ਸੜਕ ਹਾਦਸੇ 'ਚ ਜ਼ਖ਼ਮੀ ਨੌਜਵਾਨ ਦੀ ਹਸਪਤਾਲ 'ਚ ਇਲਾਜ ਦੌਰਾਨ ਮੌਤ, ਅਣਪਛਾਤੇ ਵਾਹਨ ਚਾਲਕ ਖ਼ਿਲਾਫ਼ ਕੇਸ ਦਰਜ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਬਰਨਾਲਾ : ਥਾਣਾ ਮਹਿਲ ਕਲਾਂ ਦੀ ਪੁਲਿਸ ਨੇ ਸੜਕ ਹਾਦਸੇ ’ਚ ਇਕ ਵਿਅਕਤੀ ਦੀ ਮੌਤ ਹੋ ਜਾਣ ਦੇ ਮਾਮਲੇ ’ਚ ਨਾ-ਮਲੂਮ ਵਹੀਕਲ ਚਾਲਕ ਖਿਲਾਫ਼ ਕੇਸ ਦਰਜ ਕੀਤਾ ਹੈ। ਮੁਦੱਈ ਦੀਦਾਰ ਸਿੰਘ ਪੁੱਤਰ ਗੱਜਣ ਸਿੰਘ ਵਾਸੀ ਧਾਲੀਵਾਲ ਪੱਤੀ ਸਹੌਰ ਨੇ ਬਿਆਨ ਲਿਖਵਾਇਆ ਕਿ ਮਿਤੀ 17 ਜੂਨ ਨੂੰ ਉਹ ਤੇ ਉਸਦਾ ਲੜਕਾ ਕੁਲਵੀਰ ਸਿੰਘ ਸਬਜੀ ਤੋੜਕੇ ਸਹਿਰ ਬਰਨਾਲਾ ਮੰਡੀ ’ਚ ਵੇਚਣ ਲਈ ਜਾ ਰਹੇ ਸੀ ਤਾਂ ਉਹ ਛੋਟੇ ਹਾਥੀ ’ਚ ਸਬਜੀ ਲੋਡ ਕਰਕੇ ਉਸ ’ਚ ਬੈਠ ਗਿਆ ਤੇ ਉਸਦਾ ਲੜਕਾ ਕੁਲਵੀਰ ਸਿੰਘ ਸਾਡੇ ਅੱਗੇ ਮੋਟਰਸਾਈਕਲ ਮਾਰਕਾ ਪਲਟੀਨਾ ਪਰ ਸਵਾਰ ਹੋਕੇ ਜਾ ਰਿਹਾ ਸੀ ਤਾਂ ਜਦੋਂ ਉਹ ਪਿੰਡ ਸਹੌਰ ਲਿੰਕ ਰੋਡ ਤੋਂ ਰਾਏਕੋਟ ਰੋਡ ਬਰਨਾਲਾ ਪਰ ਸ਼ਹਿਰ ਵੱਲ ਨੂੰ ਜਾ ਰਹੇ ਸੀ ਤਾਂ ਇੱਕ ਨਾਮਲੂਮ ਵਹੀਕਲ ਬਹੁਤ ਤੇਜ ਰਫਤਾਰੀ ਨਾਲ ਲੰਘਿਆ ਜੋ ਸਾਡੇ ਦੇਖਦੇ-ਦੇਖਦੇ ਨਾਮਲੂਮ ਵਹੀਕਲ ਚਾਲਕ ਨੇ ਬੜੀ ਤੇਜ ਰਫਤਾਰੀ ਅਤੇ ਅਣਗਿਹਲੀ ਨਾਲ ਉਸਦੇ ਲੜਕੇ ਕੁਲਵੀਰ ਸਿੰਘ ਦੀ ਪਿਛਲੀ ਸਾਇਡ ਟੱਕਰ ਮਾਰੀ ਜਿਸ ਨਾਲ ਉਸਦਾ ਲੜਕਾ ਕੁਲਵੀਰ ਸਿੰਘ ਰੋਡ ਦੇ ਖੱਬੇ ਪਾਸੇ ਜਾ ਡਿੱਗਾ ਅਤੇ ਨਾਮਲੂਮ ਵਿਅਕਤੀ ਮੌਕੇ ਤੋਂ ਬਿਨਾ ਰੁਕੇ ਭੱਜ ਗਿਆ।