Punjab Crime: ਡਿਊਟੀ ਦੌਰਾਨ ਮੁਲਾਜ਼ਮ ਦੀ ਦਰਦਨਾਕ ਮੌਤ, ਪੁਲਿਸ ਨੇ 2 ਲੋਕਾਂ ਨੂੰ ਨਾਮਜ਼ਦ ਕਰਕੇ ਸ਼ੁਰੂ ਕੀਤੀ ਜਾਂਚ

ਸ਼ਿਕਾਇਤ ਕਰਤਾ ਅਨੂਪ ਕੁਮਾਰ ਮੁਤਾਬਕ ਹਾਦਸੇ ਵਾਲੇ ਦਿਨ ਉਸ ਨੂੰ ਇੱਕ ਮੋਬਾਈਲ ਰਾਹੀਂ ਪਤਾ ਲੱਗਾ ਕਿ ਉਚਾਈ ਤੋਂ ਸਕਿਪ ਹੋਲਡਿੰਗ ਦਾ ਵਜ਼ਨਦਾਰ ਲੋਹੇ ਦਾ ਪਾਈਪ ਉਸ ਦੇ ਚਚੇਰੇ ਭਰਾ ਕਮਲੇਸ਼ ਕੁਮਾਰ ਯਾਦਵ ਦੇ ਸਿਰ ਉੱਪਰ ਡਿੱਗਣ ਕਾਰਨ ਕਮਲੇਸ਼ ਕੁਮਾਰ ਯਾਦਵ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਇਹ ਜਾਣਕਾਰੀ ਮਿਲਣ ਮਗਰੋਂ ਉਹ ਮੌਕੇ ਤੇ ਪੁੱਜਾ ਤੇ ਆਪਣੇ ਤੌਰ ’ਤੇ ਪੜਤਾਲ ਕਰਨ ਮਗਰੋਂ ਪਤਾ ਲੱਗਾ ਕਿ ਅਜਿਹਾ ਹਾਦਸਾ ਮਾਲ ਨਿਰਮਾਣ ਵਿੱਚ ਠੇਕੇਦਾਰ ਰੈਕਲਸੋ ਪ੍ਰਾਈਵੇਟ ਲਿਮਿਟਡ ਅਤੇ ਸੋਨੀ ਡੈਕੋਰ ਤੇ ਬਿਲਡਰ ਫਰਮ ਦੇ ਅਧਿਕਾਰੀਆਂ ਦੀ ਅਣਗਹਿਲੀ ਤੇ ਲਾਪਰਵਾਹੀ ਕਰਕੇ ਹੋਇਆ ਹੈ। ਉਹਨਾਂ ਉਕਤ ਮਾਮਲੇ ਦੀ ਸ਼ਿਕਾਇਤ ਪੁਲਿਸ ਦੇ ਉੱਚ ਅਧਿਕਾਰੀਆਂ ਕੋਲ ਦਰਜ ਕਰਵਾਈ ਜਿਸ ਦੇ ਚਲਦੇ ਖਾਣਾ ਜਮਾਲਪੁਰ ਪੁਲਿਸ ਨੇ ਉਕਤ ਪਰਚਾ ਦਰਜ ਕਰਕੇ ਅਗਲੇਰੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।