ਪਟਿਆਲਾ 'ਚ ਦਰਦਨਾਕ ਹਾਦਸਾ: ਸੀਵਰੇਜ ਦੀ ਸਫਾਈ ਕਰਨ ਉੱਤਰੇ ਨੌਜਵਾਨ ਦੀ ਮੌਤ, ਸਾਥੀ ਦੀ ਹਾਲਤ ਨਾਜ਼ੁਕ

ਸੀਨੀਅਰ ਰਿਪੋਰਟਰ, ਪੰਜਾਬੀ ਜਾਗਰਣ ਪਟਿਆਲਾ : ਸੀਵਰੇਜ ਦੀ ਸਫ਼ਾਈ ਕਰਨ ਉੱਤਰੇ ਇਕ ਨੌਜਵਾਨ ਦੀ ਗੈਸ ਚੜ੍ਹਨ ਨਾਲ ਮੌਤ ਹੋ ਗਈ ਜਦੋਂਕਿ ਦੂਸਰੇ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਮ੍ਰਿਤਕ ਦੀ ਪਛਾਣ ਭੋਲਾ ਵਾਸੀ ਦੀਪ ਨਗਰ ਪਟਿਆਲਾ ਵਜੋਂ ਹੋਂਈ ਹੈ। ਮ੍ਰਿਤਕ ਦੇ ਭਰਾ ਮਦਨ ਨੇ ਦੱਸਿਆ ਕਿ ਸਵੇਰੇ ਕਿਸੇ ਦੇ ਫੋਨ ਆਇਆ ਕਿ ਦੋ ਲੜਕੇ ਸੀਵਰੇਜ ਦੇ ਅੰਦਰ ਡਿੱਗ ਗਏ। ਜਾ ਕੇ ਪਤਾ ਲੱਗਿਆ ਕਿ ਸੀਵਰੇਜ ਦੀ ਸਫਾਈ ਦੌਰਾਨ ਇਕ ਨੌਜਵਾਨ ਅੰਦਰ ਹੀ ਰਹਿ ਗਿਆ, ਜਿਸਨੂੰ ਲੱਭਣ ਲਈ ਭੋਲਾ ਵੀ ਅੰਦਰ ਗਿਆ ਸੀ ਪਰ ਉਹ ਵੀ ਅੰਦਰ ਹੀ ਰਹਿ ਗਿਆ।

ਸੀਵਰੇਜ 'ਚੋਂ ਬਾਹਰ ਕੱਢ ਕੇ ਦੋਹਾਂ ਨੂੰ ਹਸਪਤਾਲ ਲਿਆਂਦਾ ਗਿਆ ਜਿੱਥੇ ਭੋਲੇ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਤੇ ਦੂਸਰੇ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਮਦਨ ਅਨੁਸਾਰ ਉਸਦਾ ਭਰਾ ਕਮੇਟੀ 'ਚ ਕੰਮ ਨਹੀਂ ਕਰਦਾ ਪਰ ਹੋਰ ਸਾਥੀਆਂ ਨਾਲ ਗਿਆ ਸੀ।