MP ਮੀਤ ਹੇਅਰ ਦੇ ਜੱਦੀ ਪਿੰਡ 'ਚ ਸਰਕਾਰ ਖਿਲਾਫ ਮੋਰਚਾ! ਪਾਣੀ ਨਾ ਮਿਲਣ 'ਤੇ ਭੜਕੇ ਕਿਸਾਨਾਂ ਨੇ ਨਹਿਰੀ ਵਿਭਾਗ ਖ਼ਿਲਾਫ਼ ਕੀਤੀ ਜ਼ਬਰਦਸਤ ਨਾਅਰੇਬਾਜ਼ੀ

ਇਸ ਕਾਰਨ ਮੋਘੇ ਨਾਲ ਜੁੜੇ ਲਗਭਗ ਸਾਢੇ 430 ਏਕੜ ਰਕਬੇ ਦੇ ਕਿਸਾਨਾਂ ਨੂੰ ਝੋਨੇ ਦੀ ਲਵਾਈ ਦੌਰਾਨ ਗੰਭੀਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਪੁਰਾਣੇ ਰਜਵਾਹੇ ਦੇ ਮੋਘੇ ਦੀ ਬਣਤਰ ਕਾਫ਼ੀ ਬਿਹਤਰ ਸੀ ਅਤੇ ਪਾਣੀ ਆਸਾਨੀ ਨਾਲ ਹਰ ਖੇਤ ਤੱਕ ਪਹੁੰਚ ਜਾਂਦਾ ਸੀ, ਜਦਕਿ ਨਵੇਂ ਰਜਵਾਹੇ ’ਚ ਸਿਰਫ਼ 4 ਇੰਚ ਦਾ ਪਾਈਪ ਲਗਾ ਕੇ ਵਿਭਾਗ ਨੇ ਆਪਣੀ ਜ਼ਿੰਮੇਵਾਰੀ ਤੋਂ ਪੱਲਾ ਝਾੜ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਇੰਨੇ ਵੱਡੇ ਰਕਬੇ ਲਈ ਇਹ ਪਾਈਪ ਨਾਕਾਫ਼ੀ ਹੈ ਅਤੇ ਪਿਛਲੇ 13 ਘੰਟਿਆਂ ਦੌਰਾਨ ਕੇਵਲ ਇੱਕ ਕਿੱਲੇ ਦੇ ਬਰਾਬਰ ਹੀ ਪਾਣੀ ਭਰਿਆ ਜਾ ਸਕਿਆ ਹੈ। ਪਾਈਪ ’ਚ ਝਾੜੀਆਂ ਅਤੇ ਕੂੜਾ ਫਸ ਜਾਣ ਕਾਰਨ ਪਾਣੀ ਦਾ ਵਹਾਅ ਹੋਰ ਵੀ ਪ੍ਰਭਾਵਿਤ ਹੋ ਰਿਹਾ ਹੈ। ਕਿਸਾਨਾਂ ਨੇ ਕਿਹਾ ਕਿ ਝੋਨੇ ਦੀ ਲਵਾਈ ਲਈ ਮਜ਼ਦੂਰ ਪਹਿਲਾਂ ਹੀ ਖੇਤਾਂ ’ਚ ਪਹੁੰਚ ਚੁੱਕੇ ਹਨ, ਪਰ ਪਾਣੀ ਦੀ ਘਾਟ ਕਾਰਨ ਉਨ੍ਹਾਂ ਨੂੰ ਵਾਧੂ ਆਰਥਿਕ ਬੋਝ ਝੱਲਣਾ ਪੈ ਰਿਹਾ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਨਹਿਰੀ ਵਿਭਾਗ ਤੁਰੰਤ ਮੋਘੇ ਦੀ ਬਣਤਰ ’ਚ ਸੁਧਾਰ ਕਰਕੇ ਪੂਰਾ ਪਾਣੀ ਮੁਹੱਈਆ ਕਰਵਾਏ ਤਾਂ ਜੋ ਕਿਸਾਨ ਸਮੇਂ ਸਿਰ ਆਪਣੀ ਫ਼ਸਲ ਦੀ ਬਿਜਾਈ ਕਰ ਸਕਣ।