PGI ਰੈਂਕਿੰਗ 2.0 'ਚ ਚੰਡੀਗੜ੍ਹ ਦੇਸ਼ ਭਰ 'ਚ ਸਭ ਤੋਂ ਉੱਪਰ, ਜਾਣੋ ਬਾਕੀ ਹੋਰ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀ ਪੁਜੀਸ਼ਨ

ਸੁਮੇਸ਼ ਠਾਕੁਰ, ਚੰਡੀਗੜ੍ਹ : ਸਿੱਖਿਆ ਮੰਤਰਾਲਾ ਵੱਲੋਂ ਜਾਰੀ ਪਰਫਾਰਮੈਂਸ ਗ੍ਰੇਡਿੰਗ ਇੰਡੈਕਸ ਪੀਜੀਆਈ 2.0, 2025-26 ਰੈਕਿੰਗ ਵਿਚ ਚੰਡੀਗੜ੍ਹ ਨੇ ਦੇਸ਼ ਭਰ ਵਿਚ ਸਕੂਲ ਸਿੱਖਿਆ ਦੇ ਪ੍ਰਦਰਸ਼ਨ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ। ਚੰਡੀਗੜ ਨੂੰ 1000 ਵਿਚੋਂ 766 ਅੰਕ ਮਿਲੇ ਹਨ ਅਤੇ ਉਹ ਟਾਪ-3 ਗ੍ਰੇਡ ਹਾਸਲ ਕਰਨ ਵਾਲਾ ਦੇਸ਼ ਦਾ ਇਕੋ ਇਕ ਸੂਬਾ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਬਣ ਗਿਆ ਹੈ ।

ਚੰਡੀਗੜ ਨੇ ਗੁਆਂਢੀ ਸੂਬੇ ਪੰਜਾਬ ਨੂੰ ਵੀ ਪਿਛੇ ਛੱਡ ਦਿੱਤਾ ਹੈ । ਪੰਜਾਾਬ ਨੂੰ 'ਪ੍ਰਚੇਸ਼ਠਾ-1' (701-760 ਅੰਕ) ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ, ਜਦਕਿ ਚੰਡੀਗੜ ਉਸ ਨਾਲ ਇਕ ਗ੍ਰੇਡ ਉਪਰ ਉਤਮ-3 ਵਿਚ ਪਹੁੰਚਿਆ ਹੈ । ਇਸ ਸ਼੍ਰੇਣੀ ਵਿਚ ਦਿੱਲੀ, ਕੇਰਲ ਅਤੇ ਦਾਦਰਾ ਅਤੇ ਨਗਰ ਹਵੇਲੀ ਅਤੇਦਮਨ ਅਤੇ ਦੀਵ ਵੀ ਪੰਜਾਬ ਦੇ ਨਾਲ ਸ਼ਾਮਲ ਹੇ।

ਹੋਰ ਕੇਂਦਰੀ ਸ਼ਾਸਤ ਪ੍ਰਦੇਸ਼ਾਂ ਦੀ ਗੱਲ ਕਰੋ ਕਿ ਲਕਸ਼ਦੀਪ ਨੂੰ ਐਸਪੀਰੇਸ਼ਨਲ-2 ਦਾ ਗ੍ਰੇਡ ਮਿਲਿਆ, ਪੁਡੂਚੇਰੀ ਅਤੇ ਲੱਦਾਖ ਨੂੰ ਐਸਪੀਰੇਸ਼ਨਲ-3 ਮਿਲਿਆ, ਜਦੋਂ ਕਿ ਜੰਮੂ ਅਤੇ ਕਸ਼ਮੀਰ ਅਤੇ ਅੰਡੇਮਾਨ ਅਤੇ ਨਿਕੋਬਾਰ ਟਾਪੂਆਂ ਨੂੰ ਐਸਪੀਰੇਸ਼ਨਲ-1 ਗ੍ਰੇਡ ਮਿਲਿਆ। ਇਹ ਸਪੱਸ਼ਟ ਤੌਰ 'ਤੇ ਦਰਸਾਉਂਦਾ ਹੈ ਕਿ ਸਕੂਲ ਸਿੱਖਿਆ ਪ੍ਰਦਰਸ਼ਨ ਵਿੱਚ ਚੰਡੀਗੜ੍ਹ ਨੇ ਬਾਕੀ ਸਾਰੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਪਛਾੜ ਦਿੱਤਾ ਹੈ।

70 ਸੂਚਕਾਂ ਅਤੇ ਛੇ ਮੁੱਖ ਖੇਤਰਾਂ - ਸਿੱਖਣ ਦੇ ਨਤੀਜੇ, ਪਹੁੰਚ, ਬੁਨਿਆਦੀ ਢਾਂਚਾ, ਇਕੁਇਟੀ, ਪ੍ਰਸ਼ਾਸਕੀ ਪ੍ਰਕਿਰਿਆਵਾਂ, ਅਤੇ ਅਧਿਆਪਕ ਸਿੱਖਿਆ ਅਤੇ ਸਿਖਲਾਈ - ਦੇ ਆਧਾਰ 'ਤੇ ਤਿਆਰ ਕੀਤੇ ਗਏ ਇਸ ਸੂਚਕਾਂਕ ਵਿੱਚ, ਚੰਡੀਗੜ੍ਹ ਨੇ ਦੇਸ਼ ਵਿੱਚ ਸਭ ਤੋਂ ਵੱਧ ਪ੍ਰਦਰਸ਼ਨ ਕੀਤਾ, ਖਾਸ ਕਰਕੇ ਸ਼ਾਸਨ ਪ੍ਰਕਿਰਿਆਵਾਂ ਵਿੱਚ। ਰਿਪੋਰਟ ਦੇ ਅਨੁਸਾਰ, ਚੰਡੀਗੜ੍ਹ ਦੇਸ਼ ਦਾ ਇਕਲੌਤਾ ਰਾਜ/ਕੇਂਦਰ ਸ਼ਾਸਤ ਪ੍ਰਦੇਸ਼ ਹੈ ਜਿਸਨੇ ਇਸ ਸ਼੍ਰੇਣੀ ਵਿੱਚ "ਉੱਤਮ-1" ਗ੍ਰੇਡ ਪ੍ਰਾਪਤ ਕੀਤਾ ਹੈ।

ਸਿੱਖਿਆ ਮੰਤਰਾਲੇ ਦਾ ਕਹਿਣਾ ਹੈ ਕਿ ਪੀਜੀਆਈ 2.0 ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿਚਕਾਰ ਮੁਕਾਬਲਾ ਪੈਦਾ ਕਰਨ ਲਈ ਨਹੀਂ, ਸਗੋਂ ਸਕੂਲ ਸਿੱਖਿਆ ਦੀ ਗੁਣਵੱਤਾ ਵਿੱਚ ਨਿਰੰਤਰ ਸੁਧਾਰ ਨੂੰ ਉਤਸ਼ਾਹਿਤ ਕਰਨ ਲਈ ਵਿਕਸਤ ਕੀਤਾ ਗਿਆ ਹੈ।