ਅੰਕ ਜੋਤਿਸ਼ : ਮਹੀਨੇ ਦੀਆਂ ਇਨ੍ਹਾਂ ਤਰੀਕਾਂ ਨੂੰ ਜਨਮੇ ਲੋਕ ਹੁੰਦੇ ਹਨ ਆਲਸੀ, ਕਿਤੇ ਤੁਹਾਡਾ ਮੁਲਾਂਕ ਵੀ ਤਾਂ ਇਹ ਨਹੀਂ ?

ਧਰਮ ਡੈਸਕ, ਨਵੀਂ ਦਿੱਲੀ : ਅੰਕ ਵਿਗਿਆਨ ਅਨੁਸਾਰ, ਕਿਸੇ ਵਿਅਕਤੀ ਦੇ ਮੁਲਾਂਕ ਦੀ ਮਦਦ ਨਾਲ ਉਸ ਦੇ ਕਰੀਅਰ ਤੇ ਸੁਭਾਅ ਨਾਲ ਸਬੰਧਤ ਜਾਣਕਾਰੀ ਪ੍ਰਾਪਤ ਕੀਤੀ ਜਾਂਦੀ ਹੈ। ਹਰੇਕ ਮੁਲਾਂਕ ਇਕ ਗ੍ਰਹਿ ਨਾਲ ਸਬੰਧਤ ਹੈ। ਗ੍ਰਹਿ ਦੀ ਊਰਜਾ ਇਹ ਨਿਰਧਾਰਤ ਕਰਦੀ ਹੈ ਕਿ ਕਿਹੜਾ ਮੁਲਾਂਕ ਕਿੰਨਾ ਆਲਸੀ ਹੈ। ਅੰਕ ਵਿਗਿਆਨ ਅਨੁਸਾਰ, ਕੁਝ ਮੁਲਾਂਕ ਅਜਿਹੇ ਹਨ ਜੋ ਆਲਸੀ ਮੰਨੇ ਜਾਂਦੇ ਹਨ। ਹੁਣ ਤੁਹਾਡੇ ਦਿਮਾਗ 'ਚ ਇਹ ਸਵਾਲ ਆ ਰਿਹਾ ਹੋਵੇਗਾ ਕਿ ਕਿਹੜੇ ਲੋਕ ਆਲਸੀ ਸਮਝੇ ਜਾਂਦੇ ਹਨ। ਅਜਿਹੇ 'ਚ ਆਓ ਅਸੀਂ ਤੁਹਾਨੂੰ ਇਸ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।

ਮੁਲਾਂਕ 2

ਜਿਨ੍ਹਾਂ ਲੋਕਾਂ ਦਾ ਜਨਮ ਮਹੀਨੇ ਦੀ 2, 11, 20, 29 ਤਾਰੀਖ ਨੂੰ ਹੋਇਆ ਸੀ, ਉਨ੍ਹਾਂ ਦਾ ਮੁਲਾਂਕ 2 ਹੁੰਦਾ ਹੈ। ਇਸ ਮੁਲਾਂਕ ਦਾ ਸੁਆਮੀ ਚੰਦਰਦੇਵ ਹੈ। ਇਸ ਮੁਲਾਂਕ ਦੇ ਲੋਕ ਸੁਭਾਅ ਤੋਂ ਬਹੁਤ ਸ਼ਾਂਤ ਹੁੰਦੇ ਹਨ। ਜੇਕਰ ਉਹ ਕੰਮ ਕਰਨ ਦੇ ਮੂਡ 'ਚ ਨਹੀਂ ਹਨ ਤਾਂ ਇਹ ਲੋਕ ਛੋਟੇ-ਮੋਟੇ ਕੰਮ ਵੀ ਟਾਲ ਦਿੰਦੇ ਹਨ। ਇਸੇ ਕਰਕੇ ਨੰਬਰ 2 ਵਾਲੇ ਲੋਕਾਂ ਨੂੰ ਆਲਸੀ ਕਿਹਾ ਜਾਂਦਾ ਹੈ। ਇਸ ਮੁਲਾਂਕ ਦੇ ਲੋਕਾਂ 'ਤੇ ਚੰਦਰਮਾ ਭਗਵਾਨ ਦਾ ਪ੍ਰਭਾਵ ਜ਼ਿਆਦਾ ਹੁੰਦਾ ਹੈ।

ਮੁਲਾਂਕ 6

ਜਿਨ੍ਹਾਂ ਲੋਕਾਂ ਦਾ ਜਨਮ ਮਹੀਨੇ ਦੀ 6, 15, 24 ਤਰੀਕ ਨੂੰ ਹੋਇਆ ਸੀ, ਉਨ੍ਹਾਂ ਦਾ ਮੁਲਾਂਕ 6 ਹੈ। ਮੁਲਾਂਕ 6 ਦਾ ਸੁਆਮੀ ਸ਼ੁੱਕਰ ਹੈ। ਇਸ ਲਈ ਇਸ ਮੁਲਾਂਕ 'ਤੇ ਸ਼ੁੱਕਰ ਦਾ ਪ੍ਰਭਾਵ ਜ਼ਿਆਦਾ ਹੈ। ਜੋਤਿਸ਼ ਸ਼ਾਸਤਰ ਅਨੁਸਾਰ ਸ਼ੁੱਕਰ ਗ੍ਰਹਿ ਨੂੰ ਲਗਜ਼ਰੀ, ਸੁੰਦਰਤਾ ਤੇ ਆਰਾਮ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਨੰਬਰ 6 ਵਾਲੇ ਲੋਕ ਜੀਵਨ ਵਿਚ ਸਖ਼ਤ ਮਿਹਨਤ ਕਰਨ ਤੋਂ ਬਚਦੇ ਹਨ। ਇਹ ਲੋਕ ਆਪਣਾ ਕੰਮ ਆਰਾਮ ਨਾਲ ਕਰਨਾ ਪਸੰਦ ਕਰਦੇ ਹਨ। ਇਸੇ ਕਰਕੇ 6 ਨੰਬਰ ਵਾਲੇ ਲੋਕਾਂ ਨੂੰ ਆਲਸੀ ਮੰਨਿਆ ਜਾਂਦਾ ਹੈ।

ਮੁਲਾਂਕ 8

ਜਿਨ੍ਹਾਂ ਲੋਕਾਂ ਦਾ ਜਨਮ ਮਹੀਨੇ ਦੀ 8, 17, 26 ਤਰੀਕ ਨੂੰ ਹੋਇਆ ਹੈ, ਉਨ੍ਹਾਂ ਦਾ ਮੁਲਾਂਕ 8 ਹੈ। ਇਨ੍ਹਾਂ ਲੋਕਾਂ ਦਾ ਸੁਆਮੀ ਸ਼ਨੀ ਹੈ। ਇਸ ਮੁਲਾਂਕ ਦੇ ਲੋਕ ਬਹੁਤ ਮਿਹਨਤੀ ਤੇ ਵਿਹਾਰਕ ਹੁੰਦੇ ਹਨ। ਇਸ ਮੁਲਾਂਕ 'ਤੇ ਸ਼ਨੀ ਦੇਵ ਦਾ ਜ਼ਿਆਦਾ ਪ੍ਰਭਾਵ ਹੈ। ਇਸ ਲਈ ਇਨ੍ਹਾਂ ਦੀ ਕੰਮ ਕਰਨ ਦੀ ਰਫ਼ਤਾਰ ਹੌਲੀ ਹੈ। ਇਹ ਲੋਕ ਸਾਰੇ ਕੰਮ ਬਹੁਤ ਸੋਚ ਸਮਝ ਕੇ ਅਤੇ ਹੌਲੀ-ਹੌਲੀ ਕਰਦੇ ਹਨ, ਜਿਸ ਕਾਰਨ ਮੁਲਾਂਕ 8 ਵਾਲੇ ਲੋਕਾਂ ਨੂੰ ਲੋਕ ਆਲਸੀ ਸਮਝਦੇ ਹਨ।

ਇਹ ਉਪਾਅ ਕਰੋ ਜੀ

• ਮੁਲਾਂਕ 2 ਵਾਲੇ ਲੋਕਾਂ ਨੂੰ ਸੋਮਵਾਰ ਨੂੰ ਸਵੇਰੇ ਇਸ਼ਨਾਨ ਕਰਕੇ ਭਗਵਾਨ ਸ਼ਿਵ ਦੀ ਪੂਜਾ ਕਰਨੀ ਚਾਹੀਦੀ ਹੈ। ਇਸ ਦੌਰਾਨ ਸ਼ਿਵਲਿੰਗ ਨੂੰ ਵਿਸ਼ੇਸ਼ ਚੀਜ਼ਾਂ ਨਾਲ ਅਭਿਸ਼ੇਕ ਕਰੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਮਹਾਦੇਵ ਦੀ ਪੂਜਾ ਕਰਨ ਨਾਲ ਚੰਦਰਮਾ ਮਜ਼ਬੂਤ ​​ਹੁੰਦਾ ਹੈ।
• 6 ਨੰਬਰ ਵਾਲੇ ਸ਼ੁੱਕਰਵਾਰ ਨੂੰ ਚਿੱਟੇ ਕੱਪੜੇ ਪਾਓ। ਲੋੜਵੰਦ ਲੋਕਾਂ ਨੂੰ ਸਫੈਦ ਵਸਤੂ ਜਾਂ ਭੋਜਨ ਦਾਨ ਕਰੋ। ਧਾਰਮਿਕ ਮਾਨਤਾ ਅਨੁਸਾਰ ਇਸ ਉਪਾਅ ਨੂੰ ਕਰਨ ਨਾਲ ਸ਼ੁਭ ਫਲ ਪ੍ਰਾਪਤ ਹੁੰਦੇ ਹਨ।
• ਮੁਲਾਂਕ 8 ਵਾਲੇ ਲੋਕਾਂ ਨੂੰ ਸ਼ਨੀਵਾਰ ਸਵੇਰੇ ਇਸ਼ਨਾਨ ਕਰਕੇ ਸ਼ਨੀ ਦੇਵ ਦੀ ਪੂਜਾ ਕਰਨੀ ਚਾਹੀਦੀ ਹੈ। ਸਰ੍ਹੋਂ ਦਾ ਤੇਲ ਅਤੇ ਤਿਲ ਦਾ ਦਾਨ ਕਰੋ।

ਡਿਸਕਲੇਮਰ: ਇਸ ਲੇਖ ਵਿੱਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ ਵਿੱਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ ਵਿੱਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।