- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
15 ਅਕਤੂਬਰ ਤੋਂ ਮਹਿੰਗੀ ਹੋਵੇਗੀ ਆਮ ਆਦਮੀ ਦੀ ਸਵਾਰੀ, ਸਾਈਕਲ ਦੀ ਕੀਮਤ 'ਚ ਇੰਨੇ ਰੁਪਏ ਦਾ ਹੋਵੇਗਾ ਵਾਧਾ
ਐਸੋਸੀਏਸ਼ਨ ਨੇ ਸਪੱਸ਼ਟ ਕੀਤਾ ਕਿ ਸਾਈਕਲਾਂ ਦੀਆਂ ਕੀਮਤਾਂ ਵਧਾਉਣ ਦਾ ਫ਼ੈਸਲਾ ਹਰੇਕ ਨਿਰਮਾਤਾ ਆਪਣੀ ਲਾਗਤ, ਕਾਰੋਬਾਰੀ ਹਾਲਾਤ ਅਤੇ ਬਾਜ਼ਾਰ ਦੀ ਮੰਗ ਨੂੰ ਧਿਆਨ 'ਚ ਰੱਖ ਕੇ ਸੁਤੰਤਰ ਤੌਰ 'ਤੇ ਕਰੇਗਾ।
Posted By Seema Anand
Publish Date: Fri, 09 Oct 2026 01:51 PM (IST)
Updated Date: Fri, 09 Oct 2026 02:05 PM (IST)
ਮੁਨੀਸ਼ ਸ਼ਰਮਾ, ਲੁਧਿਆਣਾ : ਸਾਈਕਲ ਬਣਾਉਣ 'ਚ ਵਰਤੇ ਜਾਣ ਵਾਲੇ ਕੱਚੇ ਮਾਲ ਦੀਆਂ ਕੀਮਤਾਂ 'ਚ ਲਗਾਤਾਰ ਹੋ ਰਹੇ ਵਾਧੇ ਕਾਰਨ ਉਦਯੋਗ 'ਤੇ ਲਾਗਤ ਦਾ ਦਬਾਅ ਵਧ ਗਿਆ ਹੈ। ਪਿਛਲੇ ਇਕ ਮਹੀਨੇ ਦੌਰਾਨ ਸਟੀਲ ਦੀ ਕੀਮਤ ਪ੍ਰਤੀ ਟਨ ਕਰੀਬ 7,000 ਰੁਪਏ ਵਧ ਗਈ ਹੈ। ਇਸ ਤੋਂ ਇਲਾਵਾ ਪਲਾਸਟਿਕ ਦਾਣੇ, ਕਾਗਜ਼, ਤੇਲ, ਪੇਂਟ, ਕੈਮੀਕਲ ਅਤੇ ਹੋਰ ਜ਼ਰੂਰੀ ਪੁਰਜ਼ਿਆਂ ਦੀਆਂ ਕੀਮਤਾਂ 'ਚ ਵੀ ਵਾਧਾ ਹੋਇਆ ਹੈ।
ਇਸ ਦਾ ਅਸਰ ਸਾਈਕਲ ਨਿਰਮਾਤਾਵਾਂ ਦੀ ਉਤਪਾਦਨ ਲਾਗਤ 'ਤੇ ਪੈ ਰਿਹਾ ਹੈ। ਅਜਿਹੇ 'ਚ ਬਾਜ਼ਾਰ ਦੇ ਹਾਲਾਤ ਅਤੇ ਆਪਣੀ ਲਾਗਤ ਨੂੰ ਧਿਆਨ 'ਚ ਰੱਖਦਿਆਂ ਨਿਰਮਾਤਾ 15 ਅਕਤੂਬਰ ਤੋਂ ਸਾਈਕਲ ਦੀਆਂ ਕੀਮਤਾਂ 'ਚ ਪ੍ਰਤੀ ਸਾਈਕਲ 160 ਰੁਪਏ ਤੱਕ ਦਾ ਵਾਧਾ ਕਰਨਗੇ।
ਇਸ ਸਬੰਧ 'ਚ ਜੀ-13 ਐਸੋਸੀਏਸ਼ਨ ਦੇ ਮੈਂਬਰਾਂ ਦੀ ਬੈਠਕ ਹੋਈ। ਬੈਠਕ ਦੌਰਾਨ ਕੱਚੇ ਮਾਲ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਉਦਯੋਗ ਨੂੰ ਦਰਪੇਸ਼ ਚੁਣੌਤੀਆਂ ਬਾਰੇ ਚਰਚਾ ਕੀਤੀ ਗਈ। ਕਾਰੋਬਾਰੀਆਂ ਨੇ ਕਿਹਾ ਕਿ ਉਤਪਾਦਨ ਲਈ ਲੋੜੀਂਦੇ ਸਾਮਾਨ ਦੀ ਲਾਗਤ ਲਗਾਤਾਰ ਵਧਣ ਕਾਰਨ ਉਤਪਾਦਨ ਖ਼ਰਚੇ ਅਤੇ ਕਾਰੋਬਾਰ ਦਾ ਪੂਰਾ ਹਿਸਾਬ-ਕਿਤਾਬ ਪ੍ਰਭਾਵਿਤ ਹੋ ਰਿਹਾ ਹੈ। ਅਜਿਹੇ 'ਚ ਕੰਪਨੀਆਂ ਲਈ ਮੌਜੂਦਾ ਕੀਮਤਾਂ 'ਤੇ ਸਾਈਕਲਾਂ ਦੀ ਸਪਲਾਈ ਜਾਰੀ ਰੱਖਣਾ ਮੁਸ਼ਕਲ ਹੁੰਦਾ ਜਾ ਰਿਹਾ ਹੈ।
ਨਿਰਮਾਤਾ ਆਪਣੇ ਪੱਧਰ 'ਤੇ ਲੈਣਗੇ ਫ਼ੈਸਲਾ
ਐਸੋਸੀਏਸ਼ਨ ਨੇ ਸਪੱਸ਼ਟ ਕੀਤਾ ਕਿ ਸਾਈਕਲਾਂ ਦੀਆਂ ਕੀਮਤਾਂ ਵਧਾਉਣ ਦਾ ਫ਼ੈਸਲਾ ਹਰੇਕ ਨਿਰਮਾਤਾ ਆਪਣੀ ਲਾਗਤ, ਕਾਰੋਬਾਰੀ ਹਾਲਾਤ ਅਤੇ ਬਾਜ਼ਾਰ ਦੀ ਮੰਗ ਨੂੰ ਧਿਆਨ 'ਚ ਰੱਖ ਕੇ ਸੁਤੰਤਰ ਤੌਰ 'ਤੇ ਕਰੇਗਾ। ਬੈਠਕ ਦਾ ਉਦੇਸ਼ ਕੱਚੇ ਮਾਲ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਪੈਦਾ ਹੋਏ ਹਾਲਾਤ ਦੀ ਸਮੀਖਿਆ ਕਰਨਾ ਅਤੇ ਬਾਜ਼ਾਰ 'ਚ ਚੰਗੀ ਗੁਣਵੱਤਾ ਵਾਲੀਆਂ ਸਾਈਕਲਾਂ ਦੀ ਨਿਰਵਿਘਨ ਸਪਲਾਈ ਯਕੀਨੀ ਬਣਾਉਣ ਦੇ ਉਪਾਵਾਂ 'ਤੇ ਚਰਚਾ ਕਰਨਾ ਸੀ।
ਮੈਂਬਰਾਂ ਨੂੰ ਵੰਡੇ ਗਏ ਮੈਂਬਰਸ਼ਿਪ ਸਰਟੀਫਿਕੇਟ
ਬੈਠਕ ਦੌਰਾਨ ਐਸੋਸੀਏਸ਼ਨ ਵੱਲੋਂ ਮੈਂਬਰਾਂ ਨੂੰ ਮੈਂਬਰਸ਼ਿਪ ਸਰਟੀਫਿਕੇਟ ਵੀ ਵੰਡੇ ਗਏ। ਐਸੋਸੀਏਸ਼ਨ ਦੇ ਪ੍ਰਧਾਨ ਰਾਜਿੰਦਰ ਜਿੰਦਲ, ਜਨਰਲ ਸਕੱਤਰ ਰੋਹਿਤ ਪਾਹਵਾ ਅਤੇ ਕੋਆਰਡੀਨੇਟਰ ਉਮੇਸ਼ ਨਾਰੰਗ ਨੇ ਕਿਹਾ ਕਿ ਐਸੋਸੀਏਸ਼ਨ ਇਸ ਚੁਣੌਤੀਪੂਰਨ ਸਮੇਂ 'ਚ ਸਾਈਕਲ ਉਦਯੋਗ ਅਤੇ ਖਪਤਕਾਰਾਂ ਦੇ ਹਿੱਤਾਂ ਨੂੰ ਧਿਆਨ 'ਚ ਰੱਖ ਕੇ ਕੰਮ ਕਰਨ ਲਈ ਵਚਨਬੱਧ ਹੈ।