Gemology : ਕੁੰਭ ਰਾਸ਼ੀ ਵਾਲੇ ਜ਼ਰੂਰ ਪਹਿਨਣ ਇਹ ਸ਼ੁਭ ਰਤਨ; ਘੱਟ ਜਾਵੇਗਾ ਗੁੱਸਾ ਤੇ ਜ਼ਿੱਦ, ਸ਼ਨੀ ਦੇਵ ਦੀ ਕਿਰਪਾ ਨਾਲ ਚਮਕੇਗੀ ਕਿਸਮਤ !

ਧਰਮ ਡੈਸਕ, ਨਵੀਂ ਦਿੱਲੀ : ਜੋਤਿਸ਼ 'ਚ ਸ਼ਨੀ ਨੂੰ ਕੁੰਭ ਦਾ ਮਾਲਕ ਕਿਹਾ ਗਿਆ ਹੈ। ਇਸ ਰਾਸ਼ੀ ਦੇ ਲੋਕਾਂ ਦਾ ਸੁਭਾਅ ਬਹੁਤ ਗੁੱਸੇ ਵਾਲਾ ਤੇ ਜ਼ਿੱਦੀ ਹੁੰਦਾ ਹੈ। ਇਕ ਵਾਰ ਜਦੋਂ ਉਹ ਕਿਸੇ ਚੀਜ਼ ਲਈ ਅੜ ਜਾਂਦੇ ਹਨ ਤਾਂ ਉਸ ਚੀਜ਼ ਨੂੰ ਪ੍ਰਾਪਤ ਕਰਨ ਤੋਂ ਕੋਈ ਨਹੀਂ ਰੋਕ ਸਕਦਾ। ਹਾਲਾਂਕਿ ਕਈ ਵਾਰ ਇਨ੍ਹਾਂ ਲੋਕਾਂ ਨੂੰ ਆਪਣੇ ਸੁਭਾਅ ਕਾਰਨ ਕਾਫੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਆਪਣੇ ਜ਼ਿੱਦੀ ਸੁਭਾਅ ਕਾਰਨ, ਕੁੰਭ ਲੋਕ ਅਕਸਰ ਬਿਨਾਂ ਸੋਚੇ ਸਮਝੇ ਫੈਸਲੇ ਲੈ ਲੈਂਦੇ ਹਨ।

ਜੋਤਿਸ਼ ਸ਼ਾਸਤਰ 'ਚ, ਇਸ ਨੂੰ ਕੁੰਭ ਰਾਸ਼ੀ ਦੇ ਲੋਕਾਂ ਲਈ ਆਪਣੇ ਸੁਭਾਅ ਨੂੰ ਕਾਬੂ ਕਰਨ ਤੇ ਇਸਨੂੰ ਸੁਧਾਰਨ ਲਈ ਇਕ ਵਿਸ਼ੇਸ਼ ਰਤਨ ਦੱਸਿਆ ਗਿਆ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਰਤਨ ਬਾਰੇ।

ਕੁੰਭ ਰਾਸ਼ੀ ਵਾਲਿਆਂ ਨੂੰ ਕਿਹੜਾ ਰਤਨ ਪਹਿਨਣਾ ਚਾਹੀਦਾ ?

ਰਤਨ ਵਿਗਿਆਨ ਅਨੁਸਾਰ, ਕੁੰਭ ਰਾਸ਼ੀ ਵਾਲਿਆਂ ਲਈ ਨੀਲਮ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਦਰਅਸਲ, ਜੋਤਿਸ਼ 'ਚ ਸ਼ਨੀ ਨੂੰ ਸਭ ਤੋਂ ਸ਼ਕਤੀਸ਼ਾਲੀ ਗ੍ਰਹਿ ਦੱਸਿਆ ਗਿਆ ਹੈ। ਕੁੰਡਲੀ 'ਚ ਸ਼ਨੀ ਦੀ ਸਥਿਤੀ ਨੂੰ ਦੇਖ ਕੇ ਇਹ ਜਾਣਿਆ ਜਾ ਸਕਦਾ ਹੈ ਕਿ ਜੀਵਨ 'ਚ ਕਿਹੜੀਆਂ ਮੁਸ਼ਕਲਾਂ ਆਉਣ ਵਾਲੀਆਂ ਹਨ। ਅਜਿਹੀ ਸਥਿਤੀ 'ਚ ਜਦੋਂ ਸ਼ਨੀ ਆਪਣੀ ਹੀ ਰਾਸ਼ੀ ਵਿਚ ਕਮਜ਼ੋਰ ਸਥਿਤੀ 'ਚ ਹੁੰਦਾ ਹੈ ਤਾਂ ਵਿਅਕਤੀ ਦਾ ਸੁਭਾਅ ਜ਼ਿੱਦੀ, ਗੁੱਸੇ ਵਾਲਾ ਤੇ ਉਦਾਸੀਨ ਹੋ ਜਾਂਦਾ ਹੈ।

ਨੀਲਮ ਧਾਰਨ ਕਰਨ ਨਾਲ ਸ਼ਨੀ ਨੂੰ ਸ਼ਾਂਤ ਕੀਤਾ ਜਾ ਸਕਦਾ ਹੈ। ਇਸ ਨੂੰ ਪਹਿਨਣ ਨਾਲ ਵਿਅਕਤੀ ਚਮਤਕਾਰੀ ਲਾਭ ਪ੍ਰਾਪਤ ਕਰ ਸਕਦਾ ਹੈ।

ਕੁੰਭ ਰਾਸ਼ੀ ਵਾਲਿਆਂ ਨੂੰ ਕਦੋਂ ਪਹਿਨਣਾ ਚਾਹੀਦਾ ਹੈ 'ਨੀਲਮ' ?

ਕੁੰਭ ਰਾਸ਼ੀ ਦੇ ਲੋਕਾਂ ਨੂੰ ਸ਼ੁਕਲ ਪੱਖ ਦੇ ਕਿਸੇ ਵੀ ਸ਼ਨੀਵਾਰ ਨੂੰ ਨੀਲਮ ਰਤਨ ਧਾਰਨ ਲੈਣਾ ਚਾਹੀਦਾ ਹੈ। ਹਮੇਸ਼ਾ ਆਪਣੇ ਹੱਥਾਂ 'ਚ ਨੀਲਮ ਪਹਿਨੋ। ਸ਼ਨੀ ਕਰਮ ਦਾ ਦੇਵਤਾ ਹੈ, ਅਸੀਂ ਜੋ ਵੀ ਕੰਮ ਕਰਦੇ ਹਾਂ, ਆਪਣੇ ਹੱਥਾਂ ਨਾਲ ਕਰਦੇ ਹਾਂ। ਇਸ ਲਈ ਨੀਲਮ ਹੱਥਾਂ 'ਚ ਹੀ ਪਹਿਨਣਾ ਚਾਹੀਦਾ ਹੈ।

ਨੀਲਮ ਦੀ ਅੰਗੂਠੀ ਹਮੇਸ਼ਾ ਵਿਚਕਾਰਲੀ ਉਂਗਲੀ ਵਿੱਚ ਹੀ ਪਹਿਨਣੀ ਚਾਹੀਦੀ ਹੈ, ਕਿਉਂਕਿ ਇਹ ਸ਼ਨੀ ਦੁਆਰਾ ਪ੍ਰਭਾਵਿਤ ਉਂਗਲੀ ਹੈ।

ਕੁੰਭ ਰਾਸ਼ੀ ਵਾਲਿਆਂ ਨੂੰ ਕਿਸ ਕਿਸਮ ਦਾ ਨੀਲਮ ਧਾਰਨ ਕਰਨਾ ਚਾਹੀਦਾ?

ਨੀਲਮ ਬਹੁਤ ਪ੍ਰਭਾਵਸ਼ਾਲੀ ਪੱਥਰ ਹੈ। ਇਸ ਲਈ, ਸਿਰਫ ਅਸਲੀ ਤੇ ਦੋਸ਼ ਰਹਿਤ ਨੀਲਮ ਹੀ ਧਾਰਨ ਕਰੋ। ਵਿਅਕਤੀ ਨੂੰ ਇਹ ਵੀ ਧਿਆਨ ਵਿਚ ਰੱਖਣਾ ਚਾਹੀਦਾ ਹੈ ਕਿ ਉਸ ਦੇ ਸਰੀਰ ਦੇ ਭਾਰ ਦੇ ਹਿਸਾਬ ਨਾਲ ਹਰ 12 ਕਿਲੋ ਦੇ ਹਿਸਾਬ ਨਾਲ ਨੀਲਮ ਪੱਥਰ ਨੂੰ 1 ਰੱਤੀ ਵਧਾ ਦੇਣਾ ਚਾਹੀਦਾ ਹੈ। ਉਦਾਹਰਣ ਵਜੋਂ, ਜੇਕਰ ਕਿਸੇ ਵਿਅਕਤੀ ਦਾ ਭਾਰ 60 ਹੈ ਤਾਂ ਉਸਨੂੰ 5.25 ਰੱਤੀ ਦਾ ਨੀਲਮ ਪਹਿਨਣਾ ਚਾਹੀਦਾ ਹੈ। ਇਸ ਨੂੰ ਚਾਂਦੀ ਦੀ ਮੁੰਦਰੀ 'ਚ ਪਹਿਨਣ ਨਾਲ ਵਧੀਆ ਨਤੀਜਾ ਮਿਲਦਾ ਹੈ।

ਇਸ ਲਈ, ਜੇਕਰ ਤੁਸੀਂ ਕੁੰਭ ਰਾਸ਼ੀ ਵਾਲੇ ਹੋ ਅਤੇ ਆਪਣੇ ਜ਼ਿੱਦੀ ਸੁਭਾਅ ਕਾਰਨ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਤੁਹਾਨੂੰ ਉੱਪਰ ਦੱਸੇ ਨਿਯਮਾਂ ਦੀ ਪਾਲਣਾ ਕਰ ਕੇ ਨੀਲਮ ਧਾਰਨ ਕਰਨਾ ਚਾਹੀਦਾ ਹੈ।