ਨਾਈਟ ਡਿਊਟੀ ਤੋਂ ਪਰਤ ਰਹੇ ਫੈਕਟਰੀ ਕਾਮੇ ਨੂੰ ਕਾਰ ਨੇ ਕੁਚਲਿਆ, ਤਿੰਨ ਮਹੀਨੇ ਦੀ ਜਾਂਚ ਮਗਰੋਂ ਲੁਧਿਆਣਾ ਵੱਲੋਂ FIR ਦਰਜ

ਕ੍ਰਾਈਮ ਰਿਪੋਰਟਰ, ਪੰਜਾਬੀ ਜਾਗਰਣ, ਲੁਧਿਆਣਾ : ਨਾਈਟ ਡਿਊਟੀ ਕਰ ਕੇ ਸਾਈਕਲ ’ਤੇ ਘਰ ਪਰਤ ਰਹੇ ਇੱਕ ਵਿਅਕਤੀ ਨੂੰ ਤੇਜ਼ ਰਫ਼ਤਾਰ ਵਰਨਾ ਕਾਰ ਨੇ ਟੱਕਰ ਮਾਰ ਕੇ ਗੰਭੀਰ ਰੂਪ ’ਚ ਜ਼ਖ਼ਮੀ ਕਰ ਦਿੱਤਾ। ਹਾਦਸੇ ਤੋਂ ਬਾਅਦ ਕਾਰ ਚਾਲਕ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਕਰੀਬ ਤਿੰਨ ਮਹੀਨੇ ਦੀ ਜਾਂਚ ਤੋਂ ਬਾਅਦ ਜਮਾਲਪੁਰ ਥਾਣਾ ਪੁਲਿਸ ਨੇ ਕਾਰ ਚਾਲਕ ਦੀ ਪਛਾਣ ਕਰਦੇ ਹੋਏ ਉਸ ਖ਼ਿਲਾਫ਼ ਕੇਸ ਦਰਜ ਕਰ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ’ਚ ਚੰਦਰ ਭਾਨ ਪੁੱਤਰ ਹਿਮਾਂਚਲ, ਹਾਲ ਵਾਸੀ ਧਮੋਟੀਆ ਕਾਲੋਨੀ ਚੰਡੀਗੜ੍ਹ ਰੋਡ, ਪਿੰਡ ਮੁੰਡੀਆਂ ਖੁਰਦ, ਲੁਧਿਆਣਾ ਨੇ ਦੱਸਿਆ ਕਿ ਉਸ ਦਾ ਪਰਿਵਾਰ ਮੂਲ ਰੂਪ ’ਚ ਉੱਤਰ ਪ੍ਰਦੇਸ਼ ਦੇ ਸੰਤ ਕਬੀਰ ਨਗਰ ਜ਼ਿਲ੍ਹੇ ਦੇ ਪਿੰਡ ਭਗਵਾਨਪੁਰ ਦਾ ਰਹਿਣ ਵਾਲਾ ਹੈ। ਉਸ ਦੇ ਪਿਤਾ ਹਿਮਾਂਚਲ ਲੁਧਿਆਣਾ ’ਚ ਨੌਕਰੀ ਕਰਦੇ ਹਨ।