ਬਹਿਰੀਨ ਵਾਲੀ ਬੀਬੀ ਨਹੀਂ ਹੋਰ ਵੀ ਕਈ ਬੀਬੀਆਂ ਹਨ ਅਕਾਲੀ ਦਲ ਦੇ ਆਗੂਆਂ ਤੋਂ ਪੀੜਿਤ - ਰੂਪ ਕੌਰ ਸੰਧੂ

ਸਟਾਫ ਰਿਪੋਰਟਰ, ਅੰਮ੍ਰਿਤਸਰ: ਸ਼੍ਰੋਮਣੀ ਅਕਾਲੀ ਦਲ ਤੋਂ ਬਰਖਾਸਤ ਕੀਤੀ ਆਗੂ ਬੀਬੀ ਰੂਪ ਕੌਰ ਸੰਧੂ ਸਕੱਤਰੇਤ ਸ੍ਰੀ ਅਕਾਲ ਤਖਤ ਸਾਹਿਬ ਵਿਖੇ ਬਹਿਰੀਨ ਵਾਲੀ ਬੀਬੀ ਸਮੇਤ ਹੋਰ ਕਈ ਔਰਤਾਂ ਦਾ ਦਰਦ ਲੈ ਕੇ ਪਹੁੰਚੀ । ਸਕੱਤਰੇਤ ਵਿਖੇ ਦਰਖਾਸਤ ਦੇਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਬੀਬੀ ਰੂਪ ਕੌਰ ਸੰਧੂ ਨੇ ਕਿਹਾ ਕਿ ਉਹਨਾਂ ਨੂੰ ਕਈ ਹੋਰ ਔਰਤਾਂ ਦੇ ਫੋਨ ਹੋਏ ਹਨ ਜੋ ਵੱਖ-ਵੱਖ ਅਕਾਲੀ ਦਲ ਦੇ ਆਗੂਆਂ ਤੋਂ ਪੀੜਤ ਹਨ ਅਤੇ ਜਿਨ੍ਹਾਂ ਦਾ ਸ਼ੋਸ਼ਣ ਹੋਇਆ ਹੈ । ਜਿਸ ਦੇ ਸਬੂਤ ਉਹ ਜਥੇਦਾਰ ਨੂੰ ਮਿਲ ਕੇ ਦੇਣਗੇ ਤਾਂ ਜੋ ਪੀੜਤਾ ਨੂੰ ਇਨਸਾਫ ਮਿਲ ਸਕੇ ਅਤੇ ਜ਼ਿੰਮੇਵਾਰ ਅਕਾਲੀ ਆਗੂ ਨੂੰ ਉਸ ਦੀ ਸਜ਼ਾ ਮਿਲ ਸਕੇ |