ਇਕ ਵਰਤ 'ਚ 24 ਇਕਾਦਸ਼ੀਆਂ ਦਾ ਫਲ; 25 ਜੂਨ ਦੀ ਨਿਰਜਲਾ ਇਕਾਦਸ਼ੀ ਕਿਉਂ ਹੈ ਖ਼ਾਸ, ਕਿਵੇਂ ਕਈ ਗੁਣਾ ਵਧ ਜਾਵੇਗਾ ਫਲ?

ਜਾਗਰਣ ਸੰਵਾਦਦਾਤਾ, ਸੋਨੀਪਤ : ਹਿੰਦੂ ਧਰਮ ਵਿੱਚ ਇਕਾਦਸ਼ੀ ਨੂੰ ਬਹੁਤ ਪੁੰਨ ਦੇਣ ਵਾਲੀ ਤਿਥੀ ਮੰਨਿਆ ਜਾਂਦਾ ਹੈ। ਸਾਲ ਵਿੱਚ ਕੁੱਲ 24 ਇਕਾਦਸ਼ੀਆਂ ਆਉਂਦੀਆਂ ਹਨ, ਪਰ ਇਹਨਾਂ ਵਿੱਚ ਨਿਰਜਲਾ ਇਕਾਦਸ਼ੀ ਦਾ ਸਥਾਨ ਸਭ ਤੋਂ ਵਿਸ਼ੇਸ਼ ਮੰਨਿਆ ਗਿਆ ਹੈ। ਜੇਠ (ਜਯੇਸ਼ਠ) ਮਹੀਨੇ ਦੇ ਸ਼ੁਕਲ ਪੱਖ ਵਿੱਚ ਆਉਣ ਵਾਲੀ ਇਸ ਇਕਾਦਸ਼ੀ 'ਤੇ ਵਰਤ ਰੱਖਣ ਵਾਲੇ (ਵ੍ਰਤੀ) ਬਿਨਾਂ ਜਲ ਗ੍ਰਹਿਣ ਕੀਤੇ ਉਪਵਾਸ ਰੱਖਦੇ ਹਨ। ਇਸੇ ਕਾਰਨ ਇਸਨੂੰ ਨਿਰਜਲਾ ਇਕਾਦਸ਼ੀ ਕਿਹਾ ਜਾਂਦਾ ਹੈ। ਮਾਨਤਾ ਹੈ ਕਿ ਜੋ ਲੋਕ ਪੂਰੇ ਸਾਲ ਦੀਆਂ ਸਾਰੀਆਂ ਇਕਾਦਸ਼ੀਆਂ ਦਾ ਵਰਤ ਨਹੀਂ ਰੱਖ ਪਾਉਂਦੇ, ਉਹ ਜੇਕਰ ਸ਼ਰਧਾਪੂਰਵਕ ਨਿਰਜਲਾ ਇਕਾਦਸ਼ੀ ਦਾ ਵਰਤ ਰੱਖਣ ਤਾਂ ਉਹਨਾਂ ਨੂੰ ਸਾਰੀਆਂ 24 ਇਕਾਦਸ਼ੀਆਂ ਦੇ ਬਰਾਬਰ ਪੁੰਨ ਪ੍ਰਾਪਤ ਹੁੰਦਾ ਹੈ।

25 ਜੂਨ ਨੂੰ ਸ਼ਿਵ ਯੋਗ, ਰਵੀ ਯੋਗ ਅਤੇ ਸਿੱਧ ਯੋਗ

ਆਚਾਰੀਆ ਡਾ. ਮਨਮੋਹਨ ਮਿਸ਼ਰਾ ਅਨੁਸਾਰ ਜੇਠ ਸ਼ੁਕਲ ਇਕਾਦਸ਼ੀ ਤਿਥੀ 24 ਜੂਨ ਨੂੰ ਰਾਤ 8 ਵਜ ਕੇ 09 ਮਿੰਟ ਤੋਂ ਸ਼ੁਰੂ ਹੋਵੇਗੀ ਅਤੇ 25 ਜੂਨ ਨੂੰ ਰਾਤ 9 ਵਜ ਕੇ 14 ਮਿੰਟ 'ਤੇ ਸਮਾਪਤ ਹੋਵੇਗੀ। ਉਦਯਾ ਤਿਥੀ ਦੇ ਅਧਾਰ 'ਤੇ ਨਿਰਜਲਾ ਇਕਾਦਸ਼ੀ ਦਾ ਵਰਤ 25 ਜੂਨ ਨੂੰ ਰੱਖਿਆ ਜਾਵੇਗਾ। ਡਾ. ਮਿਸ਼ਰਾ ਨੇ ਦੱਸਿਆ ਕਿ ਇਸ ਵਾਰ ਨਿਰਜਲਾ ਇਕਾਦਸ਼ੀ ਕਈ ਵਿਸ਼ੇਸ਼ ਸ਼ੁਭ ਯੋਗਾਂ ਦੇ ਨਾਲ ਮਨਾਈ ਜਾਵੇਗੀ। 25 ਜੂਨ ਨੂੰ ਸ਼ਿਵ ਯੋਗ, ਰਵੀ ਯੋਗ ਅਤੇ ਸਿੱਧ ਯੋਗ ਦਾ ਨਿਰਮਾਣ ਹੋਵੇਗਾ।

