ਜੱਥੇ ਨੇ ਮਨੀਕਰਨ ਸਾਹਿਬ ਸਮੇਤ ਧਾਰਮਿਕ ਅਸਥਾਨਾਂ ਦੇ ਕੀਤੇ ਦਰਸ਼ਨ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਬਰਨਾਲਾ : ਗੁਰਦੁਆਰਾ ਬ੍ਰਹਮ ਗਿਆਨੀ ਬਾਬਾ ਨਾਮਦੇਵ ਜੀ, ਬਰਨਾਲਾ ਤੋਂ ਹਰ ਸਾਲ ਬੱਸਾਂ ਰਾਹੀਂ ਹਰ ਸਾਲ ਸੰਗਤ ਨੂੰ ਵੱਖ-ਵੱਖ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰਵਾਏ ਜਾਂਦੇ ਹਨ। ਇਸ ਸਾਲ ਵੀ ਗੁਰਜੰਟ ਸਿੰਘ ਸੋਨਾ ਵੱਲੋਂ 50 ਸੰਗਤਾਂ ਦਾ ਜੱਥਾ ਧਾਰਮਿਕ ਅਸਥਾਨਾਂ ਦੇ ਦਰਸ਼ਨਾਂ ਲਈ ਲਿਜਾਇਆ ਗਿਆ। ਗੁਰਜੰਟ ਸਿੰਘ ਸੋਨਾ ਪਿਛਲੇ ਲਗਭਗ 23 ਸਾਲਾਂ ਤੋਂ ਲਗਾਤਾਰ ਸੰਗਤਾਂ ਨੂੰ ਦੇਸ਼ ਦੇ ਪ੍ਰਸਿੱਧ ਧਾਰਮਿਕ ਅਸਥਾਨਾਂ ਦੇ ਦਰਸ਼ਨ ਕਰਵਾ ਰਹੇ ਹਨ। ਇਸ ਯਾਤਰਾ ਦੀ ਸ਼ੁਰੂਆਤ ਗੁਰਦੁਆਰਾ ਬਾਬਾ ਨਾਮਦੇਵ ਜੀ, ਬਰਨਾਲਾ ਤੋਂ ਹੋਈ। ਜਥੇ ਨੇ ਸਭ ਤੋਂ ਪਹਿਲਾਂ ਰਾੜਾ ਸਾਹਿਬ, ਗੁਰਦੁਆਰਾ ਪਤਾਲਪੁਰੀ ਸਾਹਿਬ, ਕੀਰਤਪੁਰ ਸਾਹਿਬ ਅਤੇ ਹੋਰ ਪਵਿੱਤਰ ਅਸਥਾਨਾਂ ਦੇ ਦਰਸ਼ਨ ਕੀਤੇ। ਯਾਤਰਾ ਦੌਰਾਨ ਸੰਗਤਾਂ ਨੇ ਹਰੀ ਹਰ ਘਾਟ ਗੁਰਦੁਆਰਾ ਸ੍ਰੀ ਮਨੀਕਰਨ ਸਾਹਿਬ ਵਿਖੇ ਨਤਮਸਤਕ ਹੋਏ। ਇਸ ਮੌਕੇ ਸਿਵ ਮੰਦਰ, ਰਾਮ ਮੰਦਰ, ਬ੍ਰਹਮ ਗੰਗਾ ਅਤੇ ਮਾਤਾ ਪਾਰਵਤੀ ਨਦੀ ਦੇ ਦਰਸ਼ਨ ਵੀ ਕੀਤੇ ਗਏ। ਸੰਗਤਾਂ ਨੇ ਹਸੀਨ ਵਾਦੀਆਂ, ਪਹਾੜਾਂ ਦੇ ਦਿਲਚਸਪ ਨਜ਼ਾਰਿਆਂ, ਝਰਨਿਆਂ ਦੇ ਵਗਦੇ ਪਾਣੀ ਅਤੇ ਠੰਢੇ ਸੁਹਾਵਣੇ ਮੌਸਮ ਦਾ ਭਰਪੂਰ ਆਨੰਦ ਮਾਣਿਆ। ਨਾਲ ਹੀ ਮਨੀਕਰਨ ਦੀਆਂ ਪ੍ਰਸਿੱਧ ਗਰਮ ਅਤੇ ਠੰਢੀਆਂ ਗੁਫਾਵਾਂ ਦਾ ਵੀ ਦੌਰਾ ਕੀਤਾ। ਮਨੀਕਰਨ ਸਾਹਿਬ ਤੋਂ ਅੱਗੇ ਜਥੇ ਨੇ ਕੁੱਲੂ ਅਤੇ ਮਨਾਲੀ ਦੀਆਂ ਸੁੰਦਰ ਵਾਦੀਆਂ ਦੀ ਸੈਰ ਕੀਤੀ। ਮਨਾਲੀ ਵਿਖੇ ਰੋਹਤਾਂਗ ਦੇ ਨਜ਼ਾਰੇ ਵੇਖਣ ਉਪਰੰਤ ਸੰਗਤਾਂ ਨੇ ਸਥਾਨਕ ਬਾਜ਼ਾਰਾਂ ’ਚ ਖਰੀਦਦਾਰੀ ਕੀਤੀ ਅਤੇ ਹਿਡਿੰਬਾ ਮੰਦਰ ਅਤੇ ਵਨ ਵਿਹਾਰ ਪਾਰਕ ਦਾ ਦੌਰਾ ਕੀਤਾ। ਵਾਪਸੀ ਦੌਰਾਨ ਮਾਤਾ ਨੈਣਾ ਦੇਵੀ ਅਤੇ ਤਖ਼ਤ ਸ੍ਰੀ ਕੇਸਗੜ੍ਹ ਸਾਹਿਬ, ਅਨੰਦਪੁਰ ਸਾਹਿਬ ਦੇ ਦਰਸ਼ਨ ਕਰਕੇ ਜਥਾ ਸੁਰੱਖਿਅਤ ਤੌਰ ਤੇ ਬਰਨਾਲਾ ਪਹੁੰਚਿਆ। ਇਸ ਮੌਕੇ ਯਾਤਰਾ ਇੰਚਾਰਜ ਗੁਰਜੰਟ ਸਿੰਘ ਸੋਨਾ ਨੇ ਦੱਸਿਆ ਕਿ ਉਹ ਪਿਛਲੇ ਕਰੀਬ 23 ਸਾਲਾਂ ਤੋਂ ਸੰਗਤਾਂ ਨੂੰ ਧਾਰਮਿਕ ਯਾਤਰਾਵਾਂ ਕਰਵਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਹਰ ਸਾਲ ਸੰਗਤਾਂ ਨੂੰ ਗੁਰਦੁਆਰਾ ਸ੍ਰੀ ਰੀਠਾ ਸਾਹਿਬ (ਉੱਤਰਾਖੰਡ), ਗੁਰਦੁਆਰਾ ਸ੍ਰੀ ਮਨੀਕਰਨ ਸਾਹਿਬ, ਗੁਰਦੁਆਰਾ ਘੁਮਾਣ ਸਾਹਿਬ, ਸੱਚਖੰਡ ਸ੍ਰੀ ਹਰਿਮੰਦਰ ਸਾਹਿਬ ਅਤੇ ਗੁਰਦੁਆਰਾ ਸ੍ਰੀ ਕਰਤਾਰਪੁਰ ਸਾਹਿਬ (ਪਾਕਿਸਤਾਨ) ਸਮੇਤ ਹੋਰ ਅਨੇਕ ਧਾਰਮਿਕ ਅਸਥਾਨਾਂ ਦੇ ਦਰਸ਼ਨ ਕਰਵਾਏ ਜਾਂਦੇ ਹਨ। ਯਾਤਰਾ ਦੌਰਾਨ ਗੁਰਜੰਟ ਸਿੰਘ ਸੋਨਾ, ਹਰਕੀਰਤ ਸਿੰਘ, ਛਿੰਦਰ ਕੌਰ, ਕਿਰਨਜੀਤ ਕੌਰ, ਮਨਪ੍ਰੀਤ ਕੌਰ, ਸੁਰਿੰਦਰ ਕੌਰ ਧਨੌਲਾ, ਗੁਰਮੀਤ ਕੌਰ ਘੋਲੀਆ ਕਲਾਂ, ਗੁਰਤੇਜ ਸਿੰਘ, ਸੁਰੇਸ਼ ਕੁਮਾਰ, ਸੰਜੀਵ ਕੁਮਾਰ, ਕਰਨੈਲ ਸਿੰਘ, ਪਰਮਿੰਦਰ ਸਿੰਘ ਮਹਿਲ ਕਲਾਂ, ਹਰਪ੍ਰੀਤ ਸਿੰਘ, ਜਸਵੀਰ ਸਿੰਘ ਤਪਾ, ਕੁਲਵਿੰਦਰ ਸਿੰਘ, ਰਣਜੀਤ ਕੌਰ, ਰਜਨੀ ਸ਼ਰਮਾ, ਰੀਤ, ਬਲਵਿੰਦਰ ਕੌਰ ਤਰਨ ਤਾਰਨ, ਪਰਮਿੰਦਰ ਸਿੰਘ ਪਿੰਟੂ, ਸੰਦੀਪ ਬਾਵਾ, ਨੀਸੂ ਸ਼ਰਮਾ, ਦੀਪ ਅਤੇ ਸ਼ਕੁੰਤਲਾ ਦੇਵੀ ਸਮੇਤ ਵੱਡੀ ਗਿਣਤੀ ’ਚ ਸੰਗਤਾਂ ਹਾਜ਼ਰ ਸਨ।