ਕੁਦਰਤ ਦੇ ਵਿਹੜੇ 'ਚ ਗੂੰਜਿਆ ਯੋਗ ਦਾ ਸੰਦੇਸ਼: ਗਾਜ਼ੀਪੁਰ ਅਰਬਨ ਫਾਰੈਸਟ ਵਿਖੇ ਉਤਸ਼ਾਹ ਨਾਲ ਮਨਾਇਆ 'ਕੌਮਾਂਤਰੀ ਯੋਗ ਦਿਵਸ'

ਇਸ ਮੌਕੇ ਐਨਐੱਮਆਈਐੱਮਐੱਸ ਯੂਨੀਵਰਸਿਟੀ ਅਤੇ ਚੰਡੀਗੜ੍ਹ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੇ ਵੱਖ-ਵੱਖ ਯੋਗ ਆਸਨਾਂ ਅਤੇ ਪ੍ਰਾਣਾਯਾਮ ਦਾ ਅਭਿਆਸ ਕੀਤਾ। ਸਮਾਗਮ ਵਿੱਚ ਗ੍ਰੀਨ ਪਲੈਨੇਟ ਸੋਸਾਇਟੀ ਦੇ ਜਗਬੀਰ ਸਿੰਘ ਮਹਲਾ, ਕੇ.ਕੇ. ਸੋਨੀ, ਉਪਾਸਨਾ, ਸੰਜੀਤ ਅਤੇ ਹੋਰ ਮੈਂਬਰ ਵੀ ਹਾਜ਼ਰ ਰਹੇ। ਸਮਾਗਮ ਦੇ ਅੰਤ ਵਿੱਚ ਭਾਗੀਦਾਰਾਂ ਨੇ ਯੋਗ ਨੂੰ ਆਪਣੀ ਰੋਜ਼ਾਨਾ ਜ਼ਿੰਦਗੀ ਦਾ ਹਿੱਸਾ ਬਣਾਉਣ ਅਤੇ ਵਾਤਾਵਰਨ ਸੰਭਾਲ ਲਈ ਜਾਗਰੂਕ ਰਹਿਣ ਦਾ ਸੰਕਲਪ ਲਿਆ। ਪ੍ਰਕਿਰਤੀ ਦੀ ਗੋਦ ਵਿੱਚ ਕਰਵਾਏ ਇਸ ਯੋਗ ਸੈਸ਼ਨ ਨੇ ਸਿਹਤ, ਚੇਤਨਾ ਅਤੇ ਵਾਤਾਵਰਨ ਪ੍ਰਤੀ ਸਾਂਝੀ ਜ਼ਿੰਮੇਵਾਰੀ ਦਾ ਸੰਦੇਸ਼ ਦਿੱਤਾ।