Punjab Weather Update: ਵੱਟ ਕੱਢਣ ਲੱਗੀ ਸੂਬੇ 'ਚ ਵਧਦੀ ਹੋਈ ਗਰਮੀ, 45 ਡਿਗਰੀ ਨਾਲ ਬਠਿੰਡਾ ਰਿਹਾ ਸਭ ਤੋਂ ਗਰਮ

ਜਾ.ਸ, ਲੁਧਿਆਣਾ : ਮੀਂਹ-ਹਨੇਰੀ ਤੋਂ ਬਾਅਦ ਬੀਤੇ ਦੋ ਦਿਨਾਂ ਤੋਂ ਗਰਮੀ ਆਪਣਾ ਰੰਗ ਦਿਖਾਉਣ ਲੱਗੀ ਹੈ। ਸ਼ੁੱਕਰਵਾਰ ਨੂੰ ਪੰਜਾਬ ’ਚ ਤੇਜ਼ ਧੁੱਪ ਤੇ ਲੂ ਚੱਲਣ ਨਾਲ ਪੂਰੀ ਤਪਿਸ਼ ਰਹੀ। ਬਠਿੰਡਾ ਸੂਬੇ ’ਚ ਸਭ ਤੋਂ ਗਰਮ ਰਿਹਾ। ਇੱਥੇ ਵੱਧ ਤੋਂ ਵੱਧ ਤਾਪਮਾਨ 45.5 ਡਿਗਰੀ ਸੈਲਸੀਅਸ ਰਿਹਾ। ਇਸ ਤੋਂ ਇਲਾਵਾ ਫਾਜ਼ਿਲਕਾ ਤੇ ਫ਼ਰੀਦਕੋਟ ਦਾ ਵੱਧ ਤੋਂ ਵੱਧ ਤਾਪਮਾਨ 43.5 ਤੇ ਜਲੰਧਰ ਦਾ 41 ਡਿਗਰੀ ਸੈਲਸੀਅਸ ਰਿਹਾ। ਮੌਸਮ ਵਿਭਾਗ ਚੰਡੀਗੜ੍ਹ ਮੁਤਾਬਕ 18 ਮਈ ਤੱਕ ਸੂਬੇ ’ਚ ਲੂ ਚੱਲੇਗੀ। ਇਸ ਤੋਂ ਬਾਅਦ ਮੌਸਮ ਬਦਲਣ ਦੀ ਸੰਭਾਵਨਾ ਹੈ। 19 ਤੋਂ 21 ਮਈ ਤੱਕ ਸੂਬੇ ’ਚ ਹਨੇਰੀ ਦੌਰਾਨ ਬਾਰਿਸ਼ ਹੋ ਸਕਦੀ ਹੈ। ਇਸ ਬਾਰੇ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ।