FIFA World Cup 2026: ਮਹੱਤਵਪੂਰਨ ਮੈਚ ਤੋਂ ਪਹਿਲਾਂ ਸਾਲਾਹ ਵਧਾ ਰਿਹੈ ਆਪਣੀ ਟੀਮ ਦਾ ਸਿਰਦਰਦ, ਜਾਣੋ ਕੀ ਹੈ ਵਜ੍ਹਾ

ਜਾਗਰਣ ਨਿਊਜ਼ ਨੈੱਟਵਰਕ, ਨਵੀਂ ਦਿੱਲੀ: ਮਿਸਰ ਦਾ ਸਭ ਤੋਂ ਵੱਡਾ ਮੈਚ ਜੇਤੂ ਮੁਹੰਮਦ ਸਾਲਾਹ, ਆਪਣੀ ਟੀਮ ਦੇ ਸਿਰ ਦਰਦ ਦਾ ਕਾਰਨ ਬਣ ਰਿਹਾ ਹੈ। ਆਸਟ੍ਰੇਲੀਆ ਖਿਲਾਫ਼ ਫੀਫਾ ਵਿਸ਼ਵ ਕੱਪ ਦੇ ਆਖਰੀ-32 ਮੈਚ ’ਚ ਸਾਲਾਹ ਦੀ ਭਾਗੀਦਾਰੀ ਦੁਚਿੱਤੀ ਭਰੀ ਹੈ ਤੇ ਇਸ ਕਾਰਨ ਮਿਸਰ ਦੀ ਟੀਮ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਮਿਸਰ ਜੋ ਇੱਕ ਜਿੱਤ ਤੇ ਦੋ ਡਰਾਅ ਨਾਲ ਗਰੁੱਪ ਗੇੜ ’ਚ ਆਇਆ ਸੀ, ਸਾਲਾਹ ਤੋਂ ਬਿਨਾਂ ਕਾਫ਼ੀ ਕਮਜ਼ੋਰ ਹੈ ਤੇ ਉਹ ਬਿਨਾਂ ਸ਼ੱਕ ਚਾਹੁਣਗੇ ਕਿ ਉਹ ਆਸਟ੍ਰੇਲੀਆ ਵਿਰੁੱਧ ਖੇਡੇ। ਆਸਟ੍ਰੇਲੀਆ ਜਿਸਨੇ ਤੁਰਕੀ ’ਤੇ 2-0 ਦੀ ਜਿੱਤ ਨਾਲ ਟੂਰਨਾਮੈਂਟ ਦੀ ਸ਼ੁਰੂਆਤ ਕੀਤੀ ਸੀ, ਮੇਜ਼ਬਾਨ ਅਮਰੀਕਾ ਤੋਂ ਹਾਰ ਗਿਆ ਤੇ ਅਗਲੇ ਗੇੜ ’ਚ ਜਾਣ ਲਈ ਪੈਰਾਗੁਏ ਖਿਲਾਫ਼ 0-0 ਨਾਲ ਡਰਾਅ ਖੇਡਿਆ।

ਮਿਸਰ ਦੀ ਰਣਨੀਤੀ: ਮਿਸਰ ਦੀ ਟੀਮ ਜਦੋਂ ਵੀ ਮੌਕਾ ਮਿਲਦਾ ਹੈ ਤਾਂ ਮਜ਼ਬੂਤ ਬਚਾਅ ਤੇ ਤੇਜ਼ ਜਵਾਬੀ ਹਮਲਿਆਂ ਦੀ ਰਣਨੀਤੀ ਨਾਲ ਫੁੱਟਬਾਲ ਖੇਡਦੀ ਹੈ। ਉਹ ਦਬਾਅ ਨਾਲ ਨਜਿੱਠਣ ਲਈ ਡੂੰਘਾਈ ਨਾਲ ਬਚਾਅ ਕਰਦੇ ਹਨ, ਜਦ ਕਿ ਉਨ੍ਹਾਂ ਦੇ ਤੇਜ਼-ਰਫ਼ਤਾਰ ਵਿੰਗਰ ਮੌਕਾ ਆਉਣ ’ਤੇ ਜ਼ਿੰਮੇਵਾਰੀ ਲੈਂਦੇ ਹਨ।

