ਸੇਵਾ, ਸੁਰੱਖਿਆ ਤੇ ਸੱਭਿਆਚਾਰ ਦੇ ਮਾਰਗ ’ਤੇ ਚੱਲਦੈ ਬਜਰੰਗ ਦਲ : ਭੋਲਾ, ਮੁਕੁਲ, ਜੱਸਲ

- ਕਿਹਾ, ਬਜਰੰਗ ਦਲ ਰਾਸ਼ਟਰੀ ਹਿੱਤ ਤੇ ਸੇਵਾ ਕਾਰਜਾਂ ਨੂੰ ਉਤਸ਼ਾਹਿਤ ਕਰੇਗਾ - ਕਿਹਾ, ਬਜਰੰਗ ਦਲ 5 ਤੋਂ 12 ਜੁਲਾਈ ਤੱਕ ਮਨਾਏਗਾ ਸੇਵਾ ਹਫ਼ਤਾ ਕੈਪਸ਼ਨ: 27ਕੇਪੀਟੀ17, 18, 19 ਬਜਰੰਗ ਦਲ ਦੇ ਜ਼ਿਲ੍ਹਾ ਪ੍ਰਭਾਰੀ ਚੰਦਰ ਮੋਹਨ ਭੋਲਾ, ਜ਼ਿਲ੍ਹਾ ਉਪ ਪ੍ਰਧਾਨ ਐਡਵੋਕੇਟ ਮੁਕੁਲ ਅਰੋੜਾ ਅਤੇ ਸ਼ਹਿਰੀ ਪ੍ਰਧਾਨ ਮੋਹਿਤ ਜੱਸਲ। ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਬਜਰੰਗ ਦਲ ਸਾਲ ’ਚ ਇਕ ਵਾਰ ਸੇਵਾ ਸਪਤਾਹ ਮਨਾਉਂਦਾ ਹੈ । ਇਹ 5 ਜੁਲਾਈ ਤੋਂ 12 ਜੁਲਾਈ ਤੱਕ ਦੇਸ਼ ਭਰ ਵਿੱਚ ਬਹੁਤ ਉਤਸ਼ਾਹ ਨਾਲ ਮਨਾਇਆ ਜਾਵੇਗਾ । ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਬਜਰੰਗ ਦਲ ਦੇ ਜ਼ਿਲ੍ਹਾ ਪ੍ਰਭਾਰੀ ਚੰਦਰ ਮੋਹਨ ਭੋਲਾ, ਜ਼ਿਲ੍ਹਾ ਉਪ ਪ੍ਰਧਾਨ ਐਡਵੋਕੇਟ ਮੁਕੁਲ ਅਰੋੜਾ ਅਤੇ ਸ਼ਹਿਰੀ ਪ੍ਰਧਾਨ ਮੋਹਿਤ ਜੱਸਲ ਨੇ ਦੱਸਿਆ ਕਿ ਸੰਗਠਨ ਦਾ ਮੁੱਖ ਉਦੇਸ਼ ਸੇਵਾ,ਸੁਰੱਖਿਆ ਅਤੇ ਸੱਭਿਆਚਾਰ ਹੈ । ਇਸ ਉਦੇਸ਼ ਨੂੰ ਉਤਸ਼ਾਹਿਤ ਕਰਨ ਲਈ ਸਾਲ ਭਰ ਵੱਖ-ਵੱਖ ਸਮਾਗਮ ਅਤੇ ਪ੍ਰੋਗਰਾਮ ਆਯੋਜਿਤ ਕੀਤੇ ਜਾਂਦੇ ਹਨ । ਚੰਦਰ ਮੋਹਨ ਭੋਲਾ ਨੇ ਦੱਸਿਆ ਕਿ 5 ਜੁਲਾਈ ਤੋਂ 12 ਜੁਲਾਈ ਤੱਕ ਦੇਸ਼ ਭਰ ਵਿੱਚ ਹੋਣ ਵਾਲੇ ਬਜਰੰਗ ਦਲ ਸੇਵਾ ਸਪਤਾਹ ਦੇ ਹਿੱਸੇ ਵਜੋਂ ਜ਼ਿਲ੍ਹੇ ਭਰ ਵਿੱਚ ਵੱਖ-ਵੱਖ ਸੇਵਾ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਦੌਰਾਨ ਮੈਡੀਕਲ ਕੈਂਪ,ਸਫਾਈ ਮੁਹਿੰਮਾਂ,ਰੁੱਖ ਲਗਾਉਣ,ਖੂਨਦਾਨ ਜਾਗਰੂਕਤਾ,ਗਊ ਸੇਵਾ ਅਤੇ ਹੋਰ ਸਮਾਜ ਸੇਵਾ ਗਤੀਵਿਧੀਆਂ ਰਾਹੀਂ ਸਮਾਜ ਨੂੰ ਸਕਾਰਾਤਮਕ ਸੰਦੇਸ਼ ਦਿੱਤਾ ਜਾਵੇਗਾ। ਚੰਦਰ ਮੋਹਨ ਭੋਲਾ ਨੇ ਕਿਹਾ ਕਿ ਗਊ ਰੱਖਿਆ,ਗਊ ਸੇਵਾ ਅਤੇ ਸਮਾਜਿਕ ਸਦਭਾਵਨਾ ਤੇ ਇੱਕ ਵਿਸ਼ੇਸ਼ ਕਾਰਜ ਯੋਜਨਾ ਤਿਆਰ ਕਰਕੇ,ਬਜਰੰਗ ਦਲ ਨੇ ਸਮਾਜ ਦੇ ਹਰ ਵਰਗ ਤੱਕ ਆਪਣੀ ਪਹੁੰਚ ਵਧਾਉਣ ਦਾ ਫੈਂਸਲਾ ਕੀਤਾ ਹੈ।ਚੰਦਰ ਮੋਹਨ ਭੋਲਾ ਨੇ ਕਿਹਾ ਕਿ ਬਜਰੰਗ ਦਲ ਸੇਵਾ,ਸੁਰੱਖਿਆ ਅਤੇ ਸੱਭਿਆਚਾਰ ਦੇ ਮਾਰਗ ਤੇ ਚੱਲਣ ਵਾਲਾ ਸੰਗਠਨ ਹੈ । ਇਹ ਇੱਕ ਅਜਿਹਾ ਸੰਗਠਨ ਹੈ ਜੋ ਇੱਕ ਦਿਨ ਵਿੱਚ ਸਭ ਤੋਂ ਵੱਧ ਖੂਨਦਾਨ ਕਰਦਾ ਹੈ,ਇਹ ਇੱਕ ਅਜਿਹਾ ਸੰਗਠਨ ਹੈ ਜੋ ਹਿੰਦੂ ਕੁੜੀਆਂ ਨੂੰ ਲਵ ਜੇਹਾਦ ਤੋਂ ਬਚਾਉਂਦਾ ਹੈ,ਇਹ ਇੱਕ ਅਜਿਹਾ ਸੰਗਠਨ ਹੈ ਜੋ ਗਊ ਮਾਤਾ ਦੀ ਰੱਖਿਆ ਕਰਦਾ ਹੈ।ਉਨ੍ਹਾਂ ਕਿਹਾ ਕਿ ਬਜਰੰਗ ਦਲ ਦਾ ਮੁੱਖ ਉਦੇਸ਼ ਸੇਵਾ ਕਰਨਾ, ਸੁਰੱਖਿਆ ਪ੍ਰਦਾਨ ਕਰਨਾ ਅਤੇ ਕਦਰਾਂ-ਕੀਮਤਾਂ ਨੂੰ ਸਥਾਪਿਤ ਕਰਨਾ ਹੈ।ਮੁਕੁਲ ਅਰੋੜਾ ਨੇ ਕਿਹਾ ਕਿ ਭਾਰਤ ਮਾਤਾ, ਗਊ ਮਾਤਾ ਤੇ ਗੰਗਾ ਮਾਤਾ ਦੀ ਰੱਖਿਆ ਕਰਨਾ ਸਾਡੀ ਜ਼ਿੰਮੇਵਾਰੀ ਹੈ। ਉਨ੍ਹਾਂ ਲਵ ਜੇਹਾਦ ਨੂੰ ਸੱਭਿਆਚਾਰ ਤੇ ਕਦਰਾਂ-ਕੀਮਤਾਂ ਦੇ ਵਿਰੁੱਧ ਦੱਸਿਆ। ਉਨ੍ਹਾਂ ਕੁਝ ਰੁਪਏ ਅਤੇ ਮੁਫ਼ਤ ਸਿੱਖਿਆ ਦੇ ਨਾਮ ਤੇ ਧਰਮ ਬਦਲਣ ਤੇ ਚਿੰਤਾ ਪ੍ਰਗਟ ਕੀਤੀ। ਉਨ੍ਹਾਂ ਵਰਕਰਾਂ ਨੂੰ ਅਜਿਹੇ ਲੋਕਾਂ ਦੀ ਪਛਾਣ ਕਰਨ ਤੇ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਨੂੰ ਨਾਕਾਮ ਕਰਨ ਦਾ ਸੱਦਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਬਜਰੰਗ ਦਲ ਹੁਣ ਗਊਆਂ ਨੂੰ ਮਾਰਨ ਵਾਲਿਆਂ ਨੂੰ ਬਰਦਾਸ਼ਤ ਨਹੀਂ ਕਰੇਗਾ।