ਗੱਲਬਾਤ ਦੇ 'ਪ੍ਰੋ' ਅਤੇ ਫਲਰਟਿੰਗ ਦੇ ਮਾਮਲੇ 'ਚ ਸਭ ਤੋਂ ਅੱਗੇ ਹੁੰਦੇ ਹਨ ਇਨ੍ਹਾਂ ਮੁਲਾਂਕ ਦੇ ਲੋਕ

ਧਰਮ ਡੈਸਕ, ਨਵੀਂ ਦਿੱਲੀ : ਸਾਡੇ ਫ੍ਰੈਂਡ ਸਰਕਲ 'ਚ ਕੁਝ ਅਜਿਹੇ ਵੀ ਲੋਕ ਹੁੰਦੇ ਹਨ ਜੋ ਬੜੀ ਆਸਾਨੀ ਨਾਲ ਕਿਸੇ ਦਾ ਵੀ ਧਿਆਨ ਆਪਣੇ ਵੱਲ ਖਿੱਚ ਲੈਂਦੇ ਹਨ। ਉਨ੍ਹਾਂ ਦੇ ਗੱਲ ਕਰਨ ਦਾ ਤਰੀਕਾ, ਅੰਦਾਜ਼ ਤੇ ਲੋਕਾਂ ਨਾਲ ਜੁੜਨ ਦੀ ਕਾਬਲੀਅਤ ਉਨ੍ਹਾਂ ਨੂੰ ਭੀੜ ਤੋਂ ਵੱਖਰਾ ਬਣਾਉਂਦੀ ਹੈ। ਅੰਕ ਸ਼ਾਸਤਰ (Numerology) 'ਚ ਇਸਨੂੰ ਵਿਅਕਤੀ ਦੇ ਮੁਲਾਂਕ ਤੇ ਉਸ 'ਤੇ ਪ੍ਰਭਾਵ ਪਾਉਣ ਵਾਲੇ ਗ੍ਰਹਿਆਂ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਹਾਲਾਂਕਿ ਫਲਰਟ ਕਰਨਾ ਉਸਦੇ ਚਰਿੱਤਰ ਦੀ ਖ਼ਰਾਬ ਆਦਤ ਨਹੀਂ ਬਲਕਿ ਉਸਦੀ ਸਮਾਜਿਕਤਾ, ਲੋਕਾਂ ਨਾਲ ਜੁੜਨ ਦੇ ਹੁਨਰ ਅਤੇ ਗੱਲਬਾਤ ਕਰਨ ਦੇ ਤਰੀਕੇ ਦਾ ਹਿੱਸਾ ਹੋ ਸਕਦੀ ਹੈ।

ਅੰਕ ਸ਼ਾਸਤਰ ਮੁਤਾਬਕ ਕੁਝ ਮੁਲਾਂਕ ਦੇ ਜਾਤਕ ਅਜਿਹੇ ਵੀ ਹੁੰਦੇ ਹਨ ਜੋ ਸੁਭਾਅ ਤੋਂ ਕਾਫ਼ੀ ਜ਼ਿਆਦਾ ਮਿਲਣਸਾਰ, ਰੋਮਾਂਟਿਕ ਤੇ ਲੋਕਾਂ ਨੂੰ ਪ੍ਰਭਾਵਿਤ ਕਰਨ ਦਾ ਦਮ ਰੱਖਦੇ ਹਨ। ਆਓ ਜਾਣਦੇ ਹਾਂ ਕਿਹੜੇ ਹਨ ਉਹ ਮੁਲਾਂਕ ਜੋ ਕਾਫ਼ੀ ਫਲਰਟ ਕਰਦੇ ਹਨ।

ਮੁਲਾਂਕ 5 ਫਲਰਟਿੰਗ ਦੇ ਮਾਮਲੇ 'ਚ ਸਭ ਤੋਂ ਤੇਜ਼

ਜਿਨ੍ਹਾਂ ਵੀ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ ਦੀ 5, 14 ਜਾਂ 23 ਤਰੀਕ ਨੂੰ ਹੋਇਆ, ਉਨ੍ਹਾਂ ਦਾ ਮੁਲਾਂਕ 5 ਹੁੰਦਾ ਹੈ। ਅੰਕ ਸ਼ਾਸਤਰ 'ਚ ਇਸ ਮੁਲਾਂਕ ਦਾ ਸੁਆਮੀ ਬੁੱਧ ਗ੍ਰਹਿ ਨੂੰ ਮੰਨਿਆ ਜਾਂਦਾ ਹੈ, ਜੋ ਬੁੱਧੀ, ਬਾਣੀ, ਸੰਚਾਰ, ਹੁਨਰ ਤੇ ਚਤੁਰਾਈ ਦਾ ਕਾਰਕ ਹੈ।

ਮੁਲਾਂਕ 5 ਦੇ ਜਾਤਕ ਗੱਲਬਾਤ ਕਰਨ 'ਚ ਕਾਫ਼ੀ ਪ੍ਰੋ ਹੁੰਦੇ ਹਨ। ਇਹ ਕਿਸੇ ਵੀ ਇਨਸਾਨ ਦੇ ਨਾਲ ਕੁਝ ਪਲ ਦੀ ਗੱਲਬਾਤ ਵਿੱਚ ਚੰਗੀ ਧਾਕ ਜਮਾ ਲੈਂਦੇ ਹਨ। ਇਨ੍ਹਾਂ ਨੂੰ ਨਵੀਆਂ-ਨਵੀਆਂ ਚੀਜ਼ਾਂ ਨੂੰ ਐਕਸਪਲੋਰ ਕਰਨਾ ਚੰਗਾ ਲੱਗਦਾ ਹੈ। ਇਸੇ ਕਰਕੇ ਕਈ ਵਾਰ ਉਨ੍ਹਾਂ ਦਾ ਦੋਸਤਾਨਾ ਵਿਵਹਾਰ ਲੋਕਾਂ ਨੂੰ ਫਲਰਟਿੰਗ ਵਰਗਾ ਲੱਗ ਸਕਦਾ ਹੈ। ਇਸ ਅੰਕ ਦੇ ਜਾਤਕ ਸੁਭਾਅ ਤੋਂ ਕਾਫ਼ੀ ਚੰਚਲ ਤੇ ਆਕਰਸ਼ਕ ਹੁੰਦੇ ਹਨ।

ਮੁਲਾਂਕ 6 ਕਿਸੇ ਨੂੰ ਵੀ ਆਕਰਸ਼ਿਤ ਕਰਨ 'ਚ ਮਾਹਿਰ

ਜਿਨ੍ਹਾਂ ਵੀ ਲੋਕਾਂ ਦਾ ਜਨਮ ਕਿਸੇ ਵੀ ਮਹੀਨੇ 6, 15 ਜਾਂ 24 ਤਰੀਕ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 6 ਹੁੰਦਾ ਹੈ। ਇਸ ਮੁਲਾਂਕ ਦਾ ਸੁਆਮੀ ਸ਼ੁੱਕਰ ਗ੍ਰਹਿ ਨੂੰ ਮੰਨਿਆ ਜਾਂਦਾ ਹੈ, ਜਿਨ੍ਹਾਂ ਦਾ ਸਬੰਧ ਪਿਆਰ, ਸੁੰਦਰਤਾ, ਕਲਾ ਅਤੇ ਰੋਮਾਂਸ ਨਾਲ ਹੈ।

ਮੁਲਾਂਕ 6 ਦੇ ਲੋਕ ਸੁਭਾਅ ਤੋਂ ਕਾਫ਼ੀ ਆਕਰਸ਼ਕ ਅਤੇ ਰੋਮਾਂਟਿਕ ਕਿਸਮ ਦੇ ਹੁੰਦੇ ਹਨ। ਇਨ੍ਹਾਂ ਨੂੰ ਆਪਣੇ ਆਪ ਨੂੰ ਅੱਛਾ ਦਿਖਾਉਣਾ, ਲੋਕਾਂ ਦੇ ਵਿਚਕਾਰ ਰਹਿਣਾ ਅਤੇ ਰਿਸ਼ਤਿਆਂ ਨੂੰ ਬਿਹਤਰ ਕਰਨਾ ਪਸੰਦ ਹੈ। ਇਨ੍ਹਾਂ ਦੀ ਸ਼ਖ਼ਸੀਅਤ ਇੰਨੀ ਚਮਕਦਾਰ ਹੁੰਦੀ ਹੈ ਕਿ ਹਰ ਕੋਈ ਇਨ੍ਹਾਂ ਨਾਲ ਗੱਲ ਕਰਨਾ ਪਸੰਦ ਕਰਦਾ ਹੈ। ਇਹੀ ਕਾਰਨ ਹੈ ਕਿ, ਫਲਰਟਿੰਗ ਦੇ ਮਾਮਲੇ ਵਿੱਚ ਇਨ੍ਹਾਂ ਦਾ ਕੋਈ ਜਵਾਬ ਨਹੀਂ ਹੈ।

ਮੁਲਾਂਕ 3 ਦਿਲ ਜਿੱਤਣ ਵਿਚ ਮਾਹਿਰ

ਜਿਨ੍ਹਾਂ ਵੀ ਲੋਕਾਂ ਦਾ ਮੁਲਾਂਕ 3 ਹੈ, ਉਨ੍ਹਾਂ ਦਾ ਸਬੰਧ ਗੁਰੂ ਗ੍ਰਹਿ ਨਾਲ ਹੁੰਦਾ ਹੈ। ਮੁਲਾਂਕ 3 ਦੇ ਜਾਤਕ ਸੁਭਾਅ ਤੋਂ ਕਾਫ਼ੀ ਆਤਮਵਿਸ਼ਵਾਸੀ, ਖੁਸ਼ਮਿਜ਼ਾਜ ਅਤੇ ਪ੍ਰਭਾਵਸ਼ਾਲੀ ਕਿਸਮ ਦੇ ਹੁੰਦੇ ਹਨ। ਇਨ੍ਹਾਂ ਨੂੰ ਲੋਕਾਂ ਦੇ ਵਿਚਕਾਰ ਰਹਿਣਾ ਅਤੇ ਆਪਣੀਆਂ ਗੱਲਾਂ ਨਾਲ ਮਾਹੌਲ ਬਣਾਉਣਾ ਚੰਗੀ ਤਰ੍ਹਾਂ ਆਉਂਦਾ ਹੈ।

ਇਨ੍ਹਾਂ ਦੇ ਅੰਦਰ ਲੀਡਰਸ਼ਿਪ ਦੀ ਸਮਰੱਥਾ ਹੁੰਦੀ ਹੈ, ਜੋ ਲੋਕਾਂ ਨੂੰ ਇਨ੍ਹਾਂ ਵੱਲ ਆਕਰਸ਼ਿਤ ਕਰਦੀ ਹੈ। ਕਈ ਵਾਰ ਵੱਧ ਖੁੱਲ੍ਹਾਪਨ ਅਤੇ ਦੋਸਤਾਨਾ ਸੁਭਾਅ ਫਲਰਟਿੰਗ ਦੇ ਰੂਪ ਵਿੱਚ ਦੇਖਣ ਨੂੰ ਮਿਲਦਾ ਹੈ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।