ਨੌਕਰੀ 'ਚ ਵਾਰ-ਵਾਰ ਆ ਰਹੀ ਹੈ ਰੁਕਾਵਟ? ਕੁੰਡਲੀ 'ਚ ਹੋ ਸਕਦੈ ਗੁਰੂ ਚੰਡਾਲ ਯੋਗ, ਇਨ੍ਹਾਂ ਲੱਛਣਾਂ ਤੋਂ ਤੁਰੰਤ ਪਛਾਣੋ

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ ਸ਼ਾਸਤਰ ਅਨੁਸਾਰ, ਵਿਅਕਤੀ ਦੀ ਕੁੰਡਲੀ 'ਚ ਕਈ ਤਰ੍ਹਾਂ ਦੇ ਯੋਗਾਂ ਦਾ ਨਿਰਮਾਣ ਹੁੰਦਾ ਹੈ ਜਿਸ ਦਾ ਪ੍ਰਭਾਵ ਸਮੇਂ-ਸਮੇਂ 'ਤੇ ਉਸ ਦੇ ਜੀਵਨ 'ਤੇ ਸਕਾਰਾਤਮਕ ਤੇ ਨਕਾਰਾਤਮਕ ਪੈਂਦਾ ਹੈ। ਅਜਿਹੇ 'ਚ ਵਿਅਕਤੀ ਨੂੰ ਪ੍ਰਭਾਵ ਤੋਂ ਬਚਣ ਲਈ ਵਿਸ਼ੇਸ਼ ਉਪਾਅ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਨ੍ਹਾਂ ਵਿੱਚੋਂ ਹੀ ਇਕ ਗੁਰੂ ਚੰਡਾਲ ਯੋਗ (Guru Chandal Yog) ਹੈ। ਇਸ ਯੋਗ ਦਾ ਨਾਮ ਸੁਣਦਿਆਂ ਹੀ ਲੋਕ ਡਰਨ ਲੱਗਦੇ ਹਨ ਕਿਉਂਕਿ ਇਸ ਯੋਗ ਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ ਅਤੇ ਕੁੰਡਲੀ 'ਚ ਗੁਰੂ ਚੰਡਾਲ ਯੋਗ ਦਾ ਨਿਰਮਾਣ ਹੋਣ ਨਾਲ ਵਿਅਕਤੀ ਦੇ ਜੀਵਨ 'ਤੇ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਆਖਰ ਇਹ ਯੋਗ ਕਦੋਂ ਬਣਦਾ ਹੈ ਅਤੇ ਇਸ ਦੇ ਨਕਾਰਾਤਮਕ ਪ੍ਰਭਾਵ ਕਿਹੜੇ ਹੁੰਦੇ ਹਨ। ਜੇਕਰ ਨਹੀਂ ਪਤਾ, ਤਾਂ ਆਓ ਇਸ ਆਰਟੀਕਲ 'ਚ ਤੁਹਾਨੂੰ ਇਸ ਬਾਰੇ ਵਿਸਥਾਰ ਨਾਲ ਦੱਸਦੇ ਹਾਂ।

ਕੁੰਡਲੀ 'ਚ ਕਦੋਂ ਬਣਦਾ ਹੈ ਗੁਰੂ ਚੰਡਾਲ ਯੋਗ?

ਜੋਤਿਸ਼ ਸ਼ਾਸਤਰ 'ਚ ਗੁਰੂ ਚੰਡਾਲ ਯੋਗ ਨੂੰ ਅਸ਼ੁੱਭ ਦੱਸਿਆ ਗਿਆ ਹੈ। ਜਦੋਂ ਕਿਸੇ ਵਿਅਕਤੀ ਦੀ ਕੁੰਡਲੀ 'ਚ ਇੱਕੋ ਘਰ 'ਚ ਗੁਰੂ ਅਤੇ ਰਾਹੂ ਆ ਜਾਂਦੇ ਹਨ ਤਾਂ ਗੁਰੂ ਅਤੇ ਰਾਹੂ ਦੇ ਸੁਮੇਲ ਨਾਲ ਗੁਰੂ ਚੰਡਾਲ ਯੋਗ ਦਾ ਨਿਰਮਾਣ ਹੁੰਦਾ ਹੈ। ਇਸ ਯੋਗ ਦੇ ਬਣਨ 'ਤੇ ਵਿਅਕਤੀ 'ਤੇ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੈ। ਇਸ ਅਸ਼ੁੱਭ ਪ੍ਰਭਾਵ ਤੋਂ ਬਚਣ ਲਈ ਵਿਸ਼ੇਸ਼ ਉਪਾਅ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ।

ਗੁਰੂ ਚੰਡਾਲ ਯੋਗ ਦੇ ਨਕਾਰਾਤਮਕ ਪ੍ਰਭਾਵ ਕਿਹੜੇ ਹਨ

ਜੋਤਿਸ਼ ਸ਼ਾਸਤਰ ਅਨੁਸਾਰ, ਗੁਰੂ ਚੰਡਾਲ ਯੋਗ ਦੇ ਬਣਨ ਨਾਲ ਵਿਅਕਤੀ ਨੂੰ ਜੀਵਨ 'ਚ ਜ਼ਮੀਨ-ਜਾਇਦਾਦ ਅਤੇ ਮਕਾਨ ਦਾ ਸੁੱਖ ਪ੍ਰਾਪਤ ਨਹੀਂ ਹੁੰਦਾ ਤੇ ਜੀਵਨ ਵਿਚ ਕਈ ਤਰ੍ਹਾਂ ਦੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸਮਾਜ ਵਿਚ ਮਾਣ-ਸਨਮਾਨ ਦੀ ਕਮੀ ਹੁੰਦੀ ਹੈ।

ਜੇਕਰ ਔਰਤਾਂ ਦੀ ਕੁੰਡਲੀ 'ਚ ਗੁਰੂ ਚੰਡਾਲ ਯੋਗ ਬਣਦਾ ਹੈ ਤਾਂ ਵਿਆਹੁਤਾ ਜੀਵਨ 'ਚ ਖੁਸ਼ੀਆਂ ਦਾ ਆਗਮਨ ਨਹੀਂ ਹੁੰਦਾ ਅਤੇ ਜੀਵਨ 'ਚ ਭਾਰੀ ਕਲੇਸ਼ ਦੀ ਪਰੇਸ਼ਾਨੀ ਆਉਂਦੀ ਹੈ। ਇਸ ਤੋਂ ਇਲਾਵਾ ਲੋਕਾਂ ਨੂੰ ਨੌਕਰੀ 'ਚ ਵੀ ਸਮੱਸਿਆਵਾਂ ਆ ਸਕਦੀਆਂ ਹਨ। ਜੇਕਰ ਤੁਸੀਂ ਵੀ ਇਸ ਤਰ੍ਹਾਂ ਦੀ ਪਰੇਸ਼ਾਨੀ ਦਾ ਸਾਹਮਣਾ ਕਰ ਰਹੇ ਹੋ, ਤਾਂ ਹੇਠਾਂ ਦਿੱਤੇ ਉਪਾਅ ਜ਼ਰੂਰ ਕਰੋ ਜਾਂ ਫਿਰ ਕਿਸੇ ਜੋਤਿਸ਼ ਵਿਦਵਾਨ ਦੀ ਸਲਾਹ ਲਓ।

ਨਕਾਰਾਤਮਕ ਪ੍ਰਭਾਵ ਕਿਵੇਂ ਦੂਰ ਕਰੀਏ

• ਗੁਰੂ ਚੰਡਾਲ ਯੋਗ ਦੇ ਨਕਾਰਾਤਮਕ ਪ੍ਰਭਾਵ ਨੂੰ ਦੂਰ ਕਰਨ ਲਈ ਪੀਲਾ ਪੁਖਰਾਜ ਧਾਰਨ ਕਰੋ।
• ਇਸ ਤੋਂ ਇਲਾਵਾ ਰੋਜ਼ਾਨਾ ਸਵੇਰੇ ਇਸ਼ਨਾਨ ਕਰਨ ਤੋਂ ਬਾਅਦ ਸੂਰਜ ਦੇਵਤਾ ਨੂੰ ਅਰਘ ਦਿਓ ਤੇ ਪੂਜਾ-ਅਰਚਨਾ ਕਰੋ।
• ਗੁਰੂ ਚੰਡਾਲ ਯੋਗ ਦੇ ਦੋਸ਼ ਤੋਂ ਬਚਣ ਲਈ ਭਗਵਾਨ ਸ਼ਿਵ ਦੀ ਪੂਜਾ-ਅਰਚਨਾ ਕਰਨ ਦਾ ਬਹੁਤ ਮਹੱਤਵ ਹੈ।
• ਮਾਤਾ-ਪਿਤਾ ਤੇ ਗੁਰੂ ਦੀ ਸੇਵਾ ਕਰੋ ਅਤੇ ਉਨ੍ਹਾਂ ਦਾ ਆਸ਼ੀਰਵਾਦ ਪ੍ਰਾਪਤ ਕਰੋ।
• ਰੋਜ਼ਾਨਾ ਸਾਤਵਿਕ ਭੋਜਨ ਕਰੋ। ਤਾਮਸਿਕ ਭੋਜਨ ਤੋਂ ਬਚੋ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਤਾਮਸਿਕ ਭੋਜਨ ਨਾਲ ਰਾਹੂ ਦੀ ਨਕਾਰਾਤਮਕ ਊਰਜਾ ਵਿਚ ਵਾਧਾ ਹੁੰਦਾ ਹੈ।