ਸਾਵਧਾਨ ! PG ਮਾਲਕਾਂ ਲਈ ਜਾਰੀ ਹੋ ਗਏ ਨਵੇਂ ਦਿਸ਼ਾ-ਨਿਰਦੇਸ਼, ਹੁੱਲੜਬਾਜ਼ੀ ਕਰਨ ਵਾਲਿਆਂ 'ਤੇ ਹੋਵੇਗੀ ਸਖ਼ਤ ਕਾਰਵਾਈ

ਚੌਂਕੀ ਇੰਚਾਰਜ ਹਰਦੀਪ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਹਰ ਹਫਤੇ ਪੁਲਿਸ ਵੱਲੋਂ ਕਿਸ਼ਨਗੜ੍ਹ ਵਿਖੇ ਸਥਿਤ ਸਾਰੇ ਪੀ.ਜੀ. ਦੀ ਚੈਕਿੰਗ ਕੀਤੀ ਜਾਵੇਗੀ। ਕੁੜੀਆਂ ਦੇ ਪੀ.ਜੀ. ਵਿੱਚ ਲੇਡੀਜ਼ ਪੁਲਸ ਕਰਮਚਾਰੀ ਅਤੇ ਮੁੰਡਿਆਂ ਦੇ ਪੀ.ਜੀ. ਵਿੱਚ ਜੈਂਟਸ ਪੁਲਸ ਮੁਲਾਜ਼ਮ ਚੈਕਿੰਗ ਕਰਨਗੇ। ਇਸ ਤੋਂ ਇਲਾਵਾ ਹਰ ਇੱਕ ਪੀ.ਜੀ. ਦੇ ਅੰਦਰ ਜ਼ਰੂਰੀ ਨਿਯਮਾਂ ਦਾ ਨੋਟਿਸ ਲਗਾਇਆ ਜਾਵੇਗਾ। ਨਵੇਂ ਨਿਯਮਾਂ ਮੁਤਾਬਕ ਰਾਤ 9:30 ਵਜੇ ਤੋਂ ਬਾਅਦ ਕੁੜੀਆਂ ਅਤੇ ਰਾਤ 10:00 ਵਜੇ ਤੋਂ ਬਾਅਦ ਮੁੰਡਿਆਂ ਦੇ ਬਾਹਰ ਘੁੰਮਣ 'ਤੇ ਪਾਬੰਦੀ ਹੋਵੇਗੀ। ਜੇਕਰ ਕੋਈ ਵਿਦਿਆਰਥੀ ਜਾਂ ਕਿਰਾਏਦਾਰ ਬੀਮਾਰ ਹੁੰਦਾ ਹੈ, ਤਾਂ ਉਸ ਨੂੰ ਪਹਿਲਾਂ ਸੂਚਿਤ ਕਰਕੇ ਹੀ ਬਾਹਰ ਜਾਣ ਦੀ ਇਜਾਜ਼ਤ ਮਿਲੇਗੀ।