ਬਣਤਰ: ਮਿਸਰ 4-2-3-1 ਜਾਂ 4-4-2 ਬਣਤਰ ’ਚ ਖੇਡਦਾ ਹੈ।

ਸੰਭਾਵਿਤ ਸ਼ੁਰੂਆਤੀ ਗਿਆਰਾਂ: ਮੁਸਤਫਾ ਸ਼ੋਬੈਰ (ਗੋਲਕੀਪਰ), ਮੁਹੰਮਦ ਹਾਨੀ, ਰਾਮੀ ਰਾਬੀਆ, ਯਾਸਰ ਇਬਰਾਹਿਮ, ਕਰੀਮ ਹਾਫਿਜ਼, ਮੁਹੰਮਦ ਲਸ਼ਿਨ, ਮਾਰਵਾਨ ਅਟੀਆ, ਮੁਸਤਫਾ ਜ਼ੀਕੋ, ਮੁਹੰਮਦ ਸਲਾਹ, ਆਈਮਾਰ ਅਸ਼ੂਰ ਤੇ ਉਮਰ ਮਾਰਮੂਸ਼।

ਆਸਟ੍ਰੇਲੀਆ ਦੀ ਰਣਨੀਤੀ: ਆਸਟ੍ਰੇਲੀਆ ਦੀ ਰਣਨੀਤੀ ਕਾਫ਼ੀ ਹੱਦ ਤੱਕ ਮਿਸਰ ਵਰਗੀ ਹੈ। ਟੀਮ ਇੱਕ ਮਜ਼ਬੂਤ ਰੱਖਿਆ ਤੇ ਤੇਜ਼ ਹਮਲਿਆਂ ’ਤੇ ਨਿਰਭਰ ਕਰਦੀ ਹੈ। ਉਨ੍ਹਾਂ ਦੇ ਮਿਡਫੀਲਡਰ ਇੱਕ ਮਜ਼ਬੂਤ ਦਬਾਅ ਵਾਲੀ ਖੇਡ ਖੇਡਦੇ ਹਨ ਤੇ ਵਿੰਗਬੈਕ (ਰੱਖਿਆ ਦੇ ਕਿਨਾਰੇ ’ਤੇ ਖੇਡਣ ਵਾਲੇ ਖਿਡਾਰੀ) ਗਤੀ ਨਾਲ ਅੱਗੇ ਆ ਕੇ ਵਿਰੋਧੀ ਟੀਮ ਨੂੰ ਹੈਰਾਨ ਕਰਦੇ ਹਨ। ਜਦੋਂ ਉਨ੍ਹਾਂ ਨੂੰ ਜਗ੍ਹਾ ਤੇ ਗੇਂਦ ਮਿਲਦੀ ਹੈ, ਤਾਂ ਟੀਮ ਤੇਜ਼ ਜਵਾਬੀ ਹਮਲੇ ਸ਼ੁਰੂ ਕਰਦੀ ਹੈ।

ਆਸਟ੍ਰੇਲੀਆ ਮੁੱਖ ਤੌਰ ’ਤੇ 3-4-2-1 ਬਣਤਰ ’ਚ ਖੇਡਦਾ ਹੈ

ਸੰਭਾਵਿਤ ਸ਼ੁਰੂਆਤੀ 11: ਪੈਟ੍ਰਿਕ ਬੀਚ (ਗੋਲਕੀਪਰ), ਅਲੇਸੈਂਡਰੋ ਸਰਕੇਟੀ, ਹੈਰੀ ਸੁਟਾਰ, ਲੂਕਾਸ ਹੈਰਿੰਗਟਨ, ਜੌਰਡਨ ਬੋਅਸ, ਜੈਕਸਨ ਇਰਵਿਨ, ਏਡਨ ਓ’ਨੀਲ, ਅਜ਼ੀਜ਼ ਬੇਹਿਚ, ਕੋਨਰ ਮੈਟਕਾਫ਼, ਨੇਸਟੋਰੀ ਇਰਨਕੁੰਡਾ ਤੇ ਮੁਹੰਮਦ ਟੌਰੇ