ਪੰਜਾਬ ਦੇ ਲੋਕਾਂ ਨੇ ਭਾਜਪਾ ਨੂੰ ਸੱਤਾ ’ਚ ਲਿਆਉਣ ਦਾ ਲਿਆ ਸੰਕਲਪ : ਸ਼ੀਤਲ ਅੰਗੁਰਾਲ

* ਭਾਜਪਾ ਦੇ ਕੌਮੀ ਤੇ ਪੰਜਾਬ ਪ੍ਰਧਾਨ ਦੇ ਜਲੰਧਰ ਆਉਣ ’ਤੇ ਵਿਸ਼ਾਲ ਸਵਾਗਤ ਰੋਡ ਸ਼ੋਅ ਕੱਢਿਆ * ਵੱਡੀ ਗਿਣਤੀ ’ਚ ਭਾਜਪਾ ਵਰਕਰਾਂ ਨੇ ਕੀਤੀ ਸ਼ਿਰਕਤ ਮਨਜੀਤ ਸ਼ੇਮਾਰੂ, ਪੰਜਾਬੀ ਜਾਗਰਣ ਜਲੰਧਰ : ਸ਼ਨਿਚਰਵਾਰ ਨੂੰ ਰਾਸ਼ਟਰੀ ਭਾਜਪਾ ਪ੍ਰਧਾਨ ਨਿਤਿਨ ਨਬੀਨ ਤੇ ਪੰਜਾਬ ਭਾਜਪਾ ਪ੍ਰਧਾਨ ਕੇਵਲ ਸਿੰਘ ਢਿੱਲੋਂ ਦੇ ਜਲੰਧਰ ਆਉਣ ’ਤੇ ਵਿਸ਼ਾਲ ਸਵਾਗਤ ਰੋਡ ਸ਼ੋਅ ਭਾਜਪਾ ਆਗੂਆਂ ਤੇ ਵਰਕਰਾਂ ਵੱਲੋਂ ਕੱਢਿਆ ਗਿਆ l ਇਸ ਮੌਕੇ ਵੈਸਟ ਤੋਂ ਸਾਬਕਾ ਵਿਧਾਇਕ ਸ਼ੀਤਲ ਅੰਗੁਰਾਲ ਨੇ ਕਿਹਾ ਕਿ ਇਹ ਰੋਡ ਸ਼ੋਅ ਸਿਰਫ ਇਕ ਸਵਾਗਤਯੋਗ ਸਮਾਗਮ ਨਹੀਂ ਸੀ, ਸਗੋਂ 2027 ’ਚ ਰਾਜਨੀਤਕ ਤਬਦੀਲੀ ਲਈ ਇਕ ਜ਼ੋਰਦਾਰ ਸੱਦਾ, ਵੈਸਟ ਹਲਕੇ ਦੀ ਤਾਕਤ ਦਾ ਪ੍ਰਦਰਸ਼ਨ ਤੇ ਭਾਜਪਾ ਦੇ ਵਧਦੇ ਜਨਤਕ ਸਮਰਥਨ ਦਾ ਸਪੱਸ਼ਟ ਐਲਾਨ ਸੀ। ਇਸ ਰੋਡ ਸ਼ੋਅ ’ਚ ਇਕੱਠੇ ਹੋਏ ਹਜ਼ਾਰਾਂ ਵਰਕਰ, ਸਮਰਥਕ ਤੇ ਜਲੰਧਰ ਵੈਸਟ ਦੇ ਭਾਜਪਾ ਪਰਿਵਾਰ ਸਪੱਸ਼ਟ ਤੌਰ ਤੇ ਦਰਸਾਉਂਦੇ ਹਨ ਕਿ ਵੈਸਟ ਦੇ ਲੋਕਾਂ ਨੇ ਹੁਣ 2027 ’ਚ ਪੰਜਾਬ ’ਚ ਭਾਜਪਾ ਦੀ ਸਰਕਾਰ ਬਣਾਉਣ ਦਾ ਸੰਕਲਪ ਲਿਆ ਹੈ। ਅੰਗੁਰਾਲ ਨੇ ਕਿਹਾ ਕਿ ਇਸ ਇਤਿਹਾਸਕ ਰੋਡ ਸ਼ੋਅ ਰਾਹੀਂ ਲੋਕਾਂ ਨੇ ਇਹ ਸੁਨੇਹਾ ਦਿੱਤਾ ਹੈ ਕਿ ਪੰਜਾਬ ਝੂਠੇ ਵਾਅਦਿਆਂ, ਖੋਖਲੇ ਵਾਅਦਿਆਂ ਤੇ ਦਿਖਾਵੇ ਵਾਲੀ ਰਾਜਨੀਤੀ ਤੋਂ ਤੰਗ ਆ ਚੁੱਕਾ ਹੈ ਤੇ ਉਹ ਇਕ ਅਜਿਹੇ ਵਿਕਲਪ ਦੇ ਨਾਲ ਖੜ੍ਹੇ ਹਨ ਜੋ ਰਾਸ਼ਟਰਵਾਦ, ਵਿਕਾਸ, ਮਜ਼ਬੂਤ ਲੀਡਰਸ਼ਿਪ ਤੇ ਜਵਾਬਦੇਹ ਸ਼ਾਸਨ ਦੀ ਵਕਾਲਤ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਜਲੰਧਰ ਵੈਸਟ ਦਿਆ ਸੜਕਾਂ ਤੇ ਜੋ ਉਤਸ਼ਾਹ ਭਰਿਆ ਹੋਇਆ ਹੈ ਉਹ ਸਿਰਫ਼ ਅੱਜ ਦੇ ਸਮਾਗਮ ਲਈ ਨਹੀਂ ਹੈ, ਸਗੋਂ 2027 ਦੀ ਰਾਜਨੀਤਕ ਲੜਾਈ ਦੀ ਸ਼ੁਰੂਆਤ ਹੈ, ਜਿਸ ਵਿੱਚ ਪੰਜਾਬ ਦੇ ਲੋਕਾਂ ਨੇ ਭਾਜਪਾ ਨੂੰ ਸੱਤਾ ਵਿੱਚ ਲਿਆਉਣ ਦਾ ਸੰਕਲਪ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਵਰਕਰ ਸਿਰਫ਼ ਸਮਾਗਮਾਂ ਲਈ ਭੀੜ ਇਕੱਠੀ ਨਹੀਂ ਕਰਦੇ, ਸਗੋਂ ਜਨਤਾ ਦੇ ਵਿਸ਼ਵਾਸ ਦੀ ਨੀਂਹ ਵੀ ਰੱਖਦੇ ਹਨ ਅਤੇ ਹੁਣ ਲੋਕਾਂ ਨੇ ਸਾਬਤ ਕਰ ਦਿੱਤਾ ਹੈ ਕਿ ਭਾਜਪਾ ਸੰਗਠਨ ਇੱਥੇ ਮਜ਼ਬੂਤੀ ਨਾਲ ਖੜ੍ਹਾ ਹੈ। ਅੰਗੁਰਾਲ ਨੇ ਕਿਹਾ ਕਿ ਇਹ ਇਤਿਹਾਸਕ ਸ਼ਮੂਲੀਅਤ ਵਿਰੋਧੀ ਧਿਰ ਨੂੰ ਇੱਕ ਸਪੱਸ਼ਟ ਰਾਜਨੀਤਕ ਸੰਦੇਸ਼ ਹੈ ਕਿ ਜਨਤਾ ਹੁਣ ਉਨ੍ਹਾਂ ਦੇ ਝੂਠੇ ਵਾਅਦਿਆਂ, ਅਸਫਲਤਾਵਾਂ ਅਤੇ ਹੰਕਾਰੀ ਰਾਜਨੀਤੀ ਦਾ ਜਵਾਬ ਦੇਣ ਲਈ ਤਿਆਰ ਹੈ। ਭਾਜਪਾ ਵਿੱਚ ਇਹ ਵਧਦਾ ਜਨਤਕ ਵਿਸ਼ਵਾਸ ਤੇ ਇਸਦੇ ਵਰਕਰਾਂ ਦਾ ਸਮਰਪਣ ਆਉਣ ਵਾਲੇ ਸਮੇਂ ਵਿੱਚ ਪੰਜਾਬ ਦੇ ਰਾਜਨੀਤਿਕ ਸਮੀਕਰਨ ਨੂੰ ਬਦਲਣ ਵਾਲਾ ਹੈ। ਅੰਤ ਵਿੱਚ ਸ਼ੀਤਲ ਅੰਗੁਰਾਲ ਨੇ ਕਿਹਾ ਕਿ ਇਹ ਕਾਫ਼ਲਾ ਉਦੋਂ ਤੱਕ ਨਹੀਂ ਰੁਕੇਗਾ ਜਦੋਂ ਤੱਕ ਭਾਜਪਾ 2027 ਵਿੱਚ ਪੰਜਾਬ ਵਿੱਚ ਸੱਤਾ ਨਹੀਂ ਜਿੱਤ ਲੈਂਦੀ।