ਰਾਹੂ ਦਾ ਧਨਿਸ਼ਠਾ ਨਕਸ਼ੱਤਰ 'ਚ ਮਹਾਗੋਚਰ: ਇਨ੍ਹਾਂ ਰਾਸ਼ੀਆਂ ਦੇ ਖੁੱਲ੍ਹਣਗੇ ਜਾਇਦਾਦ ਦੇ ਨਵੇਂ ਰਸਤੇ, ਪੜ੍ਹੋ ਐਸਟ੍ਰੋਲੌਜਰ ਦੀ ਸਲਾਹ

ਚੰਦਰੇਸ਼ ਸ਼ਰਮਾ, ਐਸਟ੍ਰੋਪੱਤਰੀ : 30 ਜੂਨ ਨੂੰ ਰਾਹੂ ਧਨਿਸ਼ਠਾ ਨਕਸ਼ੱਤਰ 'ਚ ਗੋਚਰ ਕਰਨਗੇ। ਇਸ ਗੋਚਰ ਦਾ ਪ੍ਰਭਾਵ ਸਾਰੀਆਂ ਰਾਸ਼ੀਆਂ 'ਤੇ ਪਵੇਗਾ। ਗੋਚਰ ਨਾਲ ਜਾਇਦਾਦ 'ਚ ਵਾਧੇ ਦੇ ਚੰਗੇ ਯੋਗ ਬਣ ਸਕਦੇ ਹਨ, ਜਿਸ ਨਾਲ ਜਾਤਕਾਂ ਦਾ ਮਨ ਬਹੁਤ ਪ੍ਰਸੰਨ ਰਹੇਗਾ। ਸਾਹਸ ਅਤੇ ਆਤਮਵਿਸ਼ਵਾਸ 'ਚ ਬਹੁਤ ਵਾਧਾ ਦੇਖਣ ਨੂੰ ਮਿਲੇਗਾ। ਝਗੜਿਆਂ ਤੋਂ ਦੂਰ ਰਹੋ। ਆਓ, ਵਿਸਤਾਰ ਨਾਲ ਜਾਣਦੇ ਹਾਂ ਕਿ ਰਾਹੂ ਦਾ ਇਹ ਪਰਿਵਰਤਨ ਤੁਲਾ ਤੋਂ ਮੀਨ ਰਾਸ਼ੀ ਦੇ ਜਾਤਕਾਂ ਲਈ ਕੀ ਸੁਧਾਰ ਦੇ ਸੰਕੇਤ ਲੈ ਕੇ ਆ ਰਿਹਾ ਹੈ।

1. ਤੁਲਾ ਰਾਸ਼ੀ (Libra)

ਰਾਹੂ ਤੁਹਾਡੇ ਪੰਜਵੇਂ ਭਾਵ 'ਚ ਸਥਿਤ ਰਹੇਗਾ। ਇਸ ਸਮੇਂ ਤੁਹਾਨੂੰ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ 'ਤੇ ਬਹੁਤ ਵਿਸ਼ੇਸ਼ ਧਿਆਨ ਦੇਣ ਦੀ ਲੋੜ ਹੋਵੇਗੀ। ਸਰੀਰ ਦੇ ਅੰਦਰੂਨੀ ਅੰਗਾਂ, ਜਿਵੇਂ ਕਿ ਕਿਡਨੀ ਤੇ ਲਿਵਰ ਦੀ ਸਿਹਤ ਤੇ ਸਫ਼ਾਈ ਪ੍ਰਤੀ ਪੂਰੀ ਤਰ੍ਹਾਂ ਸੁਚੇਤ ਰਹੋ। ਜ਼ਮੀਨ ਜਾਇਦਾਦ ਅਤੇ ਸੰਪਤੀ 'ਚ ਵਾਧੇ ਦੇ ਚੰਗੇ ਯੋਗ ਵੀ ਇਸ ਸਮੇਂ ਦੌਰਾਨ ਬਣ ਸਕਦੇ ਹਨ।

ਉਪਾਅ: ਬੱਚਿਆਂ 'ਤੇ ਬੇਵਜ੍ਹਾ ਗੁੱਸਾ ਕਰਨ ਤੋਂ ਬਚੋ, ਨਹੀਂ ਤਾਂ ਉਨ੍ਹਾਂ ਨਾਲ ਤੁਹਾਡੇ ਸਬੰਧ ਖ਼ਰਾਬ ਹੋ ਸਕਦੇ ਹਨ।

2. ਬ੍ਰਿਸ਼ਚਕ ਰਾਸ਼ੀ (Scorpio)

ਰਾਹੂ ਤੁਹਾਡੀ ਰਾਸ਼ੀ ਤੋਂ ਚੌਥੇ ਭਾਵ ਨੂੰ ਪ੍ਰਭਾਵਿਤ ਕਰਨਗੇ। ਇਸ ਕਾਰਨ ਘਰ ਦੇ ਮਾਹੌਲ 'ਚ ਥੋੜ੍ਹਾ ਕਲੇਸ਼ ਜਾਂ ਅਸ਼ਾਂਤੀ ਦਾ ਅਨੁਭਵ ਹੋ ਸਕਦਾ ਹੈ। ਤੁਹਾਡੀ ਨੀਂਦ 'ਚ ਵਾਰ-ਵਾਰ ਰੁਕਾਵਟ ਆ ਸਕਦੀ ਹੈ ਅਤੇ ਤੁਸੀਂ ਬੀਤੀਆਂ ਹੋਈਆਂ ਪੁਰਾਣੀਆਂ ਗੱਲਾਂ ਨੂੰ ਸੋਚ ਕੇ ਪਰੇਸ਼ਾਨ ਹੋ ਸਕਦੇ ਹੋ। ਵਾਹਨ ਚਲਾਉਂਦੇ ਸਮੇਂ ਬਹੁਤ ਸਾਵਧਾਨੀ ਰੱਖੋ। ਘਰ ਦੀਆਂ ਦੀਵਾਰਾਂ 'ਚ ਤਰੇੜਾਂ ਆਉਣ ਜਾਂ ਘਰੋਂ ਅਚਾਨਕ ਕੋਈ ਚੀਜ਼ ਗਾਇਬ ਹੋਣ ਵਰਗੀਆਂ ਸਥਿਤੀਆਂ ਵੀ ਬਣ ਸਕਦੀਆਂ ਹਨ।

ਉਪਾਅ: ਰਾਤ ਨੂੰ ਸੌਂਦੇ ਸਮੇਂ ਮਨ ਨੂੰ ਪੂਰੀ ਤਰ੍ਹਾਂ ਸ਼ਾਂਤ ਰੱਖਣ ਦਾ ਯਤਨ ਕਰੋ।

3. ਧਨੁ ਰਾਸ਼ੀ (Sagittarius)

ਰਾਹੂ ਤੁਹਾਡੀ ਰਾਸ਼ੀ ਤੋਂ ਪਰਾਕ੍ਰਮ ਭਾਵ 'ਚ ਸੰਚਾਰ ਕਰ ਰਿਹਾ ਹੈ ਜਿਸ ਨਾਲ ਤੁਹਾਡੇ ਸਾਹਸ ਤੇ ਆਤਮਵਿਸ਼ਵਾਸ 'ਚ ਬਹੁਤ ਵਧੀਆ ਵਾਧਾ ਹੋਵੇਗਾ। ਤੁਸੀਂ ਵੱਡੇ ਤੋਂ ਵੱਡੇ ਅਤੇ ਕਠਿਨ ਕਾਰਜਾਂ ਨੂੰ ਵੀ ਬਹੁਤ ਹੀ ਆਸਾਨੀ ਨਾਲ ਪੂਰਾ ਕਰਨ 'ਚ ਸਫਲ ਰਹੋਗੇ। ਸਮਾਜ ਵਿੱਚ ਲੋਕ ਤੁਹਾਨੂੰ ਥੋੜ੍ਹਾ ਚਿੜਚਿੜਾ ਜਾਂ ਝਗੜਾਲੂ ਸਮਝ ਸਕਦੇ ਹਨ, ਇਸ ਲਈ ਆਪਣੀ ਸਾਖ ਨੂੰ ਲੈ ਕੇ ਸਾਵਧਾਨ ਰਹੋ।

ਉਪਾਅ: ਆਪਣੇ ਭੈਣ-ਭਰਾਵਾਂ ਅਤੇ ਜੀਵਨਸਾਥੀ ਨਾਲ ਆਪਸੀ ਸਬੰਧਾਂ ਨੂੰ ਬਹੁਤ ਸੰਭਾਲ ਕੇ ਰੱਖੋ।

4. ਮਕਰ ਰਾਸ਼ੀ (Capricorn)

ਰਾਹੂ ਤੁਹਾਡੀ ਰਾਸ਼ੀ ਤੋਂ ਧਨ, ਪਰਿਵਾਰ ਤੇ ਬਾਣੀ ਦੇ ਭਾਵ 'ਚ ਗੋਚਰ ਕਰ ਰਿਹਾ ਹੈ। ਇਸ ਦੇ ਪ੍ਰਭਾਵ ਨਾਲ ਤੁਹਾਡੇ ਅੰਦਰ ਆਪਣੀਆਂ ਚੀਜ਼ਾਂ ਨੂੰ ਬਹੁਤ ਗੁਪਤ ਰੱਖਣ ਅਤੇ ਧਨ ਤੇ ਸੋਨੇ-ਚਾਂਦੀ ਨੂੰ ਬਚਾ ਕੇ ਰੱਖਣ ਦੀ ਪ੍ਰਵਿਰਤੀ ਬਹੁਤ ਵਧ ਜਾਵੇਗੀ। ਤੁਸੀਂ ਆਪਣੇ ਪਰਿਵਾਰ ਦੇ ਲੋਕਾਂ 'ਤੇ ਬਹੁਤ ਜ਼ਿਆਦਾ ਹਾਵੀ ਹੋਣ ਦੀ ਕੋਸ਼ਿਸ਼ ਕਰ ਸਕਦੇ ਹੋ। ਚਿਹਰੇ, ਅੱਖ, ਨੱਕ ਜਾਂ ਕੰਨ ਵਿਚ ਕੋਈ ਸੱਟ ਲੱਗਣ ਜਾਂ ਸਰਜਰੀ ਹੋਣ ਦੀ ਸਥਿਤੀ ਬਣ ਸਕਦੀ ਹੈ।

