ਬਰਨਾਲਾ ਦੀ ਸਿਆਸਤ ’ਚ ਨਵੀਂ ਰੂਹ ਫੂਕ ਰਿਹਾ 'ਬਰਨਾਲਾ ਪਰਿਵਾਰ' ਦਾ ਚਿਰਾਗ ਐਡਵੋਕੇਟ ਸਿਮਰ ਪ੍ਰਤਾਪ ਸਿੰਘ

ਯਾਦਵਿੰਦਰ ਸਿੰਘ ਭੁੱਲਰ, ਪੰਜਾਬੀ ਜਾਗਰਣ, ਬਰਨਾਲਾ : ਮਾਲਵੇ ਦੀ ਸਿਆਸਤ ’ਚ ਬਰਨਾਲਾ ਨਾਮ ਕਿਸੇ ਪਛਾਣ ਦਾ ਮੁਹਤਾਜ ਨਹੀਂ ਹੈ। ਪੰਜਾਬ ਦੇ ਮਰਹੂਮ ਸਾਬਕਾ ਮੁੱਖ ਮੰਤਰੀ ਅਤੇ ਕਈ ਸੂਬਿਆਂ ਦੇ ਰਾਜਪਾਲ ਰਹੇ ਸੁਰਜੀਤ ਸਿੰਘ ਬਰਨਾਲਾ ਦੀ ਸਿਆਸੀ ਵਿਰਾਸਤ ਨੂੰ ਅੱਗੇ ਤੋਰਦਿਆਂ, ਉਨ੍ਹਾਂ ਦੇ ਪੋਤਰੇ ਐਡਵੋਕੇਟ ਸਿਮਰ ਪ੍ਰਤਾਪ ਸਿੰਘ ਬਰਨਾਲਾ ਅੱਜ-ਕੱਲ੍ਹ ਬਰਨਾਲਾ ਹਲਕੇ ਅੰਦਰ ਇੱਕ ਨਵੇਂ ਅਤੇ ਉੱਭਰਦੇ ਹੋਏ ਸਿਆਸੀ ਚਿਹਰੇ ਵਜੋਂ ਸਾਹਮਣੇ ਆ ਰਹੇ ਹਨ। ਪਿਛਲੇ ਕੁਝ ਸਮੇਂ ਤੋਂ ਹਲਕਾ ਬਰਨਾਲਾ ’ਚ ਉਨ੍ਹਾਂ ਦੀਆਂ ਵਧੀਆਂ ਸਿਆਸੀ ਅਤੇ ਸਮਾਜਿਕ ਗਤੀਵਿਧੀਆਂ ਨੇ ਖੇਤਰ ਦੇ ਸਿਆਸੀ ਸਮੀਕਰਨਾਂ ਨੂੰ ਇੱਕ ਨਵੀਂ ਦਿਸ਼ਾ ਦੇਣੀ ਸ਼ੁਰੂ ਕਰ ਦਿੱਤੀ ਹੈ। ਕਿਉਂਕਿ ਲੰਬੇ ਸਮੇਂ ਬਾਅਦ ਬਰਨਾਲਾ ਕੋਠੀ ’ਚ ਸਮਰਥਕਾਂ ਦੀਆਂ ਰੌਣਕਾਂ ਪਰਤੀਆਂ ਹਨ, ਆਪਣੇ ਦਾਦੇ ਵਾਂਗ ਹਸਮੁੱਖ ਤੇ ਹਮੇਸ਼ਾ ਠਰੰਮੇ ਤੇ ਹਲੀਮੀ ਨਾਲ ਲੋਕਾਂ ’ਚ ਵਿਚਰਣਾ, ਹਰ ਇਕ ਦੇ ਦੁੱਖ ਸੁੱਖ ਦਾ ਪਾਂਧੀ ਬਣਿਆ ਐਡਵੋਕੇਟ ਸਿਮਰਪ੍ਰਤਾਪ ਸਿੰਘ ਬਰਨਾਲਾ ਨੇ ਜਿਥੇ ਬਰਨਾਲਾ ਕੋਠੀ ’ਚ ਸਮਰਥਕ ਤੇ ਹੋਰ ਸਿਆਸੀ ਪਾਰਟੀਆਂ ਦੇ ਆਗੂਆਂ ਦੇ ਆਉਣ ਜਾਣ ਨਾਲ ਰੌਣਕ ਪਰਤੀ ਹੈ, ਉਥੇ ਹੀ ਬਰਨਾਲਾ ’ਚ ਸਿਆਸੀ ਸਮੀਕਰਣ ਵੀ ਜਲਦ ਬਦਲਣਗੇ। :ਬਾਕਸ ਨਿਊਜ: ਉੱਚ-ਵਿੱਦਿਆ ਪ੍ਰਾਪਤ ਅਤੇ ਨਵੀਂ ਸੋਚ ਦੇ ਮਾਲਕ ਐਡਵੋਕੇਟ ਸਿਮਰ ਪ੍ਰਤਾਪ ਸਿੰਘ ਬਰਨਾਲਾ ਦੇਸ਼ ਦੀ ਨਾਮਵਰ ਲਾਅ ਯੂਨੀਵਰਸਿਟੀ ਤੋਂ ਕਾਨੂੰਨ ਦੀ ਉੱਚ ਵਿੱਦਿਆ (ਬੀਏ, ਐਲਐਲਬੀ) ਪ੍ਰਾਪਤ ਕਰਕੇ ਸਿਆਸਤ ਦੇ ਮੈਦਾਨ ’ਚ ਨਿੱਤਰੇ ਹਨ। ਸਾਬਕਾ ਵਿਧਾਇਕ ਗਗਨਜੀਤ ਸਿੰਘ ਬਰਨਾਲਾ ਦੇ ਸਪੁੱਤਰ ਸਿਮਰ ਪ੍ਰਤਾਪ ਜਿੱਥੇ ਪਰਿਵਾਰ ਦੀ ਪੁਰਾਣੀ ਸਿਆਸੀ ਗੁੜ੍ਹਤੀ ਰੱਖਦੇ ਹਨ, ਉੱਥੇ ਹੀ ਉਹ ਅੱਜ ਦੇ ਦੌਰ ਦੀ ਨੌਜਵਾਨ ਪੀੜ੍ਹੀ ਦੀਆਂ ਲੋੜਾਂ ਅਤੇ ਨਵੀਂ ਸੋਚ ਤੋਂ ਵੀ ਚੰਗੀ ਤਰ੍ਹਾਂ ਵਾਕਿਫ਼ ਹਨ। ਉਨ੍ਹਾਂ ਦੀ ਸਾਊ ਦਿੱਖ, ਸੂਝਵਾਨ ਪਹੁੰਚ ਅਤੇ ਗੰਭੀਰ ਸੁਭਾਅ ਸਥਾਨਕ ਲੋਕਾਂ ਨੂੰ ਤੇਜ਼ੀ ਨਾਲ ਪ੍ਰਭਾਵਿਤ ਕਰ ਰਿਹਾ ਹੈ। :ਬਾਕਸ ਨਿਊਜ: ਬਰਨਾਲਾ ਹਲਕੇ ’ਚ ਵਧਦਾ ਸਿਆਸੀ ਤੇ ਸਮਾਜਿਕ ਆਧਾਰ ਪਿਛਲੇ ਕੁਝ ਸਮੇਂ ਦੌਰਾਨ ਸਿਮਰ ਪ੍ਰਤਾਪ ਸਿੰਘ ਨੇ ਬਰਨਾਲਾ ਹਲਕੇ ਦੇ ਸ਼ਹਿਰੀ ਅਤੇ ਪੇਂਡੂ ਇਲਾਕਿਆਂ ’ਚ ਆਪਣੀ ਸਰਗਰਮੀ ਬਹੁਤ ਜ਼ਿਆਦਾ ਤੇਜ਼ ਕਰ ਦਿੱਤੀ ਹੈ। ਉਨ੍ਹਾਂ ਵੱਲੋਂ ਨਿਭਾਈਆਂ ਜਾ ਰਹੀਆਂ ਪ੍ਰਮੁੱਖ ਭੂਮਿਕਾਵਾਂ ਇਸ ਪ੍ਰਕਾਰ ਹਨ। ਲੋਕ ਰਾਬਤਾ ਮੁਹਿੰਮ: ਉਹ ਲਗਾਤਾਰ ਪਿੰਡਾਂ ਅਤੇ ਸ਼ਹਿਰ ਦੇ ਵਾਰਡਾਂ ’ਚ ਜਾ ਕੇ ਲੋਕਾਂ ਦੇ ਦੁੱਖ-ਸੁੱਖ ’ਚ ਸ਼ਾਮਲ ਹੋ ਰਹੇ ਹਨ ਅਤੇ ਆਮ ਲੋਕਾਂ ਦੇ ਮਸਲਿਆਂ ਨੂੰ ਪ੍ਰਸ਼ਾਸਨ ਕੋਲ ਉਠਾ ਕੇ ਉਨ੍ਹਾਂ ਦੇ ਹੱਲ ਲਈ ਆਵਾਜ਼ ਬੁਲੰਦ ਕਰ ਰਹੇ ਹਨ। ਨੌਜਵਾਨਾਂ ਦੀ ਲਾਮਬੰਦੀ: ਹਲਕੇ ਦੇ ਵੱਡੀ ਗਿਣਤੀ ਨੌਜਵਾਨ ਉਨ੍ਹਾਂ ਦੀ ਅਗਵਾਈ ਹੇਠ ਲਾਮਬੰਦ ਹੋ ਰਹੇ ਹਨ। ਸਿਮਰ ਪ੍ਰਤਾਪ ਅਕਸਰ ਨੌਜਵਾਨਾਂ ਨੂੰ ਰੁਜ਼ਗਾਰ ਦੇ ਮੌਕੇ ਮੁਹੱਈਆ ਕਰਵਾਉਣ, ਖੇਡਾਂ ਵੱਲ ਪ੍ਰੇਰਿਤ ਕਰਨ ਅਤੇ ਨਸ਼ਿਆਂ ਵਿਰੁੱਧ ਇੱਕਜੁੱਟ ਕਰਨ ਲਈ ਯਤਨਸ਼ੀਲ ਨਜ਼ਰ ਆਉਂਦੇ ਹਨ। ਸਮਾਜਿਕ ਅਤੇ ਵਾਤਾਵਰਨ ਕਾਰਜ: ਸਿਆਸਤ ਤੋਂ ਹਟ ਕੇ ਉਹ ਵਾਤਾਵਰਨ ਨੂੰ ਬਚਾਉਣ ਲਈ ਰੁੱਖ ਲਗਾਓ, ਧਰਤੀ ਬਚਾਓ ਵਰਗੀਆਂ ਮੁਹਿੰਮਾਂ ਅਤੇ ਸਮਾਜ ਭਲਾਈ ਦੇ ਕੰਮਾਂ ’ਚ ਵੀ ਵੱਧ-ਚੜ੍ਹ ਕੇ ਹਿੱਸਾ ਲੈਂਦੇ ਹਨ, ਜਿਸ ਕਾਰਨ ਆਮ ਜਨਤਾ ’ਚ ਉਨ੍ਹਾਂ ਦਾ ਅਕਸ ਇੱਕ ਸੁਹਿਰਦ ਅਤੇ ਜ਼ਿੰਮੇਵਾਰ ਆਗੂ ਵਜੋਂ ਉੱਭਰਿਆ ਹੈ। :ਬਾਕਸ ਨਿਊਜ: ਅਕਾਲੀ ਦਲ ਲਈ ਇੱਕ ਮਜ਼ਬੂਤ ਥੰਮ ਸੀਨੀਅਰ ਅਕਾਲੀ ਆਗੂ ਵਜੋਂ ਵਿਚਰਦਿਆਂ, ਸਿਮਰ ਪ੍ਰਤਾਪ ਸਿੰਘ ਬਰਨਾਲਾ ਖੇਤਰ ’ਚ ਸ੍ਰੋਮਣੀ ਅਕਾਲੀ ਦਲ ਦੀਆਂ ਸਫ਼ਾਂ ਨੂੰ ਮਜ਼ਬੂਤ ਕਰਨ ਲਈ ਦਿਨ-ਰਾਤ ਇੱਕ ਕਰ ਰਹੇ ਹਨ। ਪੰਥਕ ਅਤੇ ਖੇਤਰੀ ਰਾਜਨੀਤੀ ਦੀ ਗੱਲ ਕਰਦਿਆਂ, ਉਹ ਪੰਜਾਬ ਦੇ ਹੱਕਾਂ ਅਤੇ ਬਰਨਾਲਾ ਖੇਤਰ ਦੇ ਵਿਕਾਸ ਦੀ ਆਵਾਜ਼ ਨੂੰ ਹਮੇਸ਼ਾ ਤਰਜੀਹ ਦਿੰਦੇ ਹਨ। ਉਨ੍ਹਾਂ ਦੀਆਂ ਵਧਦੀਆਂ ਸਰਗਰਮੀਆਂ ਨੇ ਪਾਰਟੀ ਦੇ ਪੁਰਾਣੇ ਅਤੇ ਨਵੇਂ ਵਰਕਰਾਂ ’ਚ ਇੱਕ ਨਵਾਂ ਉਤਸ਼ਾਹ ਅਤੇ ਏਕਤਾ ਭਰ ਦਿੱਤੀ ਹੈ। ਸਿਆਸੀ ਮਾਹਿਰਾਂ ਦਾ ਕਹਿਣਾ ਹੈ: ਬਰਨਾਲਾ ਹਲਕੇ ’ਚ ਇੱਕ ਪੜ੍ਹੇ-ਲਿਖੇ, ਨੌਜਵਾਨ ਅਤੇ ਸਾਫ਼-ਸੁਥਰੇ ਅਕਸ ਵਾਲੇ ਚਿਹਰੇ ਦੀ ਲੰਬੇ ਸਮੇਂ ਤੋਂ ਲੋੜ ਮਹਿਸੂਸ ਕੀਤੀ ਜਾ ਰਹੀ ਸੀ। ਸਿਮਰ ਪ੍ਰਤਾਪ ਸਿੰਘ ਬਰਨਾਲਾ ਆਪਣੇ ਦਾਦਾ ਦੀ ਸਿਆਸੀ ਵਿਰਾਸਤ ਨੂੰ ਸੰਭਾਲਦਿਆਂ ਇਸ ਖਲਾਅ ਨੂੰ ਬਹੁਤ ਵਧੀਆ ਤਰੀਕੇ ਨਾਲ ਭਰ ਰਹੇ ਹਨ। :ਬਾਕਸ ਨਿਊਜ: ਆਉਣ ਵਾਲੇ ਸਮੇਂ ਦੀਆਂ ਚੁਣੌਤੀਆਂ ਤੇ ਸੰਭਾਵਨਾਵਾਂ ਹਾਲਾਂਕਿ ਬਰਨਾਲਾ ਦੀ ਸਿਆਸਤ ’ਚ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਵਿਚਾਲੇ ਹਮੇਸ਼ਾ ਸਖ਼ਤ ਮੁਕਾਬਲਾ ਦੇਖਣ ਨੂੰ ਮਿਲਦਾ ਹੈ, ਪਰ ਸਿਮਰ ਪ੍ਰਤਾਪ ਸਿੰਘ ਜਿਸ ਨਿਮਰਤਾ, ਲਗਨ ਅਤੇ ਜ਼ਮੀਨੀ ਪੱਧਰ ਤੇ ਲੋਕਾਂ ਨਾਲ ਜੁੜ ਕੇ ਕੰਮ ਕਰ ਰਹੇ ਹਨ, ਉਹ ਆਉਣ ਵਾਲੇ ਸਮੇਂ ’ਚ ਉਨ੍ਹਾਂ ਨੂੰ ਹਲਕੇ ਦੇ ਇੱਕ ਵੱਡੇ ਲੀਡਰ ਵਜੋਂ ਸਥਾਪਿਤ ਕਰ ਸਕਦੀ ਹੈ। ਵਿਰੋਧੀਆਂ ਦੀਆਂ ਚੁਣੌਤੀਆਂ ਦੇ ਬਾਵਜੂਦ, ਬਰਨਾਲਾ ਹਾਊਸ ਦੀ ਰਵਾਇਤੀ ਪਕੜ ਅਤੇ ਸਿਮਰ ਪ੍ਰਤਾਪ ਦੀ ਨਿੱਜੀ ਮਿਹਨਤ ਉਨ੍ਹਾਂ ਦੇ ਸਿਆਸੀ ਕੱਦ-ਕਾਠ ਨੂੰ ਲਗਾਤਾਰ ਉੱਚਾ ਚੁੱਕ ਰਹੀ ਹੈ। ਨਿਸ਼ਚਿਤ ਤੌਰ ਤੇ, ਐਡਵੋਕੇਟ ਸਿਮਰ ਪ੍ਰਤਾਪ ਸਿੰਘ ਬਰਨਾਲਾ ਦੀਆਂ ਬਰਨਾਲਾ ਹਲਕੇ ’ਚ ਵੱਧ ਰਹੀਆਂ ਇਹ ਗਤੀਵਿਧੀਆਂ ਆਉਣ ਵਾਲੇ ਸਮੇਂ ’ਚ ਪੰਜਾਬ ਅਤੇ ਖਾਸ ਕਰਕੇ ਮਾਲਵੇ ਦੀ ਸਿਆਸਤ ’ਚ ਬੇਹੱਦ ਅਹਿਮ ਰੋਲ ਅਦਾ ਕਰਨਗੀਆਂ।