30 ਜੂਨ ਨੂੰ ਧਨਿਸ਼ਠਾ ਨਕਸ਼ੱਤਰ 'ਚ ਆ ਰਹੇ ਹਨ ਰਾਹੂ, ਇਨ੍ਹਾਂ ਰਾਸ਼ੀਆਂ ਦਾ ਸ਼ੁਰੂ ਹੋਵੇਗਾ Golden Time

ਚੰਦਰੇਸ਼ ਸ਼ਰਮਾ, ਐਸਟ੍ਰੋਪੱਤਰੀ : ਰਾਹੂ ਗ੍ਰਹਿ ਦਾ ਧਨਿਸ਼ਠਾ ਨਕਸ਼ੱਤਰ 'ਚ ਹੋਣ ਵਾਲਾ ਇਹ ਗੋਚਰ ਸਾਰੀਆਂ ਰਾਸ਼ੀਆਂ ਦੇ ਜੀਵਨ ਵਿਚ ਕਈ ਮਹੱਤਵਪੂਰਨ ਬਦਲਾਅ ਲਿਆਉਣ ਵਾਲਾ ਹੈ। ਇਸ ਦਾ ਸਿੱਧਾ ਅਸਰ ਹਰ ਰਾਸ਼ੀ ਦੇ ਸਿਹਤ, ਨੌਕਰੀ, ਧਨ, ਪਰਿਵਾਰ ਅਤੇ ਆਪਸੀ ਸਬੰਧਾਂ 'ਤੇ ਦਿਖਾਈ ਦੇਵੇਗਾ। ਜਿੱਥੇ ਕੁਝ ਰਾਸ਼ੀਆਂ ਲਈ ਇਹ ਸਮਾਂ ਕਾਰਜਖੇਤਰ 'ਚ ਤਰੱਕੀ ਅਤੇ ਵਿਰੋਧੀਆਂ 'ਤੇ ਜਿੱਤ ਪਾਉਣ ਦਾ ਮੌਕਾ ਲਿਆਵੇਗਾ, ਉੱਥੇ ਹੀ ਕੁਝ ਰਾਸ਼ੀਆਂ ਨੂੰ ਆਪਣੇ ਫੈਸਲਿਆਂ, ਕੰਮਕਾਜ ਅਤੇ ਧਨ ਦੇ ਮਾਮਲਿਆਂ 'ਚ ਸਾਵਧਾਨੀ ਰੱਖਣੀ ਹੋਵੇਗੀ। 30 ਜੂਨ ਨੂੰ ਰਾਹੁ ਧਨਿਸ਼ਠਾ ਨਕਸ਼ੱਤਰ 'ਚ ਗੋਚਰ ਕਰਨਗੇ। ਅਜਿਹੇ ਵਿਚ ਆਓ ਜਾਣਦੇ ਹਾਂ ਕਿ ਰਾਹੁ ਧਨਿਸ਼ਠਾ ਗੋਚਰ ਨਾਲ ਕਿਸ ਰਾਸ਼ੀ ਦੀ ਕਿਸਮਤ ਚਮਕੇਗੀ।

1. ਮੇਸ਼ ਰਾਸ਼ੀ (Aries)

