ਪੰਜਾਬ ਪੁਲਿਸ ਦੀ ਵੱਡੀ ਕਾਰਵਾਈ: 'ਆਪ੍ਰੇਸ਼ਨ ਪ੍ਰਹਾਰ' ਤਹਿਤ ਸਰਹੱਦੀ ਇਲਾਕਿਆਂ 'ਚੋਂ ਗੈਂਗਸਟਰਾਂ ਦੇ 56 ਸਾਥੀ ਕਾਬੂ

ਸੁਰੱਖਿਆ ਦੇ ਲਹਾਜ਼ ਨਾਲ 2,550 ਵਾਹਨਾਂ ਦੀ ਗਹਿਰਾਈ ਨਾਲ ਚੈੱਕਿੰਗ ਕੀਤੀ ਗਈ, ਜਿਸ ਵਿੱਚੋਂ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ 554 ਵਾਹਨਾਂ ਦੇ ਚਾਲਾਨ ਕਟੇ। ਡੀਆਈਜੀ ਬਾਰਡਰ ਰੇਂਜ ਹਰਮਨਬੀਰ ਸਿੰਘ ਗਿੱਲ ਨੇ ਦੱਸਿਆ ਕਿ ਇਸ ਦੌਰਾਨ 162 ਹੋਟਲਾਂ/ਗੈਸਟ ਹਾਊਸਾਂ ਅਤੇ 104 ਰੇਲਵੇ ਸਟੇਸ਼ਨਾਂ, ਬੱਸ ਸਟੈਂਡਾਂ ਅਤੇ ਹੋਰ ਸੰਵੇਦਨਸ਼ੀਲ ਥਾਵਾਂ ਦੀ ਬਰੀਕੀ ਨਾਲ ਜਾਂਚ ਕੀਤੀ। ਜ਼ਮੀਨੀ ਪੱਧਰ ਤੇ ਸਹਿਯੋਗ ਬਣਾਏ ਰੱਖਣ ਲਈ ਵਿਲੇਜ ਡਿਫ਼ੈਂਸ ਕਮੇਟੀ ਅਤੇ ਵਰਡ ਡਿਫ਼ੈਂਸ ਕਮੇਟੀ ਦੇ ਮੈਂਬਰਾਂ ਨਾਲ 11 ਸੰਪਰਕ ਮੀਟਿੰਗਾਂ ਵੀ ਆਯੋਜਿਤ ਕੀਤੀਆਂ ਗਈਆਂ। ਡੀਆਈਜੀ ਹਰਮਨਬੀਰ ਸਿੰਘ ਨੇ ਦੱਸਿਆ ਕਿ ਗੈਂਗਸਟਰਨ ਦੇ 56 ਸਾਥੀ ਗ੍ਰਿਫ਼ਤਾਰ ਕੀਤੇ ਗਏ। ਪ੍ਰੀਵੈਂਟਿਵ ਐਕਸ਼ਨ ਅਧੀਨ 176 ਲੋਕ ਗ੍ਰਿਫ਼ਤਾਰ ਕੀਤੇ ਗਏ। ਇਸ ਦੌਰਾਨ, ਚਾਰ ਪਿਸਟਲਾਂ ਅਤੇ ਸੱਤ ਕਾਰਤੂਸ ਬਰਾਮਦ ਕੀਤੇ ਗਏ। ਨਾਲ ਹੀ, 1.04 ਕਿਲੋ ਹਿਰੋਇਨ ਅਤੇ 2,32,180 ਮਿਲੀਲੀਟਰ ਗੈਰਕਾਨੂੰਨੀ ਸ਼ਰਾਬ ਵੀ ਰਿਕਵਰ ਕੀਤੀ ਗਈ।