ਮੋਹਾਲੀ ਖਪਤਕਾਰ ਫੋਰਮ ਦਾ ਵੱਡਾ ਫੈਸਲਾ: ਬਿਲਡਰ ਨੂੰ ਫਲੈਟ ਬੁਕਿੰਗ ਦੀ ਰਕਮ ਵਿਆਜ ਸਮੇਤ ਮੋੜਨ ਦਾ ਆਦੇਸ਼

ਜਾਗਰਣ ਸੰਵਾਦਦਾਤਾ, ਮੋਹਾਲੀ : ਫਲੈਟ ਬੁੱਕ ਕਰਵਾਉਣ ਤੋਂ ਬਾਅਦ ਐਗਰੀਮੈਂਟ ਨਾ ਕਰਨਾ ਅਤੇ ਬੈਂਕ ਲੋਨ ਲਈ ਜ਼ਰੂਰੀ ਦਸਤਾਵੇਜ਼ ਮੁਹੱਈਆ ਨਾ ਕਰਵਾਉਣਾ ਬਿਲਡਰ ਨੂੰ ਹੁਣ ਮਹਿੰਗਾ ਪਵੇਗਾ। ਉਸ ਨੂੰ ਬੁਕਿੰਗ ਰਕਮ 16.36 ਲੱਖ ਰੁਪਏ 9 ਫੀਸਦੀ ਸਾਲਾਨਾ ਵਿਆਜ ਸਮੇਤ ਵਾਪਸ ਕਰਨੀ ਪਵੇਗੀ। ਇਸ ਦੇ ਨਾਲ ਹੀ ਖਪਤਕਾਰ ਨੂੰ ਮਾਨਸਿਕ ਪਰੇਸ਼ਾਨੀ, ਤੰਗ-ਪਰੇਸ਼ਾਨ ਕਰਨ ਤੇ ਮੁਕੱਦਮੇਬਾਜ਼ੀ ਦੇ ਖਰਚੇ ਵਜੋਂ 2.25 ਲੱਖ ਰੁਪਏ ਵੱਖਰੇ ਤੌਰ 'ਤੇ ਦੇਣੇ ਹੋਣਗੇ। ਇਹ ਫੈਸਲਾ ਮੋਹਾਲੀ ਜ਼ਿਲ੍ਹਾ ਖਪਤਕਾਰ ਫੋਰਮ ਨੇ ਸੁਣਾਇਆ ਹੈ। ਮਾਮਲਾ ਸੈਕਟਰ-113 ਸਥਿਤ ਰੀਅਲਕੋਨ ਪਾਰਕ ਹਾਈਟਸ 'ਚ ਫਲੈਟ ਬੁੱਕ ਕਰਵਾਉਣ ਨਾਲ ਸਬੰਧਤ ਹੈ। ਇਸ ਸਬੰਧੀ ਚੰਡੀਗੜ੍ਹ ਵਾਸੀ ਬਲਵਿੰਦਰ ਕੌਰ ਨੇ 28 ਮਈ 2023 ਨੂੰ ਸ਼ਿਕਾਇਤ ਦਰਜ ਕਰਵਾਈ ਸੀ।