ਕੀ ਪਾਰਟਨਰ ਨਾਲ ਬਿਨਾਂ ਵਜ੍ਹਾ ਹੁੰਦਾ ਹੈ ਝਗੜਾ? ਕੁੰਡਲੀ 'ਚ ਕਮਜ਼ੋਰ 'ਸ਼ੁੱਕਰ' ਹੋ ਸਕਦਾ ਹੈ ਵਜ੍ਹਾ, 'ਹੀਰਾ' ਵਧਾਏਗਾ ਪਿਆਰ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ ਦੇ ਅਨੁਸਾਰ, ਵਿਅਕਤੀ ਦੀ ਕੁੰਡਲੀ 'ਚ ਗ੍ਰਹਿ ਕਮਜ਼ੋਰ ਹੋਣ ਨਾਲ ਜੀਵਨ 'ਚ ਅਸ਼ੁਭ ਨਤੀਜੇ ਮਿਲਦੇ ਹਨ। ਉੱਥੇ ਹੀ, ਜੇਕਰ ਕੁੰਡਲੀ 'ਚ ਕੋਈ ਗ੍ਰਹਿ ਸ਼ੁੱਭ ਸਥਿਤੀ ਵਿਚ ਹੈ ਤਾਂ ਜੀਵਨ 'ਤੇ ਸਕਾਰਾਤਮਕ ਪ੍ਰਭਾਵ ਪੈਂਦਾ ਹੈ। ਰਤਨ ਸ਼ਾਸਤਰ 'ਚ ਗ੍ਰਹਿਆਂ ਨੂੰ ਮਜ਼ਬੂਤ ਕਰਨ ਲਈ ਕਈ ਰਤਨਾਂ ਬਾਰੇ ਦੱਸਿਆ ਗਿਆ ਹੈ।

ਜੇਕਰ ਕਿਸੇ ਵਿਅਕਤੀ ਦੀ ਕੁੰਡਲੀ 'ਚ ਸ਼ੁੱਕਰ ਗ੍ਰਹਿ ਕਮਜ਼ੋਰ ਹੈ ਤਾਂ ਵਿਆਹੁਤਾ ਜੀਵਨ 'ਚ ਤਣਾਅ ਜਾਂ ਭੌਤਿਕ ਸੁੱਖ-ਸਹੂਲਤਾਂ ਦੀ ਕਮੀ ਹੋ ਸਕਦੀ ਹੈ। ਇਸ ਦੇ ਲਈ ਰਤਨ ਸ਼ਾਸਤਰ 'ਚ ਇਕ ਅਜਿਹੇ ਰਤਨ ਬਾਰੇ ਦੱਸਿਆ ਗਿਆ ਹੈ ਜਿਸ ਨੂੰ ਧਾਰਨ ਕਰਨ ਨਾਲ ਸ਼ੁੱਕਰ ਗ੍ਰਹਿ ਮਜ਼ਬੂਤ ਹੁੰਦਾ ਹੈ ਅਤੇ ਜੀਵਨ ਵਿੱਚ ਭੌਤਿਕ ਸੁਖ ਮਿਲਦੇ ਹਨ। ਹੁਣ ਤੁਹਾਡੇ ਮਨ ਵਿਚ ਸਵਾਲ ਆ ਰਿਹਾ ਹੋਵੇਗਾ ਕਿ ਆਖਰ ਉਹ ਕਿਹੜਾ ਰਤਨ ਹੈ। ਅਜਿਹੇ ਵਿੱਚ ਆਓ ਜਾਣਦੇ ਹਾਂ ਇਸ ਰਤਨ ਬਾਰੇ।

ਸ਼ੁੱਕਰ ਗ੍ਰਹਿ ਲਈ ਕਿਹੜਾ ਰਤਨ ਹੈ ਸ਼ੁਭ?

ਜੋਤਿਸ਼ ਸ਼ਾਸਤਰ 'ਚ ਸ਼ੁੱਕਰ ਗ੍ਰਹਿ ਨੂੰ ਭੌਤਿਕ ਸੁੱਖ-ਸਹੂਲਤਾਂ, ਕਲਾ ਅਤੇ ਐਸ਼ੋ-ਆਰਾਮ ਦਾ ਕਾਰਕ ਮੰਨਿਆ ਗਿਆ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਿਨ੍ਹਾਂ ਲੋਕਾਂ ਦੀ ਕੁੰਡਲੀ 'ਚ ਸ਼ੁੱਕਰ ਗ੍ਰਹਿ ਕਮਜ਼ੋਰ ਹੁੰਦਾ ਹੈ, ਉਨ੍ਹਾਂ ਦੇ ਜੀਵਨ ਵਿਚ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਆਉਂਦੀਆਂ ਹਨ। ਇਸ ਲਈ ਕੁੰਡਲੀ ਵਿੱਚ ਸ਼ੁੱਕਰ ਗ੍ਰਹਿ ਨੂੰ ਮਜ਼ਬੂਤ ਕਰਨ ਲਈ ਹੀਰਾ ਰਤਨ ਧਾਰਨ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਕਮਜ਼ੋਰ ਸ਼ੁੱਕਰ ਦੇ ਲੱਛਣ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਜੇਕਰ ਤੁਹਾਡੇ ਪਾਰਟਨਰ (ਸਾਥੀ) ਨਾਲ ਬਿਨਾਂ ਕਿਸੇ ਵਜ੍ਹਾ ਦੇ ਝਗੜਾ ਹੁੰਦਾ ਰਹਿੰਦਾ ਹੈ, ਤਾਂ ਇਸ ਦੇ ਪਿੱਛੇ ਦੀ ਵਜ੍ਹਾ ਕੁੰਡਲੀ ਵਿੱਚ ਸ਼ੁੱਕਰ ਦਾ ਕਮਜ਼ੋਰ ਹੋਣਾ ਹੋ ਸਕਦਾ ਹੈ।

