- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Vastu Tips : ਘਰ 'ਚ ਗੁਲਾਬ ਦੀਆਂ ਪੱਤੀਆਂ ਰੱਖਣ ਨਾਲ ਵਧ ਸਕਦੀ ਹੈ ਸਕਾਰਾਤਮਕਤਾ, ਵਾਸਤੂ 'ਚ ਦੱਸਿਆ ਗਿਆ ਹੈ ਖ਼ਾਸ ਮਹੱਤਵ
Vastu Shastra ਅਨੁਸਾਰ, ਗੁਲਾਬ ਦੀ ਖ਼ੁਸ਼ਬੂ ਮਨ ਨੂੰ ਸ਼ਾਂਤ ਰੱਖਣ 'ਚ ਸਹਾਇਕ ਮੰਨਿਆ ਜਾਂਦੀ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਤਣਾਅ ਘੱਟ ਮਹਿਸੂਸ ਹੋ ਸਕਦਾ ਹੈ ਤੇ ਪਰਿਵਾਰ ਦੇ ਮੈਂਬਰਾਂ ਵਿਚਕਾਰ ਪਿਆਰ ਅਤੇ ਸਦਭਾਵਨਾ ਦਾ ਮਾਹੌਲ ਬਣਿਆ ਰਹਿੰਦਾ ਹੈ। ਕੁਝ ਲੋਕ ਪਾਣੀ 'ਚ ਗੁਲਾਬ ਦੀਆਂ ਪੱਤੀਆਂ ਪਾ ਕੇ ਰੱਖਣ ਨੂੰ ਆਰਥਿਕ ਖ਼ੁਸ਼ਹਾਲੀ ਅਤੇ ਘਰ ਦੀ ਬਰਕਤ ਨਾਲ ਵੀ ਜੋੜਦੇ ਹਨ। ਹਾਲਾਂਕਿ, ਇਹ ਪੂਰੀ ਤਰ੍ਹਾਂ ਆਸਥਾ ਅਤੇ ਰਵਾਇਤੀ ਮਾਨਤਾਵਾਂ 'ਤੇ ਅਧਾਰਤ ਹੈ।
Posted By Seema Anand
Publish Date: Tue, 16 Jun 2026 01:02 PM (IST)
Updated Date: Tue, 16 Jun 2026 01:07 PM (IST)
ਧਰਮ ਡੈਸਕ, ਨਵੀਂ ਦਿੱਲੀ : ਘਰ ਨੂੰ ਖ਼ੂਬਸੂਰਤ ਬਣਾਉਣ ਲਈ ਲੋਕ ਤਰ੍ਹਾਂ-ਤਰ੍ਹਾਂ ਦੇ ਫੁੱਲਾਂ ਤੇ ਪੌਦਿਆਂ ਦੀ ਵਰਤੋਂ ਕਰਦੇ ਹਨ, ਪਰ ਕੁਝ ਫੁੱਲ ਅਜਿਹੇ ਵੀ ਹੁੰਦੇ ਹਨ ਜਿਨ੍ਹਾਂ ਨੂੰ ਵਾਸਤੂ ਸ਼ਾਸਤਰ 'ਚ ਖਾਸ ਮਹੱਤਵ ਦਿੱਤਾ ਗਿਆ ਹੈ। ਗੁਲਾਬ ਦਾ ਫੁੱਲ ਉਨ੍ਹਾਂ ਵਿੱਚੋਂ ਹੀ ਇਕ ਮੰਨਿਆ ਜਾਂਦਾ ਹੈ। ਆਪਣੀ ਮਨਮੋਹਕ ਖ਼ੁਸ਼ਬੂ ਤੇ ਆਕਰਸ਼ਕ ਰੰਗਾਂ ਕਾਰਨ ਗੁਲਾਬ ਹਰ ਕਿਸੇ ਨੂੰ ਪਸੰਦ ਆਉਂਦਾ ਹੈ, ਪਰ ਵਾਸਤੂ ਮਾਨਤਾਵਾਂ 'ਚ ਇਸ ਨੂੰ ਸਿਰਫ਼ ਸਜਾਵਟ ਦਾ ਹਿੱਸਾ ਨਹੀਂ, ਸਗੋਂ ਸਕਾਰਾਤਮਕ ਊਰਜਾ ਦਾ ਪ੍ਰਤੀਕ ਵੀ ਮੰਨਿਆ ਗਿਆ ਹੈ।
ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਘਰ ਵਿਚ ਤਾਜ਼ੀਆਂ ਗੁਲਾਬ ਦੀਆਂ ਪੱਤੀਆਂ ਰੱਖਣ ਨਾਲ ਵਾਤਾਵਰਨ 'ਚ ਵੱਖਰੀ ਤਰ੍ਹਾਂ ਦੀ ਤਾਜ਼ਗੀ ਮਹਿਸੂਸ ਹੁੰਦੀ ਹੈ। ਗੁਲਾਬ ਦੀ ਕੁਦਰਤੀ ਸੁਗੰਧ ਨਾ ਸਿਰਫ਼ ਘਰ ਨੂੰ ਮਹਿਕਾਉਂਦੀ ਹੈ, ਸਗੋਂ ਮਨ ਨੂੰ ਵੀ ਸਕੂਨ ਦੇਣ ਦਾ ਕੰਮ ਕਰਦੀ ਹੈ। ਇਹੀ ਕਾਰਨ ਹੈ ਕਿ ਪੂਜਾ ਘਰ, ਲਿਵਿੰਗ ਰੂਮ ਤੇ ਘਰ ਦੇ ਮੁੱਖ ਪ੍ਰਵੇਸ਼ ਦੁਆਰ ਕੋਲ ਗੁਲਾਬ ਦੀਆਂ ਪੱਤੀਆਂ ਰੱਖਣ ਦੀ ਪਰੰਪਰਾ ਵੀ ਦੇਖਣ ਨੂੰ ਮਿਲਦੀ ਹੈ।
ਵਾਸਤੂ ਨਿਯਮ
ਵਾਸਤੂ ਸ਼ਾਸਤਰ ਅਨੁਸਾਰ, ਜੇਕਰ ਕੱਚ ਦੇ ਇਕ ਸਾਫ਼ ਕਟੋਰੇ 'ਚ ਪਾਣੀ ਭਰ ਕੇ ਉਸ ਵਿਚ ਤਾਜ਼ੀਆਂ ਗੁਲਾਬ ਦੀਆਂ ਪੱਤੀਆਂ ਪਾ ਦਿੱਤੀਆਂ ਜਾਣ ਤਾਂ ਇਹ ਘਰ ਦੇ ਵਾਤਾਵਰਨ ਨੂੰ ਹੋਰ ਵੀ ਸੁਖਦ ਬਣਾ ਸਕਦੀ ਹੈ। ਇਸ ਕਟੋਰੇ ਨੂੰ ਅਜਿਹੀ ਥਾਂ 'ਤੇ ਰੱਖਣਾ ਚੰਗਾ ਮੰਨਿਆ ਜਾਂਦਾ ਹੈ, ਜਿੱਥੋਂ ਤਾਜ਼ੀ ਹਵਾ ਆਉਂਦੀ ਹੋਵੇ। ਇਸ ਨਾਲ ਗੁਲਾਬ ਦੀ ਭੀਨੀ-ਭੀਨੀ ਖ਼ੁਸ਼ਬੂ ਪੂਰੇ ਘਰ 'ਚ ਫੈਲਦੀ ਰਹਿੰਦੀ ਹੈ ਅਤੇ ਘਰ ਦਾ ਮਾਹੌਲ ਤਾਜ਼ਗੀ ਭਰਿਆ ਮਹਿਸੂਸ ਹੁੰਦਾ ਹੈ।
ਕਈ ਲੋਕ ਗੁਲਾਬ ਦੀਆਂ ਪੱਤੀਆਂ ਨੂੰ ਕੁਦਰਤੀ ਰੂਮ ਫ੍ਰੈਸ਼ਨਰ ਦੀ ਤਰ੍ਹਾਂ ਵਰਤਦੇ ਹਨ। ਖ਼ਾਸ ਗੱਲ ਇਹ ਹੈ ਕਿ ਇਸ ਵਿਚ ਕਿਸੇ ਬਣਾਉਟੀ ਸੁਗੰਧ ਜਾਂ ਕੈਮੀਕਲ ਦੀ ਲੋੜ ਨਹੀਂ ਪੈਂਦੀ। ਗੁਲਾਬ ਦੀ ਮਹਿਕ ਆਪਣੇ ਆਪ ਘਰ ਵਿਚ ਇਕ ਸਕਾਰਾਤਮਕ ਤੇ ਸ਼ਾਂਤ ਵਾਤਾਵਰਨ ਬਣਾਉਣ 'ਚ ਮਦਦ ਕਰਦੀ ਹੈ।
ਵਾਸਤੂ ਅਨੁਸਾਰ, ਗੁਲਾਬ ਦੀ ਖ਼ੁਸ਼ਬੂ ਮਨ ਨੂੰ ਸ਼ਾਂਤ ਰੱਖਣ 'ਚ ਸਹਾਇਕ ਮੰਨਿਆ ਜਾਂਦੀ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਤਣਾਅ ਘੱਟ ਮਹਿਸੂਸ ਹੋ ਸਕਦਾ ਹੈ ਤੇ ਪਰਿਵਾਰ ਦੇ ਮੈਂਬਰਾਂ ਵਿਚਕਾਰ ਪਿਆਰ ਅਤੇ ਸਦਭਾਵਨਾ ਦਾ ਮਾਹੌਲ ਬਣਿਆ ਰਹਿੰਦਾ ਹੈ। ਕੁਝ ਲੋਕ ਪਾਣੀ 'ਚ ਗੁਲਾਬ ਦੀਆਂ ਪੱਤੀਆਂ ਪਾ ਕੇ ਰੱਖਣ ਨੂੰ ਆਰਥਿਕ ਖ਼ੁਸ਼ਹਾਲੀ ਅਤੇ ਘਰ ਦੀ ਬਰਕਤ ਨਾਲ ਵੀ ਜੋੜਦੇ ਹਨ। ਹਾਲਾਂਕਿ, ਇਹ ਪੂਰੀ ਤਰ੍ਹਾਂ ਆਸਥਾ ਅਤੇ ਰਵਾਇਤੀ ਮਾਨਤਾਵਾਂ 'ਤੇ ਅਧਾਰਤ ਹੈ।
ਕਿਹੜੀ ਦਿਸ਼ਾ ਵਿਚ ਰੱਖਣਾ ਸ਼ੁੱਭ?
ਵਾਸਤੂ ਸ਼ਾਸਤਰ 'ਚ ਗੁਲਾਬ ਦੀਆਂ ਪੱਤੀਆਂ ਨਾਲ ਭਰੇ ਕਟੋਰੇ ਨੂੰ ਘਰ ਦੀ ਪੂਰਬ ਦਿਸ਼ਾ 'ਚ ਰੱਖਣਾ ਸ਼ੁੱਭ ਮੰਨਿਆ ਗਿਆ ਹੈ। ਮਾਨਤਾ ਹੈ ਕਿ ਇਸ ਨਾਲ ਸਕਾਰਾਤਮਕ ਊਰਜਾ ਦਾ ਪ੍ਰਵਾਹ ਵਧਦਾ ਹੈ ਤੇ ਘਰ ਦਾ ਵਾਤਾਵਰਨ ਸੰਤੁਲਿਤ ਤੇ ਖ਼ੁਸ਼ਗਵਾਰ ਬਣਿਆ ਰਹਿੰਦਾ ਹੈ। ਇਸ ਲਈ ਜੇਕਰ ਤੁਸੀਂ ਘਰ ਵਿਚ ਕੁਦਰਤੀ ਖ਼ੁਸ਼ਬੂ ਅਤੇ ਤਾਜ਼ਗੀ ਬਣਾਈ ਰੱਖਣਾ ਚਾਹੁੰਦੇ ਹੋ, ਤਾਂ ਗੁਲਾਬ ਦੀਆਂ ਤਾਜ਼ੀਆਂ ਪੱਤੀਆਂ ਇਕ ਸਰਲ ਵਿਕਲਪ ਹੋ ਸਕਦੀਆਂ ਹਨ।