ਕਰੀਅਰ ਦੀ ਹਰ ਰੁਕਾਵਟ ਹੋਵੇਗੀ ਦੂਰ: ਵਪਾਰ ਤੇ ਨੌਕਰੀ 'ਚ ਸਫ਼ਲਤਾ ਪਾਉਣ ਲਈ ਵੀਰਵਾਰ, ਸ਼ਨੀਵਾਰ ਤੇ ਐਤਵਾਰ ਨੂੰ ਕਰੋ ਇਹ ਛੋਟੇ-ਛੋਟੇ ਕੰਮ

ਧਰਮ ਡੈਸਕ, ਨਵੀਂ ਦਿੱਲੀ : ਅੱਜ ਦੇ ਸਮੇਂ ਲੋਕ ਜੀਵਨ ਨੂੰ ਖੁਸ਼ਹਾਲ ਬਣਾਉਣ ਲਈ ਬਹੁਤ ਮਿਹਨਤ ਕਰਦੇ ਹਨ ਪਰ ਫਿਰ ਵੀ ਉਨ੍ਹਾਂ ਨੂੰ ਨੌਕਰੀ 'ਚ ਸਫ਼ਲਤਾ ਪ੍ਰਾਪਤ ਨਹੀਂ ਹੋ ਪਾਉਂਦੀ। ਜਦੋਂ ਪ੍ਰਮੋਸ਼ਨ ਦਾ ਸਮਾਂ ਆਉਂਦਾ ਹੈ ਤਾਂ ਤਨਖ਼ਾਹ 'ਚ ਵਾਧਾ ਨਹੀਂ ਮਿਲ ਪਾਉਂਦਾ, ਜਿਸ ਕਰਕੇ ਉਹ ਪਰੇਸ਼ਾਨ ਹੋਣ ਲੱਗਦੇ ਹਨ।

ਜੋਤਿਸ਼ ਸ਼ਾਸਤਰ 'ਚ ਦੱਸਿਆ ਗਿਆ ਹੈ ਕਿ ਨੌਕਰੀ 'ਚ ਸਫ਼ਲਤਾ ਵਿਅਕਤੀ ਦੀ ਕੁੰਡਲੀ 'ਚ ਗ੍ਰਹਿਆਂ ਦੀ ਸਥਿਤੀ 'ਤੇ ਵੀ ਨਿਰਭਰ ਕਰਦੀ ਹੈ। ਜੇਕਰ ਤੁਸੀਂ ਆਪਣੇ ਕਰੀਅਰ 'ਚ ਕਿਸੇ ਰੁਕਾਵਟ ਦਾ ਸਾਹਮਣਾ ਕਰ ਰਹੇ ਹੋ ਜਾਂ ਫਿਰ ਤਨਖ਼ਾਹ 'ਚ ਵਾਧਾ ਨਹੀਂ ਹੋ ਰਿਹਾ ਹੈ ਤਾਂ ਕੁਝ ਖ਼ਾਸ ਗ੍ਰਹਿਆਂ ਨੂੰ ਪ੍ਰਸੰਨ ਕਰ ਕੇ ਸਫ਼ਲਤਾ ਦੇ ਦੁਆਰ ਖੋਲ੍ਹ ਸਕਦੇ ਹੋ। ਆਓ ਇਸ ਲੇਖ 'ਚ ਤੁਹਾਨੂੰ ਦੱਸਦੇ ਹਾਂ ਅਜਿਹੇ ਖ਼ਾਸ ਗ੍ਰਹਿਆਂ ਬਾਰੇ, ਜਿਨ੍ਹਾਂ ਨੂੰ ਪ੍ਰਸੰਨ ਕਰਨ ਨਾਲ ਕਰੀਅਰ 'ਚ ਬਹੁਤ ਤਰੱਕੀ ਹੁੰਦੀ ਹੈ।

1. ਸੂਰਜ ਦੇਵ- ਜੋਤਿਸ਼ ਸ਼ਾਸਤਰ 'ਚ ਸੂਰਜ ਨੂੰ ਗ੍ਰਹਿਆਂ ਦਾ ਰਾਜਾ ਅਤੇ ਲੀਡਰਸ਼ਿਪ ਦਾ ਮੁੱਖ ਕਾਰਕ ਮੰਨਿਆ ਜਾਂਦਾ ਹੈ। ਕਰੀਅਰ 'ਚ ਤਰੱਕੀ ਸੂਰਜ ਦੀ ਸਥਿਤੀ 'ਤੇ ਨਿਰਭਰ ਕਰਦੀ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਕੁੰਡਲੀ 'ਚ ਸੂਰਜ ਕਮਜ਼ੋਰ ਹੋਣ 'ਤੇ ਕਰੀਅਰ 'ਚ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਜਿਹੇ ਵਿੱਚ ਸੂਰਜ ਨੂੰ ਜ਼ਰੂਰ ਪ੍ਰਸੰਨ ਕਰਨਾ ਚਾਹੀਦਾ ਹੈ।

• ਐਤਵਾਰ ਦੇ ਦਿਨ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਤਾਂਬੇ ਦੇ ਲੋਟੇ 'ਚ ਜਲ, ਰੋਲੀ ਤੇ ਫੁੱਲ ਪਾ ਕੇ ਸੂਰਜ ਦੇਵ ਨੂੰ ਅਰਪਿਤ ਕਰੋ।
• ਪੂਜਾ ਦੌਰਾਨ ਸੱਚੇ ਮਨ ਨਾਲ ਆਦਿਤਿਆ ਹਿਰਦੇ ਸਤੋਤਰ ਦਾ ਪਾਠ ਕਰੋ।
• ਗੁੜ ਅਤੇ ਕਣਕ ਦਾ ਦਾਨ ਕਰੋ।

2. ਸ਼ਨੀ ਦੇਵ- ਸ਼ਨੀ ਦੇਵ ਕਰਮਾਂ ਦਾ ਫਲ ਦੇਣ ਵਾਲੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਸ਼ਨੀ ਦੇਵ ਦੇ ਆਸ਼ੀਰਵਾਦ ਤੋਂ ਬਿਨਾਂ ਕੰਮ 'ਚ ਸਫ਼ਲਤਾ ਪ੍ਰਾਪਤ ਹੋਣਾ ਅਸੰਭਵ ਹੈ। ਸ਼ਨੀ ਦੇਵ ਜਾਤਕ ਨੂੰ ਮਿਹਨਤ ਦਾ ਪੂਰਾ ਅਤੇ ਯੋਗ ਫਲ ਪ੍ਰਦਾਨ ਕਰਦੇ ਹਨ। ਸ਼ਨੀ ਦੇਵ ਦੀ ਸਾਧਨਾ ਕਰਨ ਨਾਲ ਨੌਕਰੀ ਵਿੱਚ ਸਫ਼ਲਤਾ ਮਿਲਦੀ ਹੈ।

• ਸ਼ਨੀਵਾਰ ਦੇ ਦਿਨ ਪਿੱਪਲ ਦੇ ਰੁੱਖ ਹੇਠਾਂ ਸਰ੍ਹੋਂ ਦੇ ਤੇਲ ਦਾ ਦੀਵਾ ਜਗਾਓ।
• ਵਿਧੀ-ਵਿਧਾਨ ਨਾਲ ਸ਼ਨੀ ਦੇਵ ਦੀ ਪੂਜਾ ਕਰੋ ਅਤੇ ਸ਼ਨੀ ਚਾਲੀਸਾ ਦਾ ਪਾਠ ਕਰੋ।

3. ਦੇਵਗੁਰੂ ਬ੍ਰਹਿਸਪਤੀ- ਜੋਤਿਸ਼ ਸ਼ਾਸਤਰ ਅਨੁਸਾਰ, ਦੇਵਗੁਰੂ ਬ੍ਰਹਸਪਤੀ ਗਿਆਨ, ਆਰਥਿਕ ਵਾਧੇ ਤੇ ਪਦਉੱਨਤੀ ਦੇ ਕਾਰਕ ਹਨ। ਇਸ ਲਈ ਨੌਕਰੀ 'ਚ ਸਫ਼ਲਤਾ ਪਾਉਣ ਲਈ ਦੇਵਗੁਰੂ ਬ੍ਰਹਸਪਤੀ ਨੂੰ ਜ਼ਰੂਰ ਪ੍ਰਸੰਨ ਕਰਨਾ ਚਾਹੀਦਾ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਦੇਵਗੁਰੂ ਬ੍ਰਹਿਸਪਤੀ ਦੇ ਆਸ਼ੀਰਵਾਦ ਨਾਲ ਜਾਤਕ ਨੂੰ ਮਾਨ-ਸਨਮਾਨ ਦੇ ਨਾਲ-साथ ਪ੍ਰਮੋਸ਼ਨ ਵੀ ਮਿਲਦੀ ਹੈ।

• ਵੀਰਵਾਰ ਦੇ ਦਿਨ ਪੀਲੇ ਕੱਪੜੇ ਪਹਿਨਣੇ ਚਾਹੀਦੇ ਹਨ।
• ਵਿਧੀ-ਵਿਧਾਨ ਨਾਲ ਭਗਵਾਨ ਵਿਸ਼ਨੂੰ ਦੀ ਪੂਜਾ ਕਰੋ।
• ਪੀਲੇ ਫਲਾਂ ਦਾ ਭੋਗ ਲਗਾਓ।