ਇਸ ਤੋਂ ਇਲਾਵਾ ਕੁੰਡਲੀ ਵਿੱਚ ਸ਼ੁੱਕਰ ਕਮਜ਼ੋਰ ਹ ਨਾਲ ਜੀਵਨ ਵਿੱਚ ਆਰਥਿਕ ਤੰਗੀ ਆ ਸਕਦੀ ਹੈ, ਜਿਸ ਨਾਲ ਸੁਖ-ਸਹੂਲਤਾਂ ਦੀ ਕਮੀ ਹੋ ਸਕਦੀ ਹੈ।

ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਸ਼ੁੱਕਰ ਕਮਜ਼ੋਰ ਹੋਣ ਨਾਲ ਆਤਮ-ਵਿਸ਼ਵਾਸ ਵਿੱਚ ਕਮੀ ਦੇਖਣ ਨੂੰ ਮਿਲਦੀ ਹੈ।

ਜੇਕਰ ਤੁਹਾਡੇ ਵਿਆਹ ਵਿੱਚ ਕੋਈ ਰੁਕਾਵਟ ਆ ਰਹੀ ਹੈ, ਤਾਂ ਸਮਝ ਲਓ ਕੁੰਡਲੀ ਵਿੱਚ ਸ਼ੁੱਕਰ ਕਮਜ਼ੋਰ ਹੋ ਸਕਦਾ ਹੈ। ਅਜਿਹੇ ਵਿੱਚ ਹੀਰਾ ਰਤਨ ਜ਼ਰੂਰ ਧਾਰਨ ਕਰੋ।

ਹੀਰਾ ਰਤਨ ਨਾਲ ਜੁੜੇ ਨਿਯਮ

• ਹੀਰਾ ਰਤਨ ਨੂੰ ਪਹਿਨਣ ਲਈ ਸ਼ੁੱਕਰਵਾਰ ਦਾ ਦਿਨ ਸ਼ੁਭ ਮੰਨਿਆ ਜਾਂਦਾ ਹੈ। ਸਹੀ ਦਿਨ ਇਸ ਰਤਨ ਨੂੰ ਧਾਰਨ ਕਰਨ ਨਾਲ ਜੀਵਨ ਵਿੱਚ ਸ਼ੁਭ ਨਤੀਜੇ ਮਿਲਦੇ ਹਨ।
• ਇਸ ਰਤਨ ਨੂੰ ਸੱਜੇ ਹੱਥ ਦੀ ਵਿਚਕਾਰਲੀ ਉਂਗਲ (ਮੱਧਮਾ) ਵਿੱਚ ਪਹਿਨਣਾ ਚਾਹੀਦਾ ਹੈ।
• ਰਤਨ ਨੂੰ ਪਹਿਨਣ ਤੋਂ ਪਹਿਲਾਂ ਸਵੇਰੇ ਇਸ਼ਨਾਨ ਕਰਕੇ ਸਾਫ਼ ਕੱਪੜੇ ਪਹਿਨੋ।
• ਇਸ ਤੋਂ ਬਾਅਦ ਇੱਕ ਕਟੋਰੀ ਵਿੱਚ ਪੰਚਾਮ੍ਰਿਤ ਵਿੱਚ ਥੋੜ੍ਹੀ ਦੇਰ ਲਈ ਅੰਗੂਠੀ ਨੂੰ ਡੁਬੋ ਕੇ ਰੱਖ ਦਿਓ।
• ਹੁਣ ਅੰਗੂਠੀ ਨੂੰ ਜਲ (ਪਾਣੀ) ਨਾਲ ਸਾਫ਼ ਕਰੋ।
• ਸੱਚੇ ਮਨ ਨਾਲ "ॐ शुं शुक्राय नम:" ਜਾਂ "ॐ द्रां द्रीं द्रौं सः शुक्राय नमः" ਮੰਤਰ ਦਾ ਜਾਪ ਕਰੋ।
• ਪਹਿਨਦੇ ਸਮੇਂ ਸ਼ੁੱਕਰ ਦੇਵ ਅਤੇ ਮਾਂ ਲਕਸ਼ਮੀ ਅੱਗੇ ਸੁਖ-ਸਮ੍ਰਿੱਧੀ ਵਿੱਚ ਵਾਧੇ ਲਈ ਪ੍ਰਾਰਥਨਾ ਕਰੋ।