ਪਿਤਾ ਦੇ ਚਰਨਾਂ 'ਚ ਕਰੀਅਰ ਦੀ ਸਫ਼ਲਤਾ: ਜਾਣੋ ਪਿਤਾ ਦੇ ਸਨਮਾਨ ਤੇ ਪੁੱਤਰ ਦੀ ਕਿਸਮਤ ਦਾ ਜੋਤਿਸ਼ ਕੁਨੈਕਸ਼ਨ

ਜੋਤਸ਼ੀ ਚੰਦਰੇਸ਼ ਸ਼ਰਮਾ, ਐਸਟ੍ਰੋਪੱਤਰੀ: ਵੈਦਿਕ ਜੋਤਿਸ਼ ਦੇ ਅਧਾਰ 'ਤੇ ਪਿਤਾ-ਪੁੱਤਰ ਦਾ ਰਿਸ਼ਤਾ ਸਭ ਤੋਂ ਮਹੱਤਵਪੂਰਨ ਤੇ ਸਨਮਾਨਜਨਕ ਰਿਸ਼ਤਿਆਂ 'ਚੋਂ ਇਕ ਹੈ। ਇਸ ਰਿਸ਼ਤੇ 'ਤੇ ਸੂਰਜ ਅਤੇ ਨੌਵੇਂ ਭਾਵ ਦਾ ਖਾਸ ਪ੍ਰਭਾਵ ਰਹਿੰਦਾ ਹੈ। ਜਿੱਥੇ ਸੂਰਜ ਪਿਤਾ, ਅਧਿਕਾਰ ਤੇ ਅਨੁਸ਼ਾਸਨ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ, ਉੱਥੇ ਹੀ ਨੌਵਾਂ ਭਾਵ ਪਿਤਾ, ਗੁਰੂ ਅਤੇ ਪੂਰਵਜਾਂ ਦੇ ਆਸ਼ੀਰਵਾਦ ਦਾ ਪ੍ਰਤੀਕ ਹੈ। ਐਸਟ੍ਰੋਪੱਤਰੀ ਦੇ ਜੋਤਸ਼ੀ ਚੰਦਰੇਸ਼ ਸ਼ਰਮਾ ਅਨੁਸਾਰ, ਕੁੰਡਲੀ ਦਾ ਨੌਵਾਂ ਭਾਵ ਜੇਕਰ ਪਿਤਾ ਦਾ ਹੈ ਤਾਂ ਦਸਵਾਂ ਭਾਵ ਉਸ ਆਸ਼ੀਰਵਾਦ ਨਾਲ ਨਿਰਮਿਤ ਸਾਡਾ ਸਾਮਰਾਜ ਯਾਨੀ ਕਰਮ ਦਾ ਹੈ। ਜਦੋਂ ਜੜ੍ਹਾਂ ਯਾਨੀ ਕਿ ਪਿਤਾ ਡਗਮਗਾਉਂਦੇ ਹਨ ਤਾਂ ਸ਼ਾਖਾਵਾਂ ਯਾਨੀ ਕਿ ਕਰਮ ਸਥਾਨ ਦਾ ਪ੍ਰਭਾਵਿਤ ਹੋਣਾ ਨਿਸ਼ਚਿਤ ਹੈ।

ਪਿਤਾ-ਪੁੱਤਰ ਦਾ ਜੋਤਸ਼ੀ ਸਬੰਧ

ਜੋਤਿਸ਼ 'ਚ ਪਿਤਾ ਕੇਵਲ ਇਕ ਸਬੰਧ ਨਹੀਂ, ਬਲਕਿ ਸਾਡੇ ਕਰਮ ਖੇਤਰ ਦਾ ਸੂਰਜ ਹਨ। ਜਦੋਂ ਵੀ ਪਿਤਾ ਦੇ ਜੀਵਨ 'ਤੇ ਕੋਈ ਸੰਕਟ ਆਉਂਦਾ ਹੈ, ਸਾਡੇ ਕਰੀਅਰ ਯਾਨੀ ਕਰਮ ਭਾਵ ਦਾ ਸੂਰਜ ਵੀ ਅਸਤ ਹੋ ਜਾਂਦਾ ਹੈ ਜਾਂ ਇੰਝ ਕਹੀਏ ਕਿ ਕੁਝ ਸਮੇਂ ਲਈ ਗ੍ਰਹਿਣ ਮਹਿਸੂਸ ਕਰਨ ਲੱਗਦਾ ਹੈ। ਪਿਤਾ ਦੇ ਬਿਨਾਂ ਭਾਗ ਅਧੂਰਾ ਹੈ, ਅਤੇ ਭਾਗ ਦੇ ਬਿਨਾਂ ਕਰਮ ਦਿਸ਼ਾਹੀਣ। ਇਹੀ ਕਾਰਨ ਹੈ ਕਿ ਪਿਤਾ ਦੀ ਸਥਿਤੀ ਸਾਡੇ ਕਰੀਅਰ ਦਾ ਆਈਨਾ ਬਣਦੀ ਹੈ।

ਕਾਲਪੁਰਸ਼ ਕੁੰਡਲੀ ਕਹਿੰਦੀ ਹੈ ਕਿ ਜੋ ਪਿਤਾ ਦਾ ਆਦਰ ਕਰਦਾ ਹੈ, ਉਸਦਾ ਦਸਵਾਂ ਭਾਵ ਆਪਣੇ ਆਪ ਹੀ ਮਜ਼ਬੂਤ ਹੋ ਜਾਂਦਾ ਹੈ। ਪਿਤਾ ਦੀ ਪ੍ਰਸੰਨਤਾ ਹੀ ਕਾਰੋਬਾਰ ਤੇ ਨੌਕਰੀ 'ਚ ਉੱਨਤੀ ਦੀ ਪਹਿਲੀ ਪੌੜੀ ਹੈ।

ਚੌਥੇ ਤੇ ਦਸਵੇਂ ਭਾਵ ਦਾ ਅੰਤਰ-ਸਬੰਧ

ਇਕ ਹੋਰ ਦ੍ਰਿਸ਼ਟੀਕੋਣ ਤੋਂ ਦੇਖੀਏ ਤਾਂ ਚੌਥਾ ਭਾਵ ਮਾਂ ਦਾ ਹੈ ਤਾਂ ਦਸਵਾਂ ਸਥਾਨ ਦਾ ਸਬੰਧ ਪਿਤਾ ਨਾਲ ਬਣਦਾ ਹੈ, ਇਸ ਲਈ ਦਸਵਾਂ ਸਥਾਨ ਪਿਤਾ ਅਤੇ ਕਰਮ ਦੋਵਾਂ ਨੂੰ ਦਿਖਾਉਂਦਾ ਹੈ। ਸੂਰਜ ਦੇਵ ਆਤਮਾ ਅਤੇ ਪਿਤਾ ਦੇ ਕਾਰਕ ਹਨ ਅਤੇ ਉਹੀ ਸੂਰਜ ਦਸਵੇਂ ਭਾਵ 'ਚ ਜਾ ਕੇ ਦਿਗਬਲੀ ਯਾਨੀ ਸਰਵਉੱਚ ਸ਼ਕਤੀਸ਼ਾਲੀ ਹੁੰਦੇ ਹਨ। ਸਾਫ਼ ਹੈ, ਪਿਤਾ ਦਾ ਸਾਥ ਅਤੇ ਸਨਮਾਨ ਹੀ ਜਾਤਕ ਨੂੰ ਕਰੀਅਰ ਦੇ ਸਿਖਰ 'ਤੇ ਪਹੁੰਚਾ ਸਕਦਾ ਹੈ।

ਜੇਕਰ ਪੁੱਤਰ ਦੀ ਕੁੰਡਲੀ 'ਚ ਲਗਨ ਰਾਸ਼ੀ ਤੋਂ ਪਿਤਾ ਦੀ ਕੁੰਡਲੀ ਰਾਸ਼ੀ ਵਿਚ 6ਵੇਂ ਭਾਵ ਦੇ ਨਾਲ ਮੇਲ ਖਾਂਦੀ ਹੈ, ਤਾਂ ਇਸ ਨਾਲ ਪੁੱਤਰ ਦੇ ਕਾਰਨ ਪਿਤਾ ਨੂੰ ਬਿਨਾਂ ਵਜ੍ਹਾ ਦੇ ਤਣਾਅ ਅਤੇ ਕਸ਼ਟਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਜਦਕਿ ਪੁੱਤਰ ਦੀ ਕੁੰਡਲੀ 'ਚ ਲਗਨ ਰਾਸ਼ੀ ਪਿਤਾ ਦੀ ਕੁੰਡਲੀ ਦੀ ਰਾਸ਼ੀ ਵਿਚ ਛੇਵੇਂ ਭਾਵ ਦੇ ਨਾਲ ਮੇਲ ਖਾਂਦੀ ਹੈ ਤਾਂ ਇਸ ਨਾਲ ਪਿਤਾ-ਪੁੱਤਰ ਦੇ ਰਿਸ਼ਤਿਆਂ ਵਿੱਚ ਦੂਰੀਆਂ ਅਤੇ ਦੁਸ਼ਮਣੀ ਵਰਗੇ ਭਾਵ ਦੇਖਣ ਨੂੰ ਮਿਲਦੇ ਹਨ।

ਕਰੀਅਰ ਦੀਆਂ ਰੁਕਾਵਟਾਂ ਦੂਰ ਕਰਨ ਦੇ ਸਰਲ ਉਪਾਅ

ਜੇਕਰ ਕਿਸੇ ਵੀ ਜਾਤਕ ਦੇ ਕਰੀਅਰ ਵਿੱਚ ਲਗਾਤਾਰ ਅੜਚਨਾਂ ਆ ਰਹੀਆਂ ਹੋਣ, ਤਾਂ ਜੋਤਸ਼ੀ ਨਿਯਮਾਂ ਦੇ ਅਨੁਸਾਰ ਹੇਠ ਲਿਖੀਆਂ ਗੱਲਾਂ 'ਤੇ ਵਿਸ਼ੇਸ਼ ਧਿਆਨ ਦੇਣਾ ਚਾਹੀਦਾ ਹੈ:

ਸਬੰਧਾਂ 'ਚ ਸੁਧਾਰ: ਸਭ ਤੋਂ ਪਹਿਲਾਂ ਆਪਣੇ ਨੌਵੇਂ ਭਾਵ ਯਾਨੀ ਆਪਣੇ ਪਿਤਾ ਦੇ ਨਾਲ ਸਬੰਧਾਂ ਨੂੰ ਸੁਧਾਰੋ। ਅਜਿਹਾ ਕਰਨ ਨਾਲ ਦਸਵਾਂ ਭਾਵ ਆਪਣੇ ਆਪ ਹੀ ਮਜ਼ਬੂਤ ਹੋ ਜਾਵੇਗਾ ਅਤੇ ਕਰੀਅਰ ਦੀਆਂ ਸਾਰੀਆਂ ਕਿਸਮਾਂ ਦੀਆਂ ਅੜਚਨਾਂ ਦੂਰ ਹੋ ਜਾਣਗੀਆਂ।

ਪਿਤਾ ਦਾ ਅਸ਼ੀਰਵਾਦ: ਹਰ ਰੋਜ਼ ਸਵੇਰੇ ਉੱਠ ਕੇ ਪਿਤਾ ਦੇ ਚਰਨ ਸਪਰਸ਼ ਕਰ ਕੇ ਉਨ੍ਹਾਂ ਦਾ ਆਸ਼ੀਰਵਾਦ ਲਓ, ਇਸ ਨਾਲ ਸੂਰਜ ਮਜ਼ਬੂਤ ਹੁੰਦਾ ਹੈ ਅਤੇ ਕਾਰੋਬਾਰ 'ਚ ਸਫ਼ਲਤਾ ਮਿਲਦੀ ਹੈ।

ਲੇਖਕ: ਸ਼੍ਰੀ ਚੰਦਰੇਸ਼ ਸ਼ਰਮਾ, astropatri.com, ਫੀਡਬੈਕ ਲਈ ਲਿਖੋ: hello@astropatri.com