪੰਜ ਸ਼ਾਟ ਮਾਰੇ ਤੇ ਅੰਤ ’ਚ ਦੱਖਣੀ ਅਫਰੀਕਾ ਦੀ ਜਿੱਤ ਦਾ ਹੀਰੋ ਬਣ ਗਿਆ। ਦੱਖਣੀ ਅਫਰੀਕਾ ਨੇ ਵਿਸ਼ਵ ਕੱਪ ਦੀ ਸ਼ੁਰੂਆਤ ਮੈਕਸੀਕੋ ਤੋਂ 2-0 ਦੀ ਹਾਰ ਨਾਲ ਕੀਤੀ। ਬਾਅਦ ਵਿੱਚ ਉਨ੍ਹਾਂ ਨੇ ਚੈੱਕ ਗਣਰਾਜ ਖਿਲਾਫ਼ 1-1 ਨਾਲ ਡਰਾਅ ਖੇਡਿਆ। ਇਸ ਤੋਂ ਪਹਿਲਾਂ, ਦੱਖਣੀ ਅਫਰੀਕਾ 1998, 2002 ਅਤੇ 2010 ’ਚ ਗਰੁੱਪ ਗੇੜ ਤੋਂ ਬਾਹਰ ਹੋ ਗਿਆ ਸੀ।

ਕੈਨੇਡਾ ਹਾਰਨ ਦੇ ਬਾਵਜੂਦ ਅੱਗੇ ਵਧਿਆ:

ਰੂਬੇਨ ਵਰਗਸ (46ਵੇਂ ਮਿੰਟ) ਤੇ ਜੋਹਾਨ ਮਜ਼ਾਂਬੀ (57ਵੇਂ ਮਿੰਟ) ਦੇ ਗੋਲਾਂ ਨਾਲ, ਸਵਿਟਜ਼ਰਲੈਂਡ ਨੇ ਸਹਿ-ਮੇਜ਼ਬਾਨ ਕੈਨੇਡਾ ਨੂੰ 2-1 ਨਾਲ ਹਰਾ ਕੇ ਗਰੁੱਪ ਬੀ ’ਚ ਸਿਖਰਲਾ ਸਥਾਨ ਹਾਸਲ ਕੀਤਾ। ਇਸ ਹਾਰ ਦੇ ਬਾਵਜੂਦ, ਕੈਨੇਡਾ ਨੇ ਆਪਣੇ ਇਤਿਹਾਸ ’ਚ ਪਹਿਲੀ ਵਾਰ ਫੀਫਾ ਵਿਸ਼ਵ ਕੱਪ ਦੇ ਨਾਕਆਊਟ ਪੜਾਅ ’ਚ ਜਗ੍ਹਾ ਪੱਕੀ ਕੀਤੀ। ਪ੍ਰੋਮਿਸ ਡੇਵਿਡ ਨੇ 76ਵੇਂ ਮਿੰਟ ’ਚ ਕੈਨੇਡਾ ਲਈ ਗੋਲ ਕੀਤਾ। ਜੇਕਰ ਕੈਨੇਡਾ ਇਹ ਮੈਚ ਜਿੱਤ ਜਾਂਦਾ ਜਾਂ ਡਰਾਅ ਹੋ ਜਾਂਦਾ, ਤਾਂ ਉਨ੍ਹਾਂ ਨੇ ਆਪਣਾ ਨਾਕਆਊਟ ਮੈਚ ਵੈਨਕੂਵਰ ’ਚ ਖੇਡਣਾ ਸੀ, ਪਰ ਹੁਣ ਉਨ੍ਹਾਂ ਨੂੰ ਘਰ ਤੋਂ ਦੂਰ ਕੈਲੀਫੋਰਨੀਆ ਜਾਣਾ ਪਵੇਗਾ। ਕੈਨੇਡਾ ਐਤਵਾਰ ਦੇਰ ਰਾਤ ਦੱਖਣੀ ਅਫਰੀਕਾ ਨਾਲ ਭਿੜੇਗਾ। ਟੀਮ ਦੱਖਣੀ ਕੋਰੀਆ ਨੂੰ ਹਰਾਉਣ ਤੋਂ ਬਾਅਦ ਗਰੁੱਪ ਏ ’ਚ ਦੂਜੇ ਸਥਾਨ ’ਤੇ ਰਹੀ।

