ਜਲੰਧਰ 'ਚ ਵਾਇਰਲ ਹੋਣ ਵਾਲੀਆਂ ਅਸ਼ਲੀਲ ਵੀਡੀਓਜ਼ ਦਾ ਆਇਆ ਹੜ੍ਹ

- ਕਾਂਗਰਸੀ ਨੇਤਾ ਦੇ ਖਾਸ ਅਤੇ ਜਿੰਮ ਮਾਲਕ ਤੋਂ ਬਾਅਦ ਹੁਣ ਕੌਂਸਲਰ ਦੇ ਕਰੀਬੀ ਦੀ ਆਈ ਅਸ਼ਲੀਲ ਵੀਡੀਓ

ਰਾਕੇਸ਼ ਗਾਂਧੀ, ਜਲੰਧਰ

ਜਲੰਧਰ ਸ਼ਹਿਰ ਵਿੱਚ ਅਸ਼ਲੀਲ ਵੀਡੀਓਜ਼ ਵਾਇਰਲ ਹੋਣ ਕਾਰਨ ਹੜ੍ਹ ਆਇਆ ਜਾਪਦਾ ਹੈ ਕਿਉਂਕਿ ਕੁਝ ਦਿਨਾਂ ਵਿੱਚ ਹੀ ਤਿੰਨ ਵੱਡੇ ਬੰਦਿਆਂ ਦੀਆਂ ਅਸ਼ਲੀਲ ਵੀਡੀਓਜ਼ ਵਾਇਰਲ ਹੋ ਚੁੱਕੀਆਂ ਹਨ। ਸਭ ਤੋਂ ਪਹਿਲਾਂ ਕਾਂਗਰਸ ਪਾਰਟੀ ਦੇ ਨੇਤਾ ਦੇ ਖਾਸ ਦੀ ਅਸ਼ਲੀਲ ਵੀਡੀਓ ਵਾਇਰਲ ਹੋਈ ਸੀ ਅਤੇ ਅਗਲੇ ਦਿਨ ਹੀ ਜਿੰਮ ਮਾਲਕ ਦੀ ਵੀਡੀਓ ਵਾਇਰਲ ਹੋਣ ਕਾਰਨ ਸ਼ਹਿਰ ਵਾਸੀ ਹੈਰਾਨ ਸਨ ਪਰ ਹਾਲੇ ਉਨ੍ਹਾਂ ਦੋ ਵੀਡੀਓਜ਼ ਦੀ ਸੱਚਾਈ ਬਾਰੇ ਕੋਈ ਕਿਸੇ ਕਿਸਮ ਦੀ ਪੁਸ਼ਟੀ ਨਹੀਂ ਹੋ ਰਹੀ ਸੀ ਕਿ ਇਹ ਵੀਡੀਓ ਕਿਵੇਂ ਵਾਇਰਲ ਹੋ ਰਹੀਆਂ ਹਨ, ਇਸ ਪਿੱਛੇ ਕਿਸ ਦਾ ਹੱਥ ਹੈ। ਹਾਲੇ ਸਭ ਇਹੀ ਸੋਚ ਹੀ ਰਹੇ ਸਨ ਕਿ ਸ਼ਨੀਵਾਰ ਸਵੇਰੇ ਇਕ ਕੌਂਸਲਰ ਦੇ ਖਾਸਮਖਾਸ ਦੀ ਅਸ਼ਲੀਲ ਵੀਡੀਓ ਵੀ ਵਾਇਰਲ ਹੋ ਗਈ ਜਿਸ ਕਾਰਨ ਕਾਂਗਰਸ ਪਾਰਟੀ 'ਚ ਬੇਚੈਨੀ ਪਾਈ ਜਾ ਰਹੀ ਹੈ ਕਿਉਂਕਿ ਉਕਤ ਵੀਡੀਓ ਨਾਲ ਕਾਂਗਰਸ ਪਾਰਟੀ ਦੇ ਨੇਤਾ ਜੁੜੇ ਹੋਏ ਹਨ ਕਿਉਂਕਿ ਦੋਵੇਂ ਜਣੇ ਕਾਂਗਰਸ ਪਾਰਟੀ ਦੇ ਵੱਡੇ ਨੇਤਾਵਾਂ ਦੇ ਖਾਸ ਦੱਸੇ ਜਾ ਰਹੇ ਹਨ । ਹੁਣ ਜਿਹੜੀ ਵੀਡੀਓ ਵਾਇਰਲ ਹੋਈ ਹੈ, ਉਹ ਇੱਕ ਕੌਂਸਲਰਪਤੀ ਦੇ ਹਰ ਵੇਲੇ ਨਾਲ ਰਹਿਣ ਵਾਲੇ 50 ਸਾਲਾ ਵਿਅਕਤੀ ਦੀ ਹੈ। ਵਾਇਰਲ ਹੋਈ ਵੀਡੀਓ ਵਿੱਚ ਉਹ ਵਿਅਕਤੀ ਇਕ ਲੜਕੀ ਨਾਲ ਜਬਰ ਜਨਾਹ ਕਰ ਰਿਹਾ ਹੈ। ਕਾਂਗਰਸੀ ਨੇਤਾਵਾਂ ਜਿਨ੍ਹਾਂ ਕੋਲ ਰੋਜ਼ਾਨਾ ਹੀ ਕਈ ਅੌਰਤਾਂ ਅਤੇ ਲੜਕੀਆਂ ਆਪਣੀਆਂ ਮੁਸ਼ਕਲਾਂ ਲੈ ਕੇ ਆਉਂਦੀਆਂ ਹਨ, ਨੂੰ ਜਦ ਇਨ੍ਹਾਂ ਵੀਡੀਓਜ਼ ਬਾਰੇ ਪਤਾ ਲੱਗੇਗਾ ਤਾਂ ਉਹ ਇਨ੍ਹਾਂ ਨੇਤਾਵਾਂ ਕੋਲ ਜਾਣ ਤੋਂ ਪਹਿਲਾਂ ਸੌ ਵਾਰ ਸੋਚਣਗੀਆਂ।

ਲਗਾਤਾਰ ਵਾਇਰਲ ਹੋ ਰਹੀਆਂ ਅਜਿਹੀਆਂ ਅਸ਼ਲੀਲ ਵੀਡੀਓਜ਼ ਕਾਰਨ ਕਾਂਗਰਸ ਪਾਰਟੀ 'ਤੇ ਆਉਣ ਵਾਲੀਆਂ ਚੋਣਾਂ ਦਾ ਕੀ ਅਸਰ ਹੁੰਦਾ ਹੈ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ ਪਰ ਇਸ ਵੇਲੇ ਕਾਂਗਰਸੀ ਨੇਤਾਵਾਂ ਦਾ ਇਹ ਸਭ ਦੇਖ ਕੇ ਬੁਰਾ ਹਾਲ ਹੋ ਰਿਹਾ ਹੈ।