ਕਿਉਂ ਸੱਚੇ ਤੇ ਇਮਾਨਦਾਰ ਇਨਸਾਨ ਨੂੰ ਝੱਲਣੇ ਪੈਂਦੇ ਹਨ ਸਭ ਤੋਂ ਵੱਧ ਦੁੱਖ? ਗੀਤਾ 'ਚ ਛਿਪਿਆ ਹੈ ਇਸ ਦਾ ਜਵਾਬ

ਧਰਮ ਡੈਸਕ, ਨਵੀਂ ਦਿੱਲੀ: ਕਈ ਵਾਰ ਸਾਨੂੰ ਅਜਿਹਾ ਲੱਗਦਾ ਹੈ ਕਿ ਜਿਹੜਾ ਵਿਅਕਤੀ ਇਮਾਨਦਾਰੀ, ਸੱਚਾਈ ਅਤੇ ਧਰਮ ਦੇ ਰਾਹ 'ਤੇ ਚੱਲਦਾ ਹੈ, ਉਸ ਨੂੰ ਹੀ ਸਭ ਤੋਂ ਵੱਧ ਦੁੱਖ, ਕਸ਼ਟ ਅਤੇ ਮਾਨਸਿਕ ਤਣਾਅ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਦੂਜੇ ਪਾਸੇ, ਅਧਰਮ ਅਤੇ ਸ਼ਾਰਟਕੱਟ (ਸੌਖਾ) ਰਾਹ ਚੁਣਨ ਵਾਲੇ ਲੋਕ ਜ਼ਿੰਦਗੀ ਵਿੱਚ ਕਾਫ਼ੀ ਸੁਖੀ ਅਤੇ ਸਫ਼ਲ ਦਿਖਾਈ ਦਿੰਦੇ ਹਨ। ਆਓ ਭਗਵਦ ਗੀਤਾ ਵਿੱਚੋਂ ਇਸ ਸਵਾਲ ਦਾ ਜਵਾਬ ਲੱਭਣ ਦੀ ਕੋਸ਼ਿਸ਼ ਕਰਦੇ ਹਾਂ ਅਤੇ ਜਾਣਦੇ ਹਾਂ ਇਸ ਦੇ ਪਿੱਛੇ ਦੀ ਅਸਲ ਸੱਚਾਈ।

ਕਿਹੜੇ ਕਾਰਨਾਂ ਕਰਕੇ ਦੁੱਖ ਭੋਗਣਾ ਪੈਂਦਾ ਹੈ?

ਭਗਵਦ ਗੀਤਾ ਵਿੱਚ ਜਦੋਂ ਅਰਜੁਨ ਨੇ ਸ਼੍ਰੀ ਕ੍ਰਿਸ਼ਨ ਨੂੰ ਸਵਾਲ ਕਰਦਿਆਂ ਪੁੱਛਿਆ ਕਿ, "ਚੰਗੇ ਇਨਸਾਨ ਪਰੇਸ਼ਾਨ ਅਤੇ ਬੁਰੇ ਇਨਸਾਨ ਹਮੇਸ਼ਾ ਖੁਸ਼ ਕਿਉਂ ਰਹਿੰਦੇ ਹਨ?" ਇਸ 'ਤੇ ਖੁਦ ਭਗਵਾਨ ਸ਼੍ਰੀ ਕ੍ਰਿਸ਼ਨ ਨੇ ਜਵਾਬ ਦਿੰਦਿਆਂ ਕਿਹਾ ਕਿ ਚੰਗੇ ਲੋਕਾਂ ਨੂੰ ਦੁੱਖ ਅਕਸਰ ਤਿੰਨ ਕਾਰਨਾਂ ਕਰਕੇ ਭੋਗਣਾ ਪੈਂਦਾ ਹੈ:

ਪਿਛਲੇ ਜਨਮ ਦੇ ਕਰਮ: ਸਨਾਤਨ ਧਰਮ ਅਨੁਸਾਰ, ਆਤਮਾ ਕਈ ਵਾਰ ਜਨਮ ਲੈਂਦੀ ਹੈ। ਕਈ ਵਾਰ ਇਸ ਜਨਮ ਦਾ ਦੁੱਖ ਪਿਛਲੇ ਜਨਮ ਦੇ ਕਰਮਾਂ ਦਾ ਫਲ ਹੁੰਦਾ ਹੈ। ਪਰ ਧਿਆਨ ਰੱਖੋ, ਜਿਹੜਾ ਵਿਅਕਤੀ ਅੱਜ ਚੰਗੇ ਕਰਮ ਕਰ ਰਿਹਾ ਹੈ, ਉਸ ਦਾ ਭਵਿੱਖ ਸੁਧਰ ਰਿਹਾ ਹੈ।

ਗਲਤ ਰਾਹ ਤੋਂ ਬਚਾਅ: ਭਗਵਾਨ ਸ਼੍ਰੀ ਕ੍ਰਿਸ਼ਨ ਕਹਿੰਦੇ ਹਨ ਕਿ ਪ੍ਰਮਾਤਮਾ ਚੰਗੇ ਇਨਸਾਨ ਨੂੰ ਗਲਤ ਰਾਹ 'ਤੇ ਜਾਣ ਤੋਂ ਬਚਾ ਰਿਹਾ ਹੁੰਦਾ ਹੈ। ਕਈ ਵਾਰ ਜਿਹੜੀਆਂ ਚੀਜ਼ਾਂ ਸਾਨੂੰ ਦੁੱਖ ਦਿੰਦੀਆਂ ਹਨ, ਉਹੀ ਸਾਨੂੰ ਕਿਸੇ ਵੱਡੀ ਤਬਾਹੀ ਤੋਂ ਬਚਾਉਂਦੀਆਂ ਹਨ। ਪ੍ਰਮਾਤਮਾ ਸਾਡੀਆਂ ਸਾਰੀਆਂ ਇੱਛਾਵਾਂ ਇਸ ਲਈ ਪੂਰੀਆਂ ਨਹੀਂ ਕਰਦਾ ਕਿਉਂਕਿ ਉਹ ਸਾਡਾ ਭਵਿੱਖ ਦੇਖ ਸਕਦਾ ਹੈ।

ਸਮੇਂ ਤੋਂ ਵੱਡਾ ਕੋਈ ਜੱਜ ਨਹੀਂ

ਭਗਵਾਨ ਸ਼੍ਰੀ ਕ੍ਰਿਸ਼ਨ ਕਹਿੰਦੇ ਹਨ ਕਿ ਜਿਸ ਵੀ ਵਿਅਕਤੀ ਨੂੰ ਪ੍ਰਮਾਤਮਾ ਆਪਣੇ ਨੇੜੇ ਲਿਆਉਣਾ ਚਾਹੁੰਦਾ ਹੈ, ਉਸ ਦੇ ਅੰਦਰੋਂ ਹੰਕਾਰ, ਲਾਲਚ ਅਤੇ ਮੋਹ ਨੂੰ ਤੋੜਦਾ ਹੈ। ਦੁੱਖ ਇਨਸਾਨ ਨੂੰ ਗੰਭੀਰ ਬਣਾਉਂਦਾ ਹੈ, ਅਧਿਆਤਮਿਕ ਬਣਾਉਂਦਾ ਹੈ, ਸੱਚਾਈ ਸਿਖਾਉਂਦਾ ਹੈ ਅਤੇ ਰੱਬ ਦੇ ਨੇੜੇ ਲਿਆਉਂਦਾ ਹੈ।

ਸ਼੍ਰੀ ਕ੍ਰਿਸ਼ਨ ਅਨੁਸਾਰ, ਸਮਾਂ ਸਭ ਤੋਂ ਵੱਡਾ ਨਿਆਂਧੀਸ਼ ਹੈ। ਉਹ ਕਹਿੰਦੇ ਹਨ ਕਿ ਅੱਜ ਜੋ ਗਲਤ ਕੰਮ ਕਰਕੇ ਨਾਮ, ਸ਼ੋਹਰਤ ਅਤੇ ਪੈਸਾ ਕਮਾ ਰਿਹਾ ਹੈ, ਕੱਲ੍ਹ ਉਹੀ ਆਪਣੇ ਬੁਰੇ ਕਰਮਾਂ ਦਾ ਭਾਗੀਦਾਰ ਬਣੇਗਾ। ਜਿਹੜਾ ਅੱਜ ਬਿਨਾਂ ਕਿਸੇ ਸ਼ਾਰਟਕੱਟ ਦੇ ਮਿਹਨਤ ਕਰ ਰਿਹਾ ਹੈ, ਕੱਲ੍ਹ ਉਹੀ ਸਨਮਾਨ ਅਤੇ ਸ਼ਾਂਤੀ ਦਾ ਹੱਕਦਾਰ ਬਣੇਗਾ।

Disclaimer: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਕਥਨ ਕੇਵਲ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਇੱਥੇ ਲੇਖ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ-ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਉਹ ਇਸ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।