ਮੋਰੱਕੋ ਦੂਜੇ ਨੰਬਰ ’ਤੇ ਬਣਿਆ: ਅਟਲਾਂਟਾ ’ਚ ਖੇਡੇ ਗਏ ਗਰੁੱਪ ਸੀ ਮੈਚ ’ਚ ਬਦਲਵੇਂ ਖਿਡਾਰੀ ਸੋਫੀਆਨੇ ਰਹੀਮੀ ਤੇ ਜੈਸੀਮੇ ਯਾਸੀਨ ਬੈਂਚ ਤੋਂ ਉਤਰੇ ਤੇ ਮੋਰੱਕੋ ਨੂੰ ਹੈਤੀ ’ਤੇ ਜਿੱਤ ਦਿਵਾਈ। ਮੋਰੱਕੋ ਜੋ ਪਿਛਲੇ ਵਿਸ਼ਵ ਕੱਪ ਦੌਰਾਨ ਸੈਮੀਫਾਈਨਲ ’ਚ ਪਹੁੰਚਣ ਵਾਲਾ ਪਹਿਲਾ ਅਫਰੀਕੀ ਦੇਸ਼ ਬਣਿਆ, ਹੈਤੀ ਵਿਰੁੱਧ ਮੈਚ ’ਚ ਦੋ ਵਾਰ ਪਿੱਛੇ ਰਿਹਾ, ਜੋ 52 ਸਾਲਾਂ ’ਚ ਆਪਣਾ ਪਹਿਲਾ ਵਿਸ਼ਵ ਕੱਪ ਖੇਡ ਰਿਹਾ ਸੀ। ਹਾਲਾਂਕਿ ਰਹੀਮੀ ਨੇ 78ਵੇਂ ਮਿੰਟ ’ਚ ਗੋਲ ਕਰ ਕੇ ਆਪਣੀ ਟੀਮ ਨੂੰ 3-2 ਦੀ ਅਗੇਤ ਦਿਵਾਈ, ਜਦ ਕਿ ਯਾਸੀਨ ਨੇ 89ਵੇਂ ਮਿੰਟ ਵਿੱਚ ਹੈਤੀ ਦੀਆਂ ਆਖਰੀ ਉਮੀਦਾਂ ਨੂੰ ਖਤਮ ਕਰ ਦਿੱਤਾ। ਹੈਤੀ ਨੇ ਪਹਿਲਾਂ 10ਵੇਂ ਮਿੰਟ ਵਿੱਚ ਮੋਰੱਕੋ ਦੇ ਗੋਲਕੀਪਰ ਯਾਸੀਨ ਬੋਨੋ ਦੇ ਆਪਣੇ ਗੋਲ ਦੀ ਬਦੌਲਤ ਅਗੇਤ ਲੈ ਲਈ ਸੀ। ਮੋਰੋਕੋ ਦੇ ਕਪਤਾਨ ਅਸ਼ਰਫ ਹਕੀਮੀ ਨੇ 39ਵੇਂ ਮਿੰਟ ’ਚ ਮੋਰੱਕੋ ਨੂੰ ਵਾਪਸ ਅੱਗੇ ਕਰ ਦਿੱਤਾ, ਪਰ ਵਿਲਸਨ ਇਸੀਡੋਰ ਨੇ 43ਵੇਂ ਮਿੰਟ ’ਚ ਹੈਤੀ ਨੂੰ ਵਾਪਸ ਅੱਗੇ ਕਰ ਦਿੱਤਾ। ਪਹਿਲੇ ਹਾਫ ਦੇ ਵਾਧੂ ਸਮੇਂ ਦੇ 45+1 ਮਿੰਟ ’ਚ ਮੋਰੱਕੋ ਲਈ ਇਸਮਾਈਲ ਸਬੀਰੀ ਨੇ ਬਰਾਬਰੀ ਦਾ ਗੋਲ ਕੀਤਾ।