ਡੇਰਾ ਸੱਚਖੰਡ ਬੱਲਾਂ ਵਿਖੇ ਬ੍ਰਹਮਲੀਨ 108 ਸੰਤ ਸਰਵਣ ਦਾਸ ਜੀ ਮਹਾਰਾਜ ਦੀ 54ਵੀਂ ਬਰਸੀ ਸ਼ਰਧਾਪੂਰਵਕ ਮਨਾਈ; ਦੇਸ਼-ਵਿਦੇਸ਼ ਤੋਂ ਪੁੱਜੀਆਂ ਹਜ਼ਾਰਾਂ ਸੰਗਤਾਂ ਅਤੇ ਪ੍ਰਮੁੱਖ ਸ਼ਖਸੀਅਤਾਂ

ਇਸ ਮੌਕੇ 'ਤੇ ਵੱਖ-ਵੱਖ ਡੇਰਿਆਂ ਦੇ ਪ੍ਰਮੁੱਖ ਉੱਚ ਕੋਟੀ ਦੇ ਸੰਤਾਂ ਮਹਾਂਪੁਰਸ਼ਾਂ ਤੋਂ ਇਲਾਵਾ ਸੇਵਾਦਾਰ ਮਨਦੀਪ ਦਾਸ ਸਿਰਸਗੜ ਹਰਿਆਣਾ, ਸੇਵਾਦਾਰ ਹਰਦੇਵ ਦਾਸ, ਸੰਤ ਲਖਵਿੰਦਰ ਸਿੰਘ ਕੜਿਆਣਾ, ਸੰਤ ਪ੍ਰਦੀਪ ਦਾਸ ਕਠਾਰ, ਸੰਤ ਲੇਖਰਾਜ ਨੂਰਪੁਰ, ਸੰਤ ਅਵਤਾਰ ਦਾਸ ਚਹੇੜੂ, ਸੰਤ ਅਸ਼ੋਕ ਚੱਕਰਵਰਤੀ, ਸੰਤ ਅਮਰਦਾਸ ਕਿਰਪਾਲ ਮੋਚਨ, ਸੰਤ ਬਲਬੀਰ ਸਿੰਘ ਹਿੱਤਕਾਰੀ ਯੂਪੀ, ਸੰਤ ਬਹਾਦਰ ਸਿੰਘ ਹੁਸ਼ਿਆਰਪੁਰ, ਸੰਤ ਅਚਾਰਿਆ ਗੰਧਾਰੀ ਸ਼ੁਕਰਤਾਲ ਯੂਪੀ, ਸੰਤ ਰਾਜਾ ਰਾਮ ਬਠਿੰਡਾ, ਸੰਤ ਜੋਗਿੰਦਰ ਦਾਸ ਰਾਜਸਥਾਨ, ਸੰਤ ਮਹਿੰਦਰ ਦਾਸ ਐਮਪੀ, ਸੰਤ ਓਂਕਾਰ ਦਾਸ ਲੱਬਰਪੁਆਰੀ, ਸੰਤ ਸੋਮ ਦਾਸ, ਸੰਤ ਰਿਸ਼ੀ ਦਾਸ ਐਮਪੀ, ਸੰਤ ਹੇਮਰਾਜ ਜੰਮੂ, ਸੰਤ ਬਾਬਾ ਲਾਲ ਦਾਸ ਜਗਾਧਰੀ, ਸੰਤ ਸੇਵਾ ਦਾਸ ਐਮਪੀ ਆਦਿ ਵਲੋਂ ਵੀ ਸੰਤ ਸਰਵਣ ਦਾਸ ਮਹਾਰਾਜ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ। ਇਸ ਮੌਕੇ 'ਤੇ ਸੰਤ ਨਿਰੰਜਣ ਦਾਸ ਮਹਾਰਾਜ ਨੇ ਸੰਗਤ ਨੂੰ ਸ਼੍ਰੀ ਗੁਰੂ ਰਵਿਦਾਸ ਜੀ ਦੇ ਜਨਮ ਸਥਾਨ ਦੀ ਖੋਜ ਕਰਨ ਅਤੇ ਮੰਦਰ ਬਣਾਉਣ, ਪਰਮਾਤਮਾ ਦੀ ਪੂਜਾ ਕਰਨ, ਸਾਰੇ ਧਰਮਾਂ ਦਾ ਸਤਿਕਾਰ ਕਰਨ ਅਤੇ ਆਪਣੇ ਬੱਚਿਆਂ ਨੂੰ ਵੱਧ ਤੋਂ ਵੱਧ ਸਿੱਖਿਅਤ ਕਰਨ ਲਈ ਉਤਸ਼ਾਹਿਤ ਕੀਤਾ। ਇਸ ਮੌਕੇ ਡੇਰੇ ਦੇ ਮੌਜੂਦਾ ਗੱਦੀ ਨਸ਼ੀਨ ਸੰਤ ਨਿਰੰਜਨ ਦਾਸ ਮਹਾਰਾਜ ਜੀ ਵੱਲੋਂ ਡੇਰੇ ਦੇ ਪਰਮ ਸ਼ਰਧਾਲੂ ਸਵਰਗੀ ਸਵਰਨ ਦਾਸ ਬੰਗੜ ਤੇ ਉਨਾਂ ਦੀ ਸਵਰਗੀ ਪਤਨੀ ਨੂੰ ਗੋਲਡ ਮੈਡਲ ਜੋ ਕਿ ਉਨਾਂ ਦੀ ਸਪੁੱਤਰੀ ਸੁਰਿੰਦਰ ਬੰਗੜ ਨੂੰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਤੇ ਸੰਤ ਸਰਵਣ ਦਾਸ ਮਹਾਰਾਜ ਜੀ ਦੀ ਬਰਸੀ ਨੂੰ ਸਮਰਪਿਤ ਬੇਗਮਪੁਰਾ ਪਰਿਵਾਰ ਅਖਬਾਰ ਦਾ ਵਿਸ਼ੇਸ਼ ਅੰਕ ਸੰਤ ਨਿਰੰਜਨ ਦਾਸ ਜੀ ਅਤੇ ਸਮੂਹ ਸੰਤਾਂ ਮਹਾਂਪੁਰਸ਼ਾਂ ਵੱਲੋਂ ਸਾਂਝੇ ਤੌਰ ਤੇ ਜਾਰੀ ਕੀਤਾ ਗਿਆ।