ਟ੍ਰਾਈਡੈਂਟ ਗਰੁੱਪ ਨੂੰ ‘ਗ੍ਰੇਟ ਪਲੇਸ ਟੂ ਵਰਕ ਸਰਟੀਫਿਕੇਸ਼ਨ

95 ਫ਼ੀਸਦੀ ਕਰਮਚਾਰੀਆਂ ਨੇ ਜਤਾਇਆ ਭਰੋਸਾ ਯਾਦਵਿੰਦਰ ਸਿੰਘ ਭੁੱਲਰ, ਪੰਜਾਬੀ ਜਾਗਰਣ, ਬਰਨਾਲਾ ਦੁਨੀਆ ਦੇ ਸਭ ਤੋਂ ਵੱਡੇ ਹੋਮ ਟੈਕਸਟਾਈਲ ਨਿਰਮਾਤਾਵਾਂ ਵਿੱਚੋਂ ਇੱਕ ਅਤੇ ਟੈਰੀ ਤੌਲੀਏ ਅਤੇ ਕਣਕ ਦੀ ਪਰਾਲੀ ਆਧਾਰਿਤ ਕਾਗਜ਼ ਦੇ ਉਤਪਾਦਨ ’ਚ ਵਿਸ਼ਵ ਪੱਧਰੀ ਅਗੇਤੀ ਕੰਪਨੀ ਟ੍ਰਾਈਡੈਂਟ ਗਰੁੱਪ ਨੂੰ ਪਹਿਲੀ ਵਾਰ ਗ੍ਰੇਟ ਪਲੇਸ ਟੂ ਵਰਕ ਸਰਟੀਫਿਕੇਸ਼ਨ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਮਾਣ ਪੂਰੀ ਤਰ੍ਹਾਂ ਕੰਪਨੀ ਦੇ ਕਰਮਚਾਰੀਆਂ ਵੱਲੋਂ ਦਿੱਤੇ ਗਏ ਫੀਡਬੈਕ ਦੇ ਆਧਾਰ ਤੇ ਮਿਲਿਆ ਹੈ। ਸਰਵੇਖਣ ’ਚ ਟ੍ਰਾਈਡੈਂਟ ਦੇ 95 ਫ਼ੀਸਦੀ ਕਰਮਚਾਰੀਆਂ ਨੇ ਕੰਪਨੀ ਨੂੰ ਕੰਮ ਕਰਨ ਲਈ ਸ਼ਾਨਦਾਰ ਸਥਾਨ ਕਰਾਰ ਦਿੱਤਾ, ਜੋ ਰਾਸ਼ਟਰੀ ਔਸਤ ਨਾਲੋਂ ਕਾਫ਼ੀ ਵੱਧ ਹੈ। ਗ੍ਰੇਟ ਪਲੇਸ ਟੂ ਵਰਕ ਕਾਰਜ-ਸੰਸਕ੍ਰਿਤੀ, ਕਰਮਚਾਰੀਆਂ ਦੇ ਤਜਰਬੇ ਅਤੇ ਅਜਿਹੀ ਲੀਡਰਸ਼ਿਪ ਦੇ ਮੁਲਾਂਕਣ ਲਈ ਵਿਸ਼ਵ ਦੀ ਪ੍ਰਮੁੱਖ ਸੰਸਥਾ ਹੈ, ਜੋ ਸੰਸਥਾਵਾਂ ਨੂੰ ਬਿਹਤਰ ਕਾਰੋਬਾਰੀ ਨਤੀਜੇ, ਕਰਮਚਾਰੀਆਂ ਦੀ ਲੰਬੇ ਸਮੇਂ ਤੱਕ ਨਿਭਾਅ ਅਤੇ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ’ਚ ਮਦਦ ਕਰਦੀ ਹੈ। ਸੰਸਥਾ ਵੱਲੋਂ ਜਾਰੀ ਬਿਆਨ ਅਨੁਸਾਰ, “ਤੇਜ਼ੀ ਨਾਲ ਬਦਲ ਰਹੀ ਤਕਨਾਲੋਜੀ ਅਤੇ ਕਾਰਜ-ਸਥਾਨਾਂ ’ਚ ਵੱਧ ਰਹੀ ਅਨਿਸ਼ਚਿਤਤਾ ਦੇ ਦੌਰ ’ਚ ਟ੍ਰਾਈਡੈਂਟ ਗਰੁੱਪ ਨੇ ਅਜਿਹੀ ਕਾਰਜ-ਸੰਸਕ੍ਰਿਤੀ ਵਿਕਸਿਤ ਕਰਨ ਲਈ ਆਪਣੀ ਵਚਨਬੱਧਤਾ ਦਰਸਾਈ ਹੈ, ਜਿੱਥੇ ਹਰ ਕਰਮਚਾਰੀ ਆਪਣੇ ਆਪ ਨੂੰ ਸੁਰੱਖਿਅਤ, ਸਨਮਾਨਿਤ ਅਤੇ ਮਹੱਤਵਪੂਰਨ ਮਹਿਸੂਸ ਕਰਦਾ ਹੈ।” ਟ੍ਰਾਈਡੈਂਟ ਗਰੁੱਪ ਇੰਡੀਆ ਦੀ ਗਰੁੱਪ ਚੀਫ਼ ਹਿਊਮਨ ਰਿਸੋਰਸਿਜ਼ ਅਫ਼ਸਰ ਪੂਜਾ ਲੂਥਰਾ ਨੇ ਕਿਹਾ, “ਕਰਮਚਾਰੀਆਂ ਦੀ ਭਲਾਈ ਦੇ ਮਾਮਲੇ ’ਚ ਅਸੀਂ ਹਮੇਸ਼ਾ ਉਦਯੋਗ ’ਚ ਅੱਗੇ ਰਹੇ ਹਾਂ। ਹੁਣ ਗ੍ਰੇਟ ਪਲੇਸ ਟੂ ਵਰਕ ਵੱਲੋਂ ਮਿਲੀ ਇਹ ਮਾਨਤਾ ਸਾਡੇ ਲਈ ਮਾਣ ਦੀ ਗੱਲ ਹੈ ਅਤੇ ਇਹ ਉੱਚ ਭਰੋਸੇ ਅਤੇ ਉੱਚ ਪ੍ਰਦਰਸ਼ਨ ਵਾਲੀ ਕਾਰਜ-ਸੰਸਕ੍ਰਿਤੀ ਲਈ ਇੱਕ ਨਵਾਂ ਮਾਪਦੰਡ ਸਥਾਪਤ ਕਰਦੀ ਹੈ। ਸਾਡੇ ਲਈ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ 95 ਫ਼ੀਸਦੀ ਸਕੋਰ ਸਾਡੇ ਆਪਣੇ ਕਰਮਚਾਰੀਆਂ ਦੀ ਰਾਏ ਤੇ ਆਧਾਰਿਤ ਹੈ। ਇਹ ਇਸ ਗੱਲ ਦਾ ਸਬੂਤ ਹੈ ਕਿ ਉਹ ਆਪਣੇ ਆਪ ਨੂੰ ਅਜਿਹੇ ਕਾਰਜ-ਸਥਾਨ ਦਾ ਹਿੱਸਾ ਸਮਝਦੇ ਹਨ, ਜਿੱਥੇ ਭਰੋਸੇ ਦਾ ਮਾਹੌਲ ਹੈ ਅਤੇ ਬਿਹਤਰ ਪ੍ਰਦਰਸ਼ਨ ਨੂੰ ਨਿਰਪੱਖ ਢੰਗ ਨਾਲ ਸਨਮਾਨਿਤ ਕੀਤਾ ਜਾਂਦਾ ਹੈ।” ਪਿਛਲੇ ਕੁਝ ਸਾਲਾਂ ’ਚ, ਕੰਪਨੀ ਨੇ ਆਧੁਨਿਕ ਕਰਮਚਾਰੀਆਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਕਈ ਕਰਮਚਾਰੀ-ਅਨੁਕੂਲ ਨੀਤੀਆਂ ਲਾਗੂ ਕੀਤੀਆਂ ਹਨ। ਇਨ੍ਹਾਂ ’ਚ ਮਾਹਵਾਰੀ ਛੁੱਟੀ, ਪਿਤਾ ਬਣਨ ਤੇ ਛੁੱਟੀ, ਗੋਦ ਲੈਣ ’ਚ ਸਹਾਇਤਾ, ਲਚਕਦਾਰ ਥੋੜ੍ਹੇ ਸਮੇਂ ਦੀ ਛੁੱਟੀ, ਸਿਹਤ ਅਤੇ ਜੀਵਨ ਬੀਮਾ, ਨਿਯਮਤ ਸਿਹਤ ਜਾਂਚ, ਅਤੇ ਕਿਰਾਏ, ਯਾਤਰਾ, ਭੋਜਨ ਅਤੇ ਖਰੀਦਦਾਰੀ ਨਾਲ ਸਬੰਧਤ ਕਈ ਲਾਭ ਸ਼ਾਮਲ ਹਨ। ਇਨ੍ਹਾਂ ਪਹਿਲਕਦਮੀਆਂ ਦਾ ਉਦੇਸ਼ ਕਰਮਚਾਰੀਆਂ ਦੇ ਪੇਸ਼ੇਵਰ ਅਤੇ ਨਿੱਜੀ ਜੀਵਨ ’ਚ ਬਿਹਤਰ ਸੰਤੁਲਨ ਨੂੰ ਯਕੀਨੀ ਬਣਾਉਣਾ ਹੈ, ਜੋ ਕਿ ਉਨ੍ਹਾਂ ਦੀ ਸਮੁੱਚੀ ਭਲਾਈ ਪ੍ਰਤੀ ਕੰਪਨੀ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ। ਗ੍ਰੇਟ ਪਲੇਸ ਟੂ ਵਰਕ ਦੀ ਵਾਈਸ ਪ੍ਰੈਜ਼ੀਡੈਂਟ (ਗਲੋਬਲ ਰਿਕੋਗਨੀਸ਼ਨ) ਸਾਰਾਹ ਲੂਇਸ-ਕੂਲਿਨ ਨੇ ਕਿਹਾ, “ਗ੍ਰੇਟ ਪਲੇਸ ਟੂ ਵਰਕ ਸਰਟੀਫਿਕੇਸ਼ਨ ਇੱਕ ਬਹੁਤ ਹੀ ਮਾਣਯੋਗ ਪ੍ਰਾਪਤੀ ਹੈ, ਜਿਸ ਲਈ ਕਰਮਚਾਰੀਆਂ ਦੇ ਸਮੁੱਚੇ ਤਜਰਬੇ ਨੂੰ ਬਿਹਤਰ ਬਣਾਉਣ ਲਈ ਨਿਰੰਤਰ ਅਤੇ ਸੋਚ-ਸਮਝ ਕੇ ਯਤਨ ਕਰਨੇ ਪੈਂਦੇ ਹਨ। ਇਹ ਇਕਲੌਤੀ ਅਧਿਕਾਰਤ ਮਾਨਤਾ ਹੈ ਜੋ ਕਰਮਚਾਰੀਆਂ ਵੱਲੋਂ ਆਪਣੀ ਕੰਪਨੀ ਦੀ ਕਾਰਜ-ਸੰਸਕ੍ਰਿਤੀ ਬਾਰੇ ਦਿੱਤੇ ਗਏ ਅਸਲ ਫੀਡਬੈਕ ਤੇ ਆਧਾਰਿਤ ਹੁੰਦੀ ਹੈ। ਇਹ ਸਰਟੀਫਿਕੇਸ਼ਨ ਹਾਸਲ ਕਰਕੇ ਟ੍ਰਾਈਡੈਂਟ ਗਰੁੱਪ ਨੇ ਸਾਬਤ ਕੀਤਾ ਹੈ ਕਿ ਉਹ ਆਪਣੇ ਕਰਮਚਾਰੀਆਂ ਨੂੰ ਸ਼ਾਨਦਾਰ ਕਾਰਜ-ਮਾਹੌਲ ਪ੍ਰਦਾਨ ਕਰਨ ਵਾਲੀਆਂ ਮੋਹਰੀ ਕੰਪਨੀਆਂ ’ਚੋਂ ਇੱਕ ਹੈ।” ਗ੍ਰੇਟ ਪਲੇਸ ਟੂ ਵਰਕ ਦੀ ਖੋਜ ਮੁਤਾਬਕ, ਸਰਟੀਫਾਈਡ ਸੰਸਥਾਵਾਂ ’ਚ ਨੌਕਰੀ ਕਰਨ ਵਾਲੇ ਲੋਕਾਂ ਨੂੰ ਇੱਕ ਬਿਹਤਰ ਮੈਨੇਜਰ ਮਿਲਣ ਦੀ ਸੰਭਾਵਨਾ 4.5 ਗੁਣਾ ਵੱਧ ਹੁੰਦੀ ਹੈ। ਇਸ ਤੋਂ ਇਲਾਵਾ ਅਜਿਹੀਆਂ ਸੰਸਥਾਵਾਂ ਦੇ 93 ਫ਼ੀਸਦੀ ਕਰਮਚਾਰੀ ਹਰ ਰੋਜ਼ ਕੰਮ ਤੇ ਜਾਣ ਲਈ ਉਤਸ਼ਾਹਿਤ ਰਹਿੰਦੇ ਹਨ ਅਤੇ ਉਨ੍ਹਾਂ ਨੂੰ ਨਿਰਪੱਖ ਤਨਖ਼ਾਹ, ਕੰਪਨੀ ਦੇ ਮੁਨਾਫ਼ੇ ’ਚ ਉਚਿਤ ਹਿੱਸਾ ਅਤੇ ਤਰੱਕੀ ਦੇ ਬਰਾਬਰ ਮੌਕੇ ਮਿਲਣ ਦੀ ਸੰਭਾਵਨਾ ਵੀ ਦੋਗੁਣੀ ਹੁੰਦੀ ਹੈ।