ਬਰੈਂਪਟਨ ਤੇ ਮਿਸੀਸਾਗਾ ਮਿਉਂਸਪਲ ਚੋਣਾਂ ਦੇ ਨਤੀਜੇ: ਪੈਟ੍ਰਿਕ ਬਰਾਊਨ ਵੱਡੀ ਲੀਡ ਨਾਲ ਅੱਗੇ, ਮਿਸੀਸਾਗਾ ’ਚ ਐਲਵਿਨ ਟੈਡਜੋ ਦੀ ਜਿੱਤ

ਡਿਜੀਟਲ ਡੈਸਕ, ਬਰੈਂਪਟਨ/ਮਿਸੀਸਾਗਾ। ਬਰੈਂਪਟਨ ਅਤੇ ਗ੍ਰੇਟਰ ਟੋਰਾਂਟੋ ਏਰੀਆ (GTA) ਦੀਆਂ ਮਿਉਂਸਪਲ ਚੋਣਾਂ ਲਈ ਵੋਟਿੰਗ ਖ਼ਤਮ ਹੋਣ ਤੋਂ ਬਾਅਦ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਸ਼ੁਰੂਆਤੀ ਰੁਝਾਨਾਂ ਮੁਤਾਬਕ ਬਰੈਂਪਟਨ ਦੇ ਮੌਜੂਦਾ ਮੇਅਰ ਪੈਟ੍ਰਿਕ ਬਰਾਊਨ ਵੱਡੀ ਲੀਡ ਨਾਲ ਅੱਗੇ ਚੱਲ ਰਹੇ ਹਨ। ਇਸ ਦੇ ਨਾਲ ਹੀ ਮੌਜੂਦਾ ਕੌਂਸਲਰ ਅਤੇ ਰੀਜਨਲ ਕੌਂਸਲਰ ਵੀ ਆਪਣੀਆਂ ਸੀਟਾਂ ’ਤੇ ਅੱਗੇ ਦੱਸੇ ਜਾ ਰਹੇ ਹਨ।

ਬਰੈਂਪਟਨ ਦੇ ਵਾਰਡ 9/10 ਤੋਂ ਰੀਜਨਲ ਕੌਂਸਲਰ ਦੀ ਚੋਣ ਵਿੱਚ ਸੁਖਮਨ ਸੰਘਾ ਪਹਿਲੇ ਅਤੇ ਗੁਰਪ੍ਰੀਤ ਢਿੱਲੋਂ ਦੂਜੇ ਸਥਾਨ ’ਤੇ ਚੱਲ ਰਹੇ ਹਨ। ਸ਼ੁਰੂਆਤੀ ਰੁਝਾਨਾਂ ਵਿੱਚ ਇਸ ਸੀਟ ’ਤੇ ਮੁਕਾਬਲਾ ਬਣਿਆ ਹੋਇਆ ਹੈ।

ਮਿਸੀਸਾਗਾ ’ਚ ਐਲਵਿਨ ਟੈਡਜੋ ਬਣੇ ਨਵੇਂ ਮੇਅਰ

ਮਿਸੀਸਾਗਾ ਤੋਂ ਆ ਰਹੇ ਚੋਣ ਨਤੀਜਿਆਂ ਮੁਤਾਬਕ ਐਲਵਿਨ ਟੈਡਜੋ ਨੇ ਮੇਅਰ ਦੀ ਚੋਣ ਜਿੱਤ ਲਈ ਹੈ। ਕੈਰੋਲਿਨ ਪੈਰਿਸ਼ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ, ਜਦਕਿ ਬੋਨੀ ਕ੍ਰੋਮਬੀ ਤੀਜੇ ਸਥਾਨ ’ਤੇ ਰਹੀ ਹੈ। ਮਿਸੀਸਾਗਾ ਵਿੱਚ ਵੀ ਜ਼ਿਆਦਾਤਰ ਮੌਜੂਦਾ ਕੌਂਸਲਰ ਆਪਣੀਆਂ ਸੀਟਾਂ ਜਿੱਤਦੇ ਨਜ਼ਰ ਆ ਰਹੇ ਹਨ।

ਬਰੈਂਪਟਨ ’ਚ ਮੌਜੂਦਾ ਕੌਂਸਲਰਾਂ ਦਾ ਦਬਦਬਾ

ਬਰੈਂਪਟਨ ਵਿੱਚ ਆ ਰਹੇ ਸ਼ੁਰੂਆਤੀ ਨਤੀਜਿਆਂ ਅਨੁਸਾਰ ਮੌਜੂਦਾ ਕੌਂਸਲਰ ਅਤੇ ਰੀਜਨਲ ਕੌਂਸਲਰ ਆਪਣੀਆਂ ਸੀਟਾਂ ’ਤੇ ਜਿੱਤ ਵੱਲ ਵਧ ਰਹੇ ਹਨ। ਤਰਨ ਚਾਹਲ ਵੀ ਆਪਣੀ ਸੀਟ ਜਿੱਤਣ ਵਿੱਚ ਕਾਮਯਾਬ ਰਹੇ ਹਨ।

ਹਾਲਾਂਕਿ, ਵਾਰਡ 9/10 ਦੀ ਰੀਜਨਲ ਕੌਂਸਲਰ ਸੀਟ ’ਤੇ ਮੁਕਾਬਲਾ ਅਜੇ ਵੀ ਦਿਲਚਸਪ ਬਣਿਆ ਹੋਇਆ ਹੈ। ਇੱਥੇ ਸੁਖਮਨ ਸੰਘਾ ਪਹਿਲੇ ਅਤੇ ਗੁਰਪ੍ਰੀਤ ਢਿੱਲੋਂ ਦੂਜੇ ਸਥਾਨ ’ਤੇ ਚੱਲ ਰਹੇ ਹਨ।

ਖਬਰ ਅਪਡੇਟ ਹੋ ਰਹੀ ਹੈ....