ਰਾਹੁ ਤੁਹਾਡੀ ਰਾਸ਼ੀ ਤੋਂ ਲਾਭ ਦੇ ਸਥਾਨ 'ਚ ਆ ਰਿਹਾ ਹੈ। ਇਸ ਦੇ ਪ੍ਰਭਾਵ ਨਾਲ ਤੁਹਾਡੇ ਮਨ ਵਿਚ ਵੀ ਧਨ, ਸੋਨੇ-ਚਾਂਦੀ ਤੇ ਪੈਸਿਆਂ ਨੂੰ ਬਚਾਅ ਕੇ ਰੱਖਣ ਦੀ ਇੱਛਾ ਬਹੁਤ ਤੇਜ਼ ਹੋ ਜਾਵੇਗੀ, ਪਰ ਛਾਇਆ ਗ੍ਰਹਿ ਹੋਣ ਕਾਰਨ ਇਸ ਇਕੱਠੇ ਕੀਤੇ ਧਨ ਦਾ ਕੋਈ ਖ਼ਾਸ ਲਾਭ ਤੁਹਾਨੂੰ ਨਹੀਂ ਮਿਲ ਸਕੇਗਾ। ਤੁਹਾਨੂੰ ਆਪਣੀ ਸਿਹਤ ਨੂੰ ਲੈ ਕੇ ਬਹੁਤ ਸਾਵਧਾਨ ਰਹਿਣਾ ਹੋਵੇਗਾ, ਕਿਉਂਕਿ ਕੋਈ ਸੱਟ ਲੱਗਣ ਜਾਂ ਕਿਸੇ ਸਰਜਰੀ ਦੀ ਸਥਿਤੀ ਬਣ ਸਕਦੀ ਹੈ। ਘਰ ਦੇ ਅੰਦਰ ਦਾ ਮਾਹੌਲ ਵੀ ਥੋੜ੍ਹਾ ਅਸ਼ਾਂਤ ਰਹਿ ਸਕਦਾ ਹੈ।

ਉਪਾਅ: ਆਪਣੀ ਸਿਹਤ 'ਤੇ ਪੂਰਾ ਧਿਆਨ ਦਿਓ ਅਤੇ ਘਰ ਦੇ ਲੋਕਾਂ ਨਾਲ ਗੱਲਬਾਤ 'ਚ ਧੀਰਜ ਰੱਖੋ।

2. ਬ੍ਰਿਖ ਰਾਸ਼ੀ (Taurus)

ਰਾਹੂ ਤੁਹਾਡੀ ਰਾਸ਼ੀ ਦੇ ਕਰਮ ਸਥਾਨ 'ਚ ਪ੍ਰਵੇਸ਼ ਕਰ ਰਿਹਾ ਹੈ ਜਿਸ ਨਾਲ ਤੁਹਾਡੀ ਨੌਕਰੀ ਅਤੇ ਕੰਮਕਾਜ 'ਤੇ ਸਿੱਧਾ ਅਸਰ ਪਵੇਗਾ। ਤੁਹਾਨੂੰ ਅਚਾਨਕ ਕੁਝ ਅਜਿਹੇ ਵੱਡੇ ਫੈਸਲੇ ਲੈਣੇ ਪੈ ਸਕਦੇ ਹਨ ਜੋ ਤੁਹਾਨੂੰ ਆਪਣੀ ਨੌਕਰੀ ਜਾਂ ਕੰਮ ਬਦਲਣ 'ਤੇ ਮਜਬੂਰ ਕਰ ਦੇਣ। ਤੁਸੀਂ ਕਿਸੇ ਬਿਲਕੁਲ ਨਵੇਂ ਖੇਤਰ 'ਚ ਕਦਮ ਰੱਖਣ ਦੀ ਯੋਜਨਾ ਵੀ ਬਣਾ ਸਕਦੇ ਹੋ। ਸਰਕਾਰੀ ਨਿਯਮਾਂ ਖ਼ਿਲਾਫ਼ ਜਾ ਕੇ ਕੋਈ ਵੀ ਕੰਮ ਨਾ ਕਰੋ, ਨਹੀਂ ਤਾਂ ਵੱਡੀ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਉਪਾਅ: ਆਪਣੇ ਮਾਤਾ-ਪੀਤਾ ਦੀ ਸਿਹਤ ਦਾ ਪੂਰਾ ਖਿਆਲ ਰੱਖੋ।

3. ਮਿਥੁਨ ਰਾਸ਼ੀ (Gemini)

