ਕੀ ਤੁਹਾਡੀ ਜਨਮ ਤਰੀਕ ਤੈਅ ਕਰਦੀ ਹੈ ਤੁਹਾਡਾ ਪਿਆਰ? ਜਾਣੋ ਕਿਹੜੇ ਅੰਕ ਵਾਲੀਆਂ ਕੁੜੀਆਂ ਰਿਸ਼ਤਿਆਂ 'ਚ ਹੁੰਦੀਆਂ ਨੇ ਭਾਵੁਕ ਤੇ ਕੌਣ ਨੇ 'ਪ੍ਰੈਕਟੀਕਲ'

ਧਰਮ ਡੈਸਕ, ਨਵੀਂ ਦਿੱਲੀ: ਅੰਕ ਜੋਤਿਸ਼ (Numerology) ਚ ਹਰ ਮੁਲਾਂਕ ਦੀ ਆਪਣੀ ਵੱਖਰੀ ਊਰਜਾ ਤੇ ਇਮੋਸ਼ਨਲ ਸਮਝ ਹੁੰਦੀ ਹੈ। ਕਿਸੇ ਇਨਸਾਨ ਦੀ ਸੋਚ, ਰਿਸ਼ਤਿਆਂ ਨੂੰ ਨਿਭਾਉਣ ਦਾ ਤਰੀਕਾ ਤੇ ਲਗਾਵ ਉਸ ਦੀ ਜਨਮ ਤਰੀਕ ਨਾਲ ਜੁੜੇ ਮੁਲਾਂਕ ਤੋਂ ਪ੍ਰਭਾਵਿਤ ਹੁੰਦਾ ਹੈ।

ਅੰਕ ਸ਼ਾਸਤਰ ਦੀ ਮਦਦ ਨਾਲ ਅਸੀਂ ਇਹ ਪਤਾ ਲਗਾ ਸਕਦੇ ਹਾਂ ਕਿ ਕਿਹੜੇ ਅੰਕ ਵਾਲੀਆਂ ਕੁੜੀਆਂ ਪਿਆਰ 'ਚ ਜਲਦੀ ਭਾਵੁਕ ਹੋ ਜਾਂਦੀਆਂ ਹਨ ਅਤੇ ਕਿਹੜੀਆਂ ਕੁੜੀਆਂ ਬੜੀ ਆਸਾਨੀ ਨਾਲ ਰਿਸ਼ਤੇ ਵਿੱਚੋਂ ਬਾਹਰ ਨਿਕਲ (Move on) ਜਾਂਦੀਆਂ ਹਨ।

ਇਮੋਸ਼ਨਲ ਤੌਰ 'ਤੇ ਜਲਦੀ ਜੁੜਨ (Attach) ਵਾਲੀਆਂ ਕੁੜੀਆਂ ਦੇ ਮੁਲਾਂਕ:

ਮੁਲਾਂਕ 2 ਦੀਆਂ ਕੁੜੀਆਂ

ਅੰਕ ਸ਼ਾਸਤਰ 'ਚ ਮੁਲਾਂਕ 2 ਨੂੰ ਕਾਫ਼ੀ ਇਮੋਸ਼ਨਲ ਮੰਨਿਆ ਜਾਂਦਾ ਹੈ। ਇਸ ਮੁਲਾਂਕ ਦੀਆਂ ਕੁੜੀਆਂ ਸਧਾਰਨ ਸੁਭਾਅ ਦੀਆਂ ਹੁੰਦੀਆਂ ਹਨ, ਜਿਸ ਕਾਰਨ ਉਹ ਜਲਦੀ ਹੀ ਕਿਸੇ ਵੀ ਰਿਸ਼ਤੇ 'ਚ ਜੁੜ ਜਾਂਦੀਆਂ ਹਨ ਅਤੇ ਸਾਹਮਣੇ ਵਾਲੇ ਦੀਆਂ ਛੋਟੀਆਂ-ਛੋਟੀਆਂ ਗੱਲਾਂ ਨੂੰ ਵੀ ਦਿਲ 'ਤੇ ਲੈਂਦੀਆਂ ਹਨ।