ਉਪਾਅ: ਗੱਲਬਾਤ ਕਰਦੇ ਸਮੇਂ ਆਪਣੇ ਸ਼ਬਦਾਂ ਅਤੇ ਆਪਣੀ ਭਾਸ਼ਾ ਸ਼ੈਲੀ 'ਤੇ ਵਿਸ਼ੇਸ਼ ਧਿਆਨ ਦਿਓ।

5. ਕੁੰਭ ਰਾਸ਼ੀ (Aquarius)

ਰਾਹੁ ਤੁਹਾਡੀ ਹੀ ਰਾਸ਼ੀ ਦੇ ਲਗਨ ਭਾਵ 'ਚ ਗੋਚਰ ਕਰ ਰਿਹਾ ਹੈ। ਇਸ ਕਾਰਨ ਤੁਹਾਡੇ ਰੂਪ-ਰੰਗ, ਵਾਲਾਂ ਅਤੇ ਤੁਹਾਡੇ ਪੂਰੇ ਸੁਭਾਅ 'ਚ ਕਾਫ਼ੀ ਵੱਡਾ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਜਿਹੜੇ ਲੋਕ ਪੁਲਿਸ ਜਾਂ ਦੇਸ਼ ਦੀ ਸੁਰੱਖਿਆ ਸੇਵਾ ਨਾਲ ਜੁੜੇ ਹੋਏ ਹਨ, ਉਹ ਇਸ ਸਮੇਂ ਦੌਰਾਨ ਕੰਮ ਨੂੰ ਲੈ ਕੇ ਬਹੁਤ ਜ਼ਿਆਦਾ ਰੁੱਝੇ ਰਹਿਣਗੇ।

ਉਪਾਅ: ਜੇਕਰ ਤੁਸੀਂ ਖੇਡਾਂ ਜਾਂ ਕਸਰਤ ਦੇ ਸ਼ੌਕੀਨ ਹੋ ਤਾਂ ਆਪਣੀ ਸਮਰੱਥਾ ਨਾਲੋਂ ਵੱਧ ਜ਼ੋਰ ਨਾ ਲਗਾਓ, ਨਹੀਂ ਤਾਂ ਸੱਟ ਲੱਗਣ ਦੀ ਸਥਿਤੀ ਬਣ ਸਕਦੀ ਹੈ।

6. ਮੀਨ ਰਾਸ਼ੀ (Pisces)

ਰਾਹੂ ਤੁਹਾਡੀ ਰਾਸ਼ੀ ਤੋਂ 12ਵੇਂ ਭਾਵ 'ਚ ਸੰਚਾਰ ਕਰ ਰਿਹਾ ਹੈ ਜਿਸ ਨਾਲ ਤੁਹਾਡੇ ਅਣਚਾਹੇ ਖਰਚਿਆਂ ਵਿਚ ਬਹੁਤ ਜ਼ਿਆਦਾ ਵਾਧਾ ਹੋ ਸਕਦਾ ਹੈ। ਕਿਸੇ ਵੀ ਤਰ੍ਹਾਂ ਦੇ ਵਾਦ-ਵਿਵਾਦ ਜਾਂ ਝਗੜੇ ਤੋਂ ਆਪਣੇ ਆਪ ਨੂੰ ਪੂਰੀ ਤਰ੍ਹਾਂ ਦੂਰ ਰੱਖੋ, ਨਹੀਂ ਤਾਂ ਕਾਨੂੰਨੀ ਮਾਮਲਿਆਂ ਜਾਂ ਕੋਰਟ-ਕਚਹਿਰੀ ਦੇ ਚੱਕਰਾਂ 'ਚ ਫਸਣ ਦੀ ਸਥਿਤੀ ਬਣ ਸਕਦੀ ਹੈ। ਵਿਦੇਸ਼ ਜਾਣ ਦੇ ਨਾਮ 'ਤੇ ਕਿਸੇ ਵੀ ਅਣਜਾਣ ਵਿਚੋਲੇ ਜਾਂ ਦਲਾਲ ਦੇ ਝਾਂਸੇ ਵਿਚ ਆਉਣ ਤੋਂ ਬਚੋ, ਨੁਕਸਾਨ ਹੋ ਸਕਦਾ ਹੈ।

ਉਪਾਅ: ਆਪਣੇ ਘਰ 'ਚ ਬੈਠ ਕੇ ਨਿਯਮਤ ਰੂਪ 'ਚ ਪਰਮਾਤਮਾਦੀ ਪੂਜਾ-ਪਾਠ ਕਰੋ ਅਤੇ ਇਸ ਸਮੇਂ ਲੰਬੀਆਂ ਤੀਰਥ ਯਾਤਰਾਵਾਂ 'ਤੇ ਜਾਣ ਤੋਂ ਬਚੋ।