ਰਾਹੂ ਤੁਹਾਡੇ ਧਰਮ ਤੇ ਕਿਸਮਤ ਦੇ ਭਾਵ ਵਿੱਚ ਗੋਚਰ ਕਰ ਰਿਹਾ ਹੈ। ਇਸ ਕਾਰਨ ਤੁਹਾਡੀ ਕਿਸਮਤ 'ਚ ਉਮੀਦ ਤੋਂ ਬਿਲਕੁਲ ਉਲਟ ਅਚਾਨਕ ਕੁਝ ਵੱਡੇ ਬਦਲਾਅ ਆ ਸਕਦੇ ਹਨ। ਤੁਹਾਨੂੰ ਆਪਣੀ ਮੌਜੂਦਾ ਜਗ੍ਹਾ ਨੂੰ ਛੱਡ ਕੇ ਕਿਸੇ ਦੂਜੀ ਅਣਜਾਣ ਜਗ੍ਹਾ 'ਤੇ ਜਾਣ ਲਈ ਮਜਬੂਰ ਹੋਣਾ ਪੈ ਸਕਦਾ ਹੈ। ਸਫ਼ਰ ਦੌਰਾਨ ਵਿਸ਼ੇਸ਼ ਸਾਵਧਾਨੀ ਵਰਤੋ ਕਿਉਂਕਿ ਸਫ਼ਰ 'ਚ ਕਸ਼ਟ ਜਾਂ ਕਿਸੇ ਦੁਰਘਟਨਾ ਦੀ ਸਥਿਤੀ ਬਣ ਸਕਦੀ ਹੈ।

ਉਪਾਅ: ਘਰ ਦੇ ਬਜ਼ੁਰਗਾਂ ਤੇ ਆਪਣੇ ਪਿਤਾ ਦੀ ਸਿਹਤ ਦਾ ਪੂਰਾ ਧਿਆਨ ਰੱਖੋ।

4. ਕਰਕ ਰਾਸ਼ੀ (Cancer)

ਰਾਹੂ ਤੁਹਾਡੀ ਰਾਸ਼ੀ ਤੋਂ ਅੱਠਵੇਂ ਭਾਵ ਨੂੰ ਪ੍ਰਭਾਵਿਤ ਕਰੇਗਾ। ਇਸ ਸਮੇਂ ਤੁਹਾਡੇ ਸਹੁਰੇ ਪੱਖ ਜਾਂ ਜੀਵਨਸਾਥੀ ਦੇ ਰਿਸ਼ਤੇਦਾਰਾਂ ਦੇ ਇੱਥੇ ਕੋਈ ਅਣਸੁਖਾਵੀਂ ਘਟਨਾ ਜਾਂ ਦੁਰਘਟਨਾ ਹੋ ਸਕਦੀ है। ਜ਼ਮੀਨ-ਜਾਇਦਾਦ ਨਾਲ ਜੁੜੇ ਪੁਰਾਣੇ ਵਿਵਾਦ ਫਿਰ ਤੋਂ ਸਾਹਮਣੇ ਆ ਸਕਦੇ ਹਨ ਜਾਂ ਤੁਸੀਂ ਕਿਸੇ ਨਵੀਂ ਜ਼ਮੀਨ ਦਾ ਸੌਦਾ ਕਰ ਸਕਦੇ ਹੋ। ਮਨ ਦੇ ਅੰਦਰ ਕਿਸੇ ਗੱਲ ਨੂੰ ਲੈ ਕੇ ਲਗਾਤਾਰ ਇਕ ਅਣਜਾਣ ਜਿਹਾ ਸ਼ੱਕ ਜਾਂ ਡਰ ਬਣਿਆ ਰਹਿ ਸਕਦਾ ਹੈ।

ਉਪਾਅ: ਕਿਸੇ ਵੀ ਕਾਗਜ਼ 'ਤੇ ਦਸਤਖਤ ਕਰਨ ਤੋਂ ਪਹਿਲਾਂ ਉਸ ਨੂੰ ਚੰਗੀ ਤਰ੍ਹਾਂ ਜ਼ਰੂਰ ਪੜ੍ਹ ਲਵੋ।

5. ਸਿੰਘ ਰਾਸ਼ੀ (Leo)