ਮੁਲਾਂਕ 6

ਇਸ ਅੰਕ ਨੂੰ ਪਿਆਰ, ਦੇਖਭਾਲ ਅਤੇ ਪਰਿਵਾਰ ਨਾਲ ਜੋੜਿਆ ਜਾਂਦਾ ਹੈ। ਮੁਲਾਂਕ 6 ਦੀਆਂ ਕੁੜੀਆਂ ਰਿਸ਼ਤੇ ਨੂੰ ਬਹੁਤ ਗੰਭੀਰਤਾ ਨਾਲ ਲੈਂਦੀਆਂ ਹਨ। ਇਹ ਵਫ਼ਾਦਾਰ ਹੁੰਦੀਆਂ ਹਨ ਅਤੇ ਬਹੁਤ ਜਲਦੀ ਇਮੋਸ਼ਨਲ ਰਿਸ਼ਤਾ ਬਣਾ ਲੈਂਦੀਆਂ ਹਨ। ਕਈ ਵਾਰ ਜ਼ਿਆਦਾ ਲਗਾਵ ਉਹਨਾਂ ਲਈ ਪ੍ਰੇਸ਼ਾਨੀ ਵੀ ਬਣ ਜਾਂਦਾ ਹੈ।

ਮੁਲਾਂਕ 9

ਮੁਲਾਂਕ 9 ਦੀਆਂ ਕੁੜੀਆਂ ਦਿਲ ਤੋਂ ਰਿਸ਼ਤੇ ਨਿਭਾਉਣ 'ਚ ਮਾਹਰ ਹੁੰਦੀਆਂ ਹਨ। ਉਹ ਪਿਆਰ 'ਚ ਪੂਰੀ ਤਰ੍ਹਾਂ ਸਮਰਪਿਤ ਹੁੰਦੀਆਂ ਹਨ। ਜੇਕਰ ਰਿਸ਼ਤੇ 'ਚ ਦੂਰੀ ਆ ਜਾਵੇ, ਤਾਂ ਉਹਨਾਂ ਲਈ ਉਸ ਨੂੰ ਭੁਲਾਉਣਾ ਆਸਾਨ ਨਹੀਂ ਹੁੰਦਾ।

ਜਲਦੀ Move On ਕਰਨ ਵਾਲੀਆਂ ਕੁੜੀਆਂ :

ਮੁਲਾਂਕ 5

ਇਸ ਮੁਲਾਂਕ ਦੀਆਂ ਕੁੜੀਆਂ ਸੁਭਾਅ ਤੋਂ ਕਾਫ਼ੀ ਆਜ਼ਾਦ-ਖ਼ਿਆਲ ਅਤੇ ਪ੍ਰੈਕਟੀਕਲ ਹੁੰਦੀਆਂ ਹਨ। ਉਹ ਜ਼ਿੰਦਗੀ 'ਚ ਹੋਣ ਵਾਲੇ ਬਦਲਾਅ ਨੂੰ ਜਲਦੀ ਸਵੀਕਾਰ ਕਰ ਲੈਂਦੀਆਂ ਹਨ। ਜੇਕਰ ਰਿਸ਼ਤਾ ਬੋਝ ਲੱਗੇ, ਤਾਂ ਉਹ ਇਮੋਸ਼ਨਲ ਦਰਦ ਸਹਿਣ ਦੀ ਬਜਾਏ ਅੱਗੇ ਵਧਣਾ ਬਿਹਤਰ ਸਮਝਦੀਆਂ ਹਨ।