ਨਿਰਜਲਾ ਇਕਾਦਸ਼ੀ ਦੇ ਸ਼ੁ$ਭ ਮਹੂਰਤ ਅਤੇ ਸਮਾਂ

ਬ੍ਰਹਮ ਮਹੂਰਤ : ਸਵੇਰੇ 4:05 ਵਜੇ ਤੋਂ 4:45 ਵਜੇ ਤੱਕ

ਅਭਿਜੀਤ ਮਹੂਰਤ : ਸਵੇਰੇ 11:56 ਵਜੇ ਤੋਂ ਦੁਪਹਿਰ 12:52 ਵਜੇ तक

ਰਵੀ ਯੋਗ : ਸਵੇਰੇ 5:25 ਵਜੇ ਤੋਂ ਸ਼ਾਮ 4:29 ਵਜੇ ਤੱਕ

ਸ਼ਿਵ ਯੋਗ : ਸਵੇਰੇ 10:22 ਵਜੇ ਤੋਂ ਪੂਰਾ ਦਿਨ

ਸਿੱਧ ਯੋਗ : ਸਵੇਰੇ 10:53 ਵਜੇ ਤੋਂ ਪੂਰਾ ਦਿਨ

ਇਸ ਤੋਂ ਇਲਾਵਾ ਚੌਥਾ ਅਤੇ ਸਭ ਤੋਂ ਮਹੱਤਵਪੂਰਨ ਸੰਯੋਗ ਇਹ ਹੈ ਕਿ ਨਿਰਜਲਾ ਇਕਾਦਸ਼ੀ ਵੀਰਵਾਰ ਨੂੰ ਪੈ ਰਹੀ ਹੈ। ਵੀਰਵਾਰ ਭਗਵਾਨ ਵਿਸ਼ਨੂੰ ਨੂੰ ਸਮਰਪਿਤ ਮੰਨਿਆ ਜਾਂਦਾ ਹੈ ਅਤੇ ਇਕਾਦਸ਼ੀ ਦਾ ਵਰਤ ਵੀ ਵਿਸ਼ਨੂੰ ਅਰਾਧਨਾ ਦੇ ਲਈ ਵਿਸ਼ੇਸ਼ ਮੰਨਿਆ ਜਾਂਦਾ ਹੈ। ਅਜਿਹੇ ਵਿੱਚ ਇਹ ਦੁਰਲੱਭ ਮੇਲ ਵਰਤ ਦੇ ਮਹੱਤਵ ਨੂੰ ਹੋਰ ਵਧਾਉਣ ਵਾਲਾ ਮੰਨਿਆ ਜਾ ਰਿਹਾ ਹੈ।

ਸ਼ੁਭ ਯੋਗ ਦੇ ਨਾਲ ਰਹੇਗਾ ਭਦਰਾ ਦਾ ਪ੍ਰਭਾਵ

ਨਿਰਜਲਾ ਇਕਾਦਸ਼ੀ ਦੇ ਦਿਨ ਜਿੱਥੇ ਕਈ ਸ਼ੁਭ ਯੋਗ ਬਣ ਰਹੇ ਹਨ, ਉੱਥੇ ਹੀ ਭਦਰਾ ਦਾ ਪ੍ਰਭਾਵ ਵੀ ਰਹੇਗਾ। ਪੰਚਾਂਗ ਅਨੁਸਾਰ ਭਦਰਾ ਸਵੇਰੇ 7 ਵਜ ਕੇ 09 ਮਿੰਟ ਤਕ ਰਹੇਗੀ। ਹਾਲਾਂਕਿ ਇਸ ਦਿਨ ਭਦਰਾ ਪਾਤਾਲ ਲੋਕ 'ਚ ਰਹੇਗੀ, ਇਸ ਲਈ ਵਰਤ, ਪੂਜਾ ਅਤੇ ਭਗਵਾਨ ਵਿਸ਼ਨੂੰ ਦੀ ਅਰਾਧਨਾ ਵਿਚ ਕਿਸੇ ਕਿਸਮ ਦੀ ਰੁਕਾਵਟ ਨਹੀਂ ਮੰਨੀ ਜਾਵੇਗੀ।

ਨਿਰਜਲਾ ਇਕਾਦਸ਼ੀ ਦਾ ਵਰਤ ਰੱਖਣ ਵਾਲੇ ਸ਼ਰਧਾਲੂ ਦਵਾਦਸ਼ੀ ਤਿਥੀ 'ਤੇ ਪਾਰਣ ਕਰਨਗੇ। ਵਰ੍ਹੇ ਦੀ ਸਭ ਤੋਂ ਵੱਡੀ ਨਿਰਜਲਾ ਇਕਾਦਸ਼ੀ ਦਾ ਪਾਰਣ 26 ਜੂਨ ਨੂੰ ਕੀਤਾ ਜਾਵੇਗਾ। ਪਾਰਣ ਦਾ ਸ਼ੁਭ ਸਮਾਂ ਸਵੇਰੇ 5 ਵਜ ਕੇ 25 ਮਿੰਟ ਤੋਂ ਸਵੇਰੇ 8 ਵਜ ਕੇ 13 ਮਿੰਟ ਤੱਕ ਨਿਰਧਾਰਤ ਕੀਤਾ ਗਿਆ ਹੈ। ਇਸ ਸਮੇਂ ਦੌਰਾਨ ਵਿਧੀਪੂਰਵਕ ਵਰਤ ਖੋਲ੍ਹਣਾ ਸ਼ੁੱਭ ਮੰਨਿਆ ਜਾਵੇਗਾ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।