ਰਾਹੂ ਤੁਹਾਡੇ ਸੱਤਵੇਂ ਭਾਵ 'ਚ ਬਿਰਾਜਮਾਨ ਰਹੇਗਾ ਜਿਸ ਨਾਲ ਤੁਹਾਡੀ ਰੋਜ਼ਾਨਾ ਦੀ ਦਿਨਚਰਿਆ ਕਾਫ਼ੀ ਹੱਦ ਤਕ ਬਦਲ ਜਾਵੇਗੀ। ਤੁਸੀਂ ਸੋਚੋਗੇ ਕਿਸੇ ਹੋਰ ਕੰਮ ਬਾਰੇ ਅਤੇ ਅਚਾਨਕ ਤੁਹਾਡੇ ਸਾਹਮਣੇ ਕੋਈ ਦੂਜਾ ਜ਼ਰੂਰੀ ਕੰਮ ਆ ਕੇ ਖੜ੍ਹਾ ਹੋ ਜਾਵੇਗਾ। ਜੀਵਨਸਾਥੀ ਨਾਲ ਵੈਚਾਰਿਕ ਮਤਭੇਦ ਜਾਂ ਬਹਿਸਬਾਜ਼ੀ ਹੋਣ ਦੀ ਸਥਿਤੀ ਬਣ ਸਕਦੀ ਹੈ।

ਉਪਾਅ: ਆਪਣੇ ਗੁੱਸੇ 'ਤੇ ਪੂਰਾ ਕਾਬੂ ਰੱਖੋ ਅਤੇ ਦੂਜਿਆਂ ਦੇ ਮਾਮਲਿਆਂ 'ਚ ਬੇਕਾਰ ਦੀ ਨੁਕਤਾਚੀਨੀ ਕਰਨ ਤੋਂ ਬਚੋ।

6. ਕੰਨਿਆ ਰਾਸ਼ੀ (Virgo)

ਰਾਹੂ ਤੁਹਾਡੀ ਰਾਸ਼ੀ ਦੇ ਛੇਵੇਂ ਭਾਵ 'ਚ ਮੌਜੂਦ ਰਹੇਗਾ ਜੋ ਤੁਹਾਡੇ ਲਈ ਬਹੁਤ ਹੀ ਸ਼ਾਨਦਾਰ ਰਹਿਣ ਵਾਲਾ ਹੈ। ਇਸ ਦੇ ਪ੍ਰਭਾਵ ਨਾਲ ਤੁਹਾਨੂੰ ਆਪਣੇ ਵਿਰੋਧੀਆਂ 'ਤੇ ਪੂਰੀ ਜਿੱਤ ਮਿਲੇਗੀ ਤੇ ਕੋਰਟ-ਕਚਹਿਰੀ 'ਚ ਚੱਲ ਰਹੇ ਪੁਰਾਣੇ ਮਾਮਲੇ ਤੁਹਾਡੇ ਪੱਖ 'ਚ ਸੁਲਝ ਜਾਣਗੇ। ਨੌਕਰੀ 'ਚ ਤਰੱਕੀ ਦੇ ਬਹੁਤ ਹੀ ਸੁੰਦਰ ਮੌਕੇ ਮਿਲਣਗੇ। ਬੱਸ ਇਸ ਗੱਲ ਦਾ ਧਿਆਨ ਰੱਖਣਾ ਹੋਵੇਗਾ ਕਿ ਕਿਸੇ ਵੀ ਕੰਮ ਵਿਚ ਬਹੁਤ ਜ਼ਿਆਦਾ ਜਲਦਬਾਜ਼ੀ ਨਾ ਦਿਖਾਓ।

ਉਪਾਅ: ਆਪਣੇ ਗੁੱਸੇ 'ਤੇ ਕਾਬੂ ਰੱਖੋ, ਨਹੀਂ ਤਾਂ ਛੋਟਾ ਜਿਹਾ ਝਗੜਾ ਵੱਡਾ ਰੂਪ ਲੈ ਸਕਦਾ ਹੈ।