ਤੇਜ਼ ਸੁਭਾਅ ਪਰ ਛਲ-ਕਪਟ ਤੋਂ ਦੂਰ...ਜਾਣੋ ਉਨ੍ਹਾਂ 4 ਰਾਸ਼ੀਆਂ ਬਾਰੇ, ਜਿਨ੍ਹਾਂ ਦਾ ਗੁੱਸਾ ਹੁੰਦੈ ਪਾਣੀ ਦੇ ਬੁਲਬੁਲੇ ਵਾਂਗ

ਧਰਮ ਡੈਸਕ, ਨਵੀਂ ਦਿੱਲੀ : ਕਈ ਵਾਰ ਅਸੀਂ ਅਜਿਹੇ ਲੋਕਾਂ ਨੂੰ ਮਿਲਦੇ ਹਾਂ ਜੋ ਛੋਟੀ ਜਿਹੀ ਗੱਲ 'ਤੇ ਨਾਰਾਜ਼ ਹੋ ਜਾਂਦੇ ਹਨ। ਉਨ੍ਹਾਂ ਦੀ ਆਵਾਜ਼ ਉੱਚੀ ਹੋ ਸਕਦੀ ਹੈ, ਤੁਰੰਤ ਪ੍ਰਤੀਕਿਰਿਆ ਦੇ ਸਕਦੇ ਹਨ ਜਾਂ ਆਪਣੀ ਗੱਲ ਖੁੱਲ੍ਹ ਕੇ ਕਹਿ ਸਕਦੇ ਹਨ। ਪਰ, ਇਸਦਾ ਇਹ ਮਤਲਬ ਨਹੀਂ ਹੁੰਦਾ ਕਿ ਉਹ ਦਿਲ ਦੇ ਬੁਰੇ ਹਨ। ਜੋਤਿਸ਼ ਸ਼ਾਸਤਰ 'ਚ ਕੁਝ ਰਾਸ਼ੀਆਂ ਬਾਰੇ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਦਾ ਸੁਭਾਅ ਥੋੜ੍ਹਾ ਉਗਰ ਹੋ ਸਕਦਾ ਹੈ, ਪਰ ਉਨ੍ਹਾਂ ਦੇ ਮਨ ਵਿਚ ਕਿਸੇ ਲਈ ਗਲਤ ਭਾਵਨਾ ਨਹੀਂ ਹੁੰਦੀ। ਉਹ ਜਲਦੀ ਗੁੱਸੇ ਜ਼ਰੂਰ ਹੁੰਦੇ ਹਨ, ਪਰ ਓਨੀ ਹੀ ਜਲਦੀ ਨਾਰਮਲ ਵੀ ਹੋ ਜਾਂਦੇ ਹਨ। ਇਸ ਆਰਟੀਕਲ 'ਚ ਅਸੀਂ ਉਨ੍ਹਾਂ ਹੀ ਚਾਰ ਰਾਸ਼ੀਆਂ ਬਾਰੇ ਗੱਲ ਕਰਾਂਗੇ ਜਿਨ੍ਹਾਂ ਦਾ ਗੁੱਸਾ ਬਿਲਕੁਲ ਪਾਣੀ ਦੇ ਬੁਲਬੁਲੇ ਵਾਂਗ ਹੁੰਦਾ ਹੈ-

ਮੇਖ ਰਾਸ਼ੀ (Aries)

ਮੇਖ ਰਾਸ਼ੀ ਦੇ ਲੋਕ ਕਾਫ਼ੀ ਜੋਸ਼ੀਲੇ ਤੇ ਊਰਜਾਵਾਨ ਮੰਨੇ ਜਾਂਦੇ ਹਨ। ਇਨ੍ਹਾਂ ਨੂੰ ਗਲਤ ਗੱਲ ਬਿਲਕੁਲ ਪਸੰਦ ਨਹੀਂ ਆਉਂਦੀ, ਇਸ ਲਈ ਜਦੋਂ ਕੁਝ ਇਨ੍ਹਾਂ ਦੇ ਮਨ ਦੇ ਉਲਟ ਹੁੰਦਾ ਹੈ ਤਾਂ ਇਹ ਤੁਰੰਤ ਆਪਣੀ ਪ੍ਰਤੀਕਿਰਿਆ ਦੇ ਦਿੰਦੇ ਹਨ। ਕਈ ਵਾਰ ਇਨ੍ਹਾਂ ਦਾ ਗੁੱਸਾ ਲੋਕਾਂ ਨੂੰ ਹੈਰਾਨ ਕਰ ਸਕਦਾ ਹੈ, ਪਰ ਸੱਚਾਈ ਇਹ ਹੈ ਕਿ ਇਹ ਜ਼ਿਆਦਾ ਦੇਰ ਤਕ ਨਾਰਾਜ਼ ਨਹੀਂ ਰਹਿੰਦੇ।

ਸਿੰਘ ਰਾਸ਼ੀ (Leo)

ਸਿੰਘ ਰਾਸ਼ੀ ਦੇ ਜਾਤਕਾਂ ਲਈ ਆਪਣੇ ਸਵਾਭਿਮਾਨ ਤੋਂ ਵਧ ਕੇ ਕੁਝ ਨਹੀਂ ਹੁੰਦਾ। ਜੇਕਰ ਕੋਈ ਉਨ੍ਹਾਂ ਦੀਆਂ ਭਾਵਨਾਵਾਂ ਜਾਂ ਸਨਮਾਨ ਨੂੰ ਠੇਸ ਪਹੁੰਚਾਏ ਤਾਂ ਉਹ ਤੁਰੰਤ ਨਾਰਾਜ਼ ਹੋ ਸਕਦੇ ਹਨ। ਹਾਲਾਂਕਿ, ਉਨ੍ਹਾਂ ਦਾ ਗੁੱਸਾ ਅਕਸਰ ਹਾਲਾਤ ਤਕ ਹੀ ਸੀਮਤ ਰਹਿੰਦਾ ਹੈ। ਇਹ ਲੋਕ ਦਿਲ ਦੇ ਬੇਹੱਦ ਉਦਾਰ ਹੁੰਦੇ ਹਨ ਤੇ ਆਪਣਿਆਂ ਦੇ ਲਈ ਹਰ ਸੰਭਵ ਮਦਦ ਕਰਨ ਨੂੰ ਤਿਆਰ ਰਹਿੰਦੇ ਹਨ। ਇਹੀ ਵਜ੍ਹਾ ਹੈ ਕਿ ਗੁੱਸਾ ਹੋਣ ਦੇ ਬਾਵਜੂਦ ਲੋਕ ਇਸ ਰਾਸ਼ੀ ਦੇ ਲੋਕਾਂ 'ਤੇ ਭਰੋਸਾ ਕਰਦੇ ਹਨ।

ਬ੍ਰਿਸ਼ਚਕ ਰਾਸ਼ੀ (Scorpio)

ਇਸ ਰਾਸ਼ੀ ਦੇ ਲੋਕ ਕਿਸੇ ਦੀਆਂ ਭਾਵਨਾਵਾਂ ਨੂੰ ਬਹੁਤ ਹੀ ਡੂੰਘਾਈ ਨਾਲ ਮਹਿਸੂਸ ਕਰਦੇ ਹਨ। ਭਾਵੇਂ ਹੀ, ਬਾਹਰੋਂ ਇਹ ਮਜ਼ਬੂਤ ਤੇ ਸਖ਼ਤ ਨਜ਼ਰ ਆਉਂਦੇ ਹਨ, ਪਰ ਅੰਦਰੋਂ ਕਾਫ਼ੀ ਸੰਵੇਦਨਸ਼ੀਲ ਹੋ ਸਕਦੇ ਹਨ। ਜਦੋਂ ਇਨ੍ਹਾਂ ਨੂੰ ਕਿਸੇ ਆਪਣੇ ਤੋਂ ਧੋਖਾ ਜਾਂ ਅਣਦੇਖੀ ਮਹਿਸੂਸ ਹੁੰਦੀ ਹੈ, ਉਦੋਂ ਇਨ੍ਹਾਂ ਦਾ ਗੁੱਸਾ ਸਾਹਮਣੇ ਆਉਂਦਾ ਹੈ। ਇਨ੍ਹਾਂ ਦੇ ਗੁੱਸੇ ਦੇ ਪਿੱਛੇ ਬੁਰੀ ਨੀਅਤ ਨਹੀਂ ਅਕਸਰ ਭਾਵਨਾਵਾਂ ਛੁਪੀਆਂ ਹੁੰਦੀਆਂ ਹਨ।

ਧਨੁ ਰਾਸ਼ੀ (Sagittarius)

ਧਨੁ ਰਾਸ਼ੀ ਦੇ ਜਾਤਕ ਸਾਫ਼-ਸੁਥਰੀਆਂ ਗੱਲਾਂ ਕਰਨ ਵਿਚ ਯਕੀਨ ਰੱਖਦੇ ਹਨ। ਇਹਨਾਂ ਨੂੰ ਦਿਖਾਵਾ ਜਾਂ ਝੂਠ ਪਸੰਦ ਨਹੀਂ ਹੁੰਦਾ। ਕਈ ਵਾਰ ਇਨ੍ਹਾਂ ਦੀ ਬੇਬਾਕੀ ਲੋਕਾਂ ਨੂੰ ਕਠੋਰ ਲੱਗ ਸਕਦੀ ਹੈ ਅਤੇ ਇਹੀ ਕਾਰਨ ਹੈ ਕਿ ਇਨ੍ਹਾਂ ਦੇ ਮਾਮਲੇ 'ਚ ਵਿਵਾਦ ਦੀ ਸਥਿਤੀ ਵੀ ਬਣ ਸਕਦੀ ਹੈ। ਪਰ, ਇਨ੍ਹਾਂ ਦਾ ਮਕਸਦ ਕਿਸੇ ਨੂੰ ਚੋਟ ਪਹੁੰਚਾਉਣਾ ਨਹੀਂ ਹੁੰਦਾ। ਇਹ ਸੱਚ ਬੋਲਣ ਅਤੇ ਸਹੀ ਗੱਲ ਦਾ ਸਾਥ ਦੇਣ ਵਿਚ ਵਿਸ਼ਵਾਸ ਰੱਖਦੇ ਹਨ।

ਜੋਤਿਸ਼ ਅਨੁਸਾਰ, ਮੇਖ, ਸਿੰਘ, ਬ੍ਰਿਸ਼ਚਕ ਤੇ ਧਨੁ ਰਾਸ਼ੀ ਦੇ ਲੋਕ ਸੁਭਾਅ ਤੋਂ ਥੋੜ੍ਹੇ ਗੁੱਸੇ ਵਾਲੇ ਹੋ ਸਕਦੇ ਹਨ, ਪਰ ਉਨ੍ਹਾਂ ਦੇ ਦਿਲ ਵਿਚ ਛਲ-ਕਪਟ ਨਹੀਂ ਹੁੰਦਾ। ਉਹ ਆਪਣੀਆਂ ਭਾਵਨਾਵਾਂ ਨੂੰ ਦਬਾਉਣ ਦੇ ਬਜਾਏ ਖੁੱਲ੍ਹ ਕੇ ਪ੍ਰਗਟ ਕਰਦੇ ਹਨ ਅਤੇ ਰਿਸ਼ਤਿਆਂ ਵਿੱਚ ਇਮਾਨਦਾਰੀ ਨੂੰ ਸਭ ਤੋਂ ਜ਼ਿਆਦਾ ਮਹੱਤਵ ਦਿੰਦੇ ਹਨ।