ਮੁਲਾਂਕ 1

ਮੁਲਾਂਕ 1 ਦੀਆਂ ਕੁੜੀਆਂ ਆਪਣੀ Self-respect ਨੂੰ ਸਭ ਤੋਂ ਉੱਪਰ ਰੱਖਦੀਆਂ ਹਨ। ਜੇਕਰ ਉਹਨਾਂ ਨੂੰ ਰਿਸ਼ਤੇ 'ਚ ਅਣਦੇਖੀ ਜਾਂ ਅਪਮਾਨ ਮਹਿਸੂਸ ਹੋਵੇ, ਤਾਂ ਉਹ ਤੁਰੰਤ ਬਾਹਰ ਆ ਜਾਂਦੀਆਂ ਹਨ। ਉਹਨਾਂ ਦਾ ਧਿਆਨ ਪਿਆਰ ਨਾਲੋਂ ਜ਼ਿਆਦਾ ਆਪਣੇ ਟੀਚਿਆਂ (Goals) 'ਤੇ ਹੁੰਦਾ ਹੈ।

ਮੁਲਾਂਕ 7

ਇਹ ਕੁੜੀਆਂ ਆਮ ਤੌਰ 'ਤੇ ਆਪਣੀਆਂ ਭਾਵਨਾਵਾਂ ਨੂੰ ਖੁੱਲ੍ਹ ਕੇ ਜ਼ਾਹਰ ਨਹੀਂ ਕਰਦੀਆਂ। ਬ੍ਰੇਕਅੱਪ ਤੋਂ ਬਾਅਦ ਉਹ ਇਕੱਲੇ ਰਹਿ ਕੇ ਖ਼ੁਦ ਨੂੰ ਸੰਭਾਲਣਾ ਪਸੰਦ ਕਰਦੀਆਂ ਹਨ। ਇਸੇ ਕਾਰਨ ਲੋਕਾਂ ਨੂੰ ਲੱਗਦਾ ਹੈ ਕਿ ਉਹ ਬਹੁਤ ਜਲਦੀ ਮੂਵ-ਆਨ ਕਰ ਗਈਆਂ ਹਨ।

ਡਿਸਕਲੇਮਰ: ਇਸ ਲੇਖ 'ਚ ਦੱਸੇ ਗਏ ਉਪਾਅ/ਲਾਭ/ਸਲਾਹ ਅਤੇ ਬਿਆਨ ਸਿਰਫ਼ ਆਮ ਜਾਣਕਾਰੀ ਲਈ ਹਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਇੱਥੇ ਇਸ ਲੇਖ ਫੀਚਰ 'ਚ ਲਿਖੀਆਂ ਗੱਲਾਂ ਦਾ ਸਮਰਥਨ ਨਹੀਂ ਕਰਦਾ। ਇਸ ਲੇਖ 'ਚ ਸ਼ਾਮਲ ਜਾਣਕਾਰੀ ਵੱਖ-ਵੱਖ ਮਾਧਿਅਮਾਂ/ਜੋਤਸ਼ੀਆਂ/ਪੰਚਾਂਗ/ਪ੍ਰਵਚਨਾਂ/ਮਾਨਤਾਵਾਂ/ਧਰਮ ਗ੍ਰੰਥਾਂ ਤੋਂ ਇਕੱਠੀ ਕੀਤੀ ਗਈ ਹੈ। ਪਾਠਕਾਂ ਨੂੰ ਬੇਨਤੀ ਹੈ ਕਿ ਲੇਖ ਨੂੰ ਅੰਤਿਮ ਸੱਚ ਜਾਂ ਦਾਅਵਾ ਨਾ ਮੰਨਣ ਅਤੇ ਆਪਣੇ ਵਿਵੇਕ ਦੀ ਵਰਤੋਂ ਕਰਨ। ਪੰਜਾਬੀ ਜਾਗਰਣ ਅਤੇ ਜਾਗਰਣ ਨਿਊ ਮੀਡੀਆ ਅੰਧਵਿਸ਼ਵਾਸ ਦੇ ਖ਼ਿਲਾਫ਼ ਹੈ।