ਜੁੱਤਿਆਂ ਦੀ ਗੰਦਗੀ ਤੇ ਸ਼ਨੀ ਗ੍ਰਹਿ ਦਾ ਕੀ ਹੈ ਕੁਨੈਕਸ਼ਨ ? ਜਾਣੋ ਜੁੱਤੀਆਂ ਦੀ ਧੂੜ ਤੇ ਨਕਾਰਾਤਮਕਤਾ ਦਾ ਰਿਸ਼ਤਾ

ਧਰਮ ਡੈਸਕ, ਨਵੀਂ ਦਿੱਲੀ : ਸਾਡੇ ਵਿੱਚੋਂ ਜ਼ਿਆਦਾਤਰ ਲੋਕ ਰੋਜ਼ਾਨਾ ਸਾਫ਼ ਕੱਪੜਿਆਂ ਵੱਲ ਤਾਂ ਧਿਆਨ ਦਿੰਦੇ ਹਨ ਪਰ ਜੁੱਤਿਆਂ ਦੀ ਸਾਫ਼-ਸਫ਼ਾਈ ਨੂੰ ਆਮ ਤੌਰ 'ਤੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਕੁਝ ਲੋਕ ਤਾਂ ਅਜਿਹੇ ਵੀ ਹੁੰਦੇ ਹਨ, ਜੋ ਜਦੋਂ ਤਕ ਜੁੱਤੇ 'ਤੇ ਬਹੁਤ ਜ਼ਿਆਦਾ ਧੂੜ, ਮਿੱਟੀ ਜਾਂ ਦਾਗ ਨਾ ਦਿਖਾਈ ਦੇਣ ਲੱਗਣ, ਉਦੋਂ ਤਕ ਜੁੱਤਿਆਂ ਨੂੰ ਸਾਫ਼ ਹੀ ਨਹੀਂ ਕਰਦੇ। ਵਾਸਤੂ ਅਤੇ ਜੋਤਿਸ਼ੀ ਮਾਨਤਾਵਾਂ 'ਚ ਇਸ ਨੂੰ ਸਿਰਫ਼ ਸਾਫ਼-ਸਫ਼ਾਈ ਦੇ ਰੂਪ ਵਿੱਚ ਹੀ ਨਹੀਂ ਦੇਖਿਆ ਜਾਂਦਾ, ਬਲਕਿ ਵਿਅਕਤੀ ਦੀ ਊਰਜਾ, ਆਭਾ (Aura) ਅਤੇ ਜੀਵਨ ਵਿੱਚ ਆਉਣ ਵਾਲੇ ਪ੍ਰਭਾਵਾਂ ਨਾਲ ਵੀ ਜੋੜ ਕੇ ਦੇਖਿਆ ਜਾਂਦਾ ਹੈ।

ਵਾਸਤੂ ਸ਼ਾਸਤਰ ਅਨੁਸਾਰ, ਜੁੱਤੇ ਸਾਡੇ ਸ਼ਰੀਰ ਦੇ ਉਸ ਹਿੱਸੇ ਨਾਲ ਜੁੜੇ ਹੁੰਦੇ ਹਨ, ਜੋ ਸਿੱਧਾ ਧਰਤੀ ਦੇ ਸੰਪਰਕ ਵਿਚ ਆਉਂਦਾ ਹੈ। ਦਿਨ ਭਰ ਬਾਹਰ ਘੁੰਮਣ ਦੌਰਾਨ ਜੁੱਤਿਆਂ 'ਤੇ ਧੂੜ, ਗੰਦਗੀ ਅਤੇ ਕਈ ਤਰ੍ਹਾਂ ਦੀਆਂ ਨਕਾਰਾਤਮਕ ਊਰਜਾਵਾਂ ਆਕਰਸ਼ਿਤ ਹੁੰਦੀਆਂ ਹਨ। ਮੰਨਿਆ ਜਾਂਦਾ ਹੈ ਕਿ ਜੇਕਰ ਜੁੱਤੇ ਲਗਾਤਾਰ ਗੰਦੇ ਹੀ ਰਹਿੰਦੇ ਹਨ, ਤਾਂ ਇਹ ਘਰ ਅਤੇ ਵਿਅਕਤੀ ਦੋਵਾਂ 'ਤੇ ਨਕਾਰਾਤਮਕ ਪ੍ਰਭਾਵ ਦਿਖਾਉਂਦੇ ਹਨ।

ਜੁੱਤੇ ਦੀ ਗੰਦਗੀ ਦਾ ਜੋਤਿਸ਼ੀ ਸਬੰਧ?

ਜੋਤਿਸ਼ ਸ਼ਾਸਤਰ 'ਚ ਪੈਰਾਂ ਦਾ ਸਬੰਧ ਮੁੱਖ ਤੌਰ 'ਤੇ ਸ਼ਨੀ ਗ੍ਰਹਿ ਨਾਲ ਮੰਨਿਆ ਗਿਆ ਹੈ। ਸ਼ਨੀ ਗ੍ਰਹਿ ਨੂੰ ਅਨੁਸ਼ਾਸਨ, ਕਰਮ ਤੇ ਸਾਫ਼-ਸਫ਼ਾਈ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਕਈ ਜੋਤਿਸ਼ਾਚਾਰੀਆਂ ਦਾ ਮੰਨਣਾ ਹੈ ਕਿ ਪੈਰਾਂ ਅਤੇ ਉਸ ਨਾਲ ਜੁੜੀਆਂ ਵਸਤੂਆਂ ਦਾ ਧਿਆਨ ਨਾ ਰੱਖਣ 'ਤੇ ਜਾਂ ਅਣਦੇਖੀ ਕਰਨ 'ਤੇ ਸ਼ਨੀ ਗ੍ਰਹਿ ਦਾ ਸੰਤੁਲਨ ਵਿਗੜ ਸਕਦਾ ਹੈ। ਇਸ ਲਈ ਜੁੱਤਿਆਂ ਨੂੰ ਹਮੇਸ਼ਾ ਸਾਫ਼-ਸੁਥਰਾ ਰੱਖਣਾ ਸਿਰਫ਼ ਦਿਖਾਵਾ ਹੀ ਨਹੀਂ, ਬਲਕਿ ਸਕਾਰਾਤਮਕ ਊਰਜਾ ਬਣਾਈ ਰੱਖਣ ਲਈ ਵੀ ਜ਼ਰੂਰੀ ਹੈ।

ਗੰਦੇ ਜੁੱਤਿਆਂ ਦਾ ਆਭਾ 'ਤੇ ਪ੍ਰਭਾਵ

ਆਧਿਆਤਮਕ ਮਾਨਤਾਵਾਂ ਮੁਤਾਬਕ, ਵਿਅਕਤੀ ਦੇ ਚਾਰੋਂ ਪਾਸੇ ਇਕ ਊਰਜਾ ਖੇਤਰ ਹੁੰਦਾ ਹੈ ਜਿਸ ਨੂੰ ਆਮ ਤੌਰ 'ਤੇ ਹਿੰਦੀ 'ਚ ਆਭਾ ਅਤੇ ਇੰਗਲਿਸ਼ ਵਿਚ Aura ਕਿਹਾ ਜਾਂਦਾ ਹੈ। ਜਦੋਂ ਕੋਈ ਵਿਅਕਤੀ ਲਗਾਤਾਰ ਗੰਦੇ ਜਾਂ ਬਦਬੂਦਾਰ ਜੁੱਤੇ ਪਹਿਨਦਾ ਹੈ ਤਾਂ ਉਸ ਦੇ ਆਤਮਵਿਸ਼ਵਾਸ, ਮਾਨਸਿਕ ਸਥਿਤੀ ਅਤੇ ਆਭਾ 'ਤੇ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ। ਸਾਫ਼ ਜੁੱਤੇ ਪਹਿਨਣ ਨਾਲ ਜੀਵਨ ਸ਼ੈਲੀ ਵਿੱਚ ਸਕਾਰਾਤਮਕ ਊਰਜਾ ਦਾ ਸੰਚਾਰ ਹੁੰਦਾ ਹੈ।

ਕੱਪੜੇ ਰੋਜ਼ ਬਦਲਦੇ ਹਾਂ, ਪਰ ਜੁੱਤੇ ਕਿਉਂ ਨਹੀਂ?

ਲੋਕ ਕੱਪੜੇ ਤਾਂ ਰੋਜ਼ਾਨਾ ਬਦਲਦੇ ਹਨ ਪਰ ਜੁੱਤਿਆਂ ਦੀ ਗੰਦਗੀ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ ਜਦਕਿ ਘਰ ਵਿਚ ਪ੍ਰਵੇਸ਼ ਕਰਨ ਵਾਲੇ ਜੁੱਤੇ ਵੀ ਕੱਪੜਿਆਂ ਦੀ ਤਰ੍ਹਾਂ ਹੀ ਬਹੁਤ ਜ਼ਰੂਰੀ ਹਨ। ਜੇਕਰ ਜੁੱਤੇ ਲਗਾਤਾਰ ਗੰਦੇ ਹਨ ਜਾਂ ਉਸ 'ਤੇ ਧੂੜ ਜੰਮੀ ਹੋਈ ਹੈ ਤਾਂ ਇਹ ਨਕਾਰਾਤਮਕਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ।

ਗੰਦੇ ਜੁੱਤੇ ਨਾਲ ਜੁੜੇ ਉਪਾਅ

• ਸਭ ਤੋਂ ਪਹਿਲਾਂ ਤਾਂ ਜੁੱਤੇ ਨੂੰ ਰੋਜ਼ਾਨਾ ਸਾਫ਼ ਕਰਨਾ ਚਾਹੀਦਾ ਹੈ।
• ਫਟੇ, ਟੁੱਟੇ ਜਾਂ ਬਹੁਤ ਜ਼ਿਆਦਾ ਗੰਦੇ ਜਾਂ ਪੁਰਾਣੇ ਜੁੱਤਿਆਂ ਦਾ ਇਸਤੇਮਾਲ ਲੰਬੇ ਸਮੇਂ ਤੱਕ ਕਰਨ ਤੋਂ ਬਚਣਾ ਚਾਹੀਦਾ ਹੈ।
• ਕਦੇ ਵੀ ਘਰ ਦੇ ਮੁੱਖ ਦੁਆਰ 'ਤੇ ਗੰਦੇ ਜੁੱਤਿਆਂ ਦਾ ਢੇਰ ਨਾ ਲਗਾਓ।
• ਪਹਿਣਨ ਵਾਲੇ ਜੁੱਤਿਆਂ ਨੂੰ ਵਿਵਸਥਤ ਕਰਨ ਦੇ ਨਾਲ ਸਮੇਂ-ਸਮੇਂ 'ਤੇ ਸਾਫ ਕਰਨਾ ਬੇਹੱਦ ਜ਼ਰੂਰੀ